സോഷ്യൽ മീഡിയയിൽ സജീവമായ സെലിബ്രിറ്റികൾക്ക് ആരാധകരിൽ നിന്നും അജ്ഞാതരിൽ നിന്നും ധാരാളം വിവാഹ അഭ്യർഥനകൾ വരാറുണ്ട്. അത്തരത്തിലുള്ള കാര്യങ്ങൾ അവർ തന്നെ വെളിപ്പെടുത്താറുമുണ്ട്.
എന്നാൽ ബ്രസീലിയൻ മോഡലായ വാനുസ ഫ്രീറ്റാസിന് വന്ന ഒരു വിവാഹ അഭ്യർഥനയാണ് ഇപ്പോൾ സോഷ്യൽ മീഡിയയിൽ വൈറലായത്. തനിക്ക് അജ്ഞാതരിൽ നിന്നും ധാരാളം വിവാഹ വാഗ്ദാനങ്ങൾ വരാറുണ്ടെന്ന് വാനുസ വെളിപ്പെടുത്തിയിട്ടുണ്ടായിരുന്നു. എന്നാൽ ഇവിടെ കാര്യങ്ങൾ അല്പം വ്യത്യസ്തമാണ്.
ദുബായ് യാത്രക്കിടെയാണ് ഒരാൾ 300 ഒട്ടകങ്ങളെ സമ്മാനമായ് നൽകാം തന്നെ വിവാഹം കഴിക്കണമെന്നാണ് വാനുസയോട് അഭ്യർഥിച്ചത്. നിലവിൽ ഇവയാൾക്ക് വേറെ ഭാര്യമാരുണ്ട്. വരുമാനം, ഭക്ഷണം, ഗതാഗത മാർഗം എന്നിവയ്ക്ക് എല്ലാം ഒട്ടകങ്ങളെ ഉപയോഗിക്കാറുണ്ട് അതുകൊണ്ട് തന്നെ ഒട്ടകം മികച്ച വിവാഹ സമ്മാനമാണ്. എന്നാൽ വാനുസ അജ്ഞാതന്‍റെ ആഗ്രഹത്തെ ആദരവരോടെ നിരസിക്കുകയായിരുന്നു.
എല്ലാം ആലോചിച്ച ശേഷം ഏറെ മോഹിപ്പിക്കുന്നതായിരുന്നെങ്കിലും താൻ വേണ്ടെന്ന് വച്ചു എന്നാണ് വനുസ പ്രതികരിച്ചത്. വിവാഹ അഭ്യർഥന നിരസിച്ചെങ്കിലും ആ വ്യക്തിയുമായ് ഇപ്പോഴും സൗഹൃദമുണ്ടെന്നും വാനുസ പറഞ്ഞു.
