കൊല്ലം: ശബരിമല സ്‌പെഷലായി ചെന്നൈ-കോട്ടയം -ചെന്നൈ റൂട്ടിൽ ഓടിയ വന്ദേ ഭാരത് എക്സ്പ്രസ് വീണ്ടും സർവീസ് നടത്താൻ റെയിൽവേ. ഈ മാസം ഏഴ്, 14ന് ചെന്നൈയിൽനിന്ന് കോട്ടയത്തേയ്ക്ക് സർവീസ് നടത്തും. കോട്ടയത്ത് നിന്നു തിരികെ ചെന്നൈയിലേയ്ക്കുള്ള സർവീസ് എട്ട്, 15ന് ആണ്.
ചെന്നൈ-കോട്ടയം സർവീസ് പുലർച്ചെ 4.30 ന് പുറപ്പെട്ട് വൈകുന്നേരം 4.15 ന് കൊല്ലത്ത് എത്തും. മടക്ക സർവീസ് പുലർച്ചെ 4.40 ന് കോട്ടയത്ത് നിന്ന് പുറപ്പെട്ട് വൈകുന്നേരം 5.15ന് ചെന്നെയിൽ എത്തുന്ന രീതിയിലാണ് സമയക്രമം.
പാലക്കാട്, തൃശൂർ, ആലുവ, എറണാകുളം നോർത്ത് എന്നിവിടങ്ങളിലാണ് കേരളത്തിൽ സ്റ്റോപ്പുള്ളത്. റിസർവേഷൻ ആരംഭിച്ചതായി ദക്ഷിണ റെയിൽവേ അധികൃതർ അറിയിച്ചു.
