ഇ​ര​ട്ട ജീ​വ​പ​ര്യ​ന്തം ത​ട​വി​ന് ശി​ക്ഷി​ച്ച പ്ര​തി രക്ഷപ്പെട്ടിട്ട് പ​തി​നാ​ലു മാ​സം;രക്ഷപ്പെട്ടത് വ​ട്ട​പ്പാ​റ​യി​ൽ പ​തി​ന​ഞ്ചു​കാ​രി​യെ കൊ​ല​പ്പെ​ടു​ത്തി​യ കേ​സി​ലെ പ്രതി രാജേഷ്

എം.​ സു​രേ​ഷ്ബാ​ബു
തി​രു​വ​ന​ന്ത​പു​രം: കേ​ര​ള മ​ന​സാ​ക്ഷി​യെ പി​ടി​ച്ച് കു​ലു​ക്കി​യ വ​ട്ട​പ്പാ​റ​യി​ലെ പ​തി​ന​ഞ്ചു​കാ​രി​യെ കൊ​ല​പ്പെ​ടു​ത്തി​യ കേ​സി​ൽ കോ​ട​തി ഇ​ര​ട്ട ജീ​വ​പ​ര്യ​ന്തം ക​ഠി​ന​ത​ട​വി​ന് ശി​ക്ഷി​ച്ച പ്ര​തി ജ​യി​ൽ ചാ​ടി ര​ക്ഷ​പ്പെ​ട്ടി​ട്ട് പ​തി​നാ​ല് മാ​സം പി​ന്നി​ട്ടു. അ​ന്വേ​ഷ​ണം എ​ങ്ങും എ​ത്തി​യി​ല്ല.

കാ​ട്ടാ​ക്ക​ട വീ​ര​ണ​കാ​വ് ക്രൈ​സ്റ്റ് ഭ​വ​നി​ൽ രാ​ജേ​ഷ്കു​മാ​റാ​ണ് പ​തി​നാ​ല് മാ​സം മു​ൻ​പ് ര​ക്ഷ​പ്പെ​ട്ട​ത്. 2020 ഡി​സം​ബ​ർ 23നാ​ണ് രാ​ജേ​ഷ് നെ​ട്ടു​കാ​ൽ​ത്തേ​രി തു​റ​ന്ന ജ​യി​ലി​ൽ നി​ന്നും ര​ക്ഷ​പ്പെ​ട്ട​ത്.

ജ​യി​ൽ വ​ള​പ്പി​ൽ പ​ശു​വി​നെ മേ​യ്ക്കാ​ൻ പോ​യ ഇ​യാ​ൾ ജ​യി​ൽ അ​ധി​കൃ​ത​രു​ടെ ക​ണ്ണ് വെ​ട്ടി​ച്ച് ര​ക്ഷ​പ്പെ​ടു​ക​യാ​യി​രു​ന്നു. പൂ​ജ​പ്പു​ര സെ​ൻ​ട്ര​ൽ ജ​യി​ലി​ലാ​യി​രു​ന്ന ഇ​യാ​ളെ നെ​ട്ടു​കാ​ൽ​ത്തേ​രി തു​റ​ന്ന ജ​യി​ലി​ലേ​ക്ക് മാ​റ്റി​യ​തോ​ടെ​യാ​ണ് ഇ​യാ​ൾ ര​ക്ഷ​പ്പെ​ട്ട​ത്.

ആദ്യം നൽകിയത് വധശിക്ഷ
പ്ര​തി​ക്ക് തി​രു​വ​ന​ന്ത​പു​രം സെ​ഷ​ൻ​സ് കോ​ട​തി വ​ധ​ശി​ക്ഷ​യാ​ണ് വി​ധി​ച്ചി​രു​ന്ന​ത്. അ​പൂ​ർ​വ്വ​ങ്ങ​ളി​ൽ അ​പൂ​ർ​വ​മാ​യ കേ​സ് എ​ന്ന നി​ല​യ്ക്കാ​ണ് കോ​ട​തി വ​ധ​ശി​ക്ഷ വി​ധി​ച്ച​ത്.

പ​രോ​ൾ പോ​ലും ന​ൽ​ക​രു​തെ​ന്ന് കോ​ട​തി നി​ർ​ദേ​ശി​ച്ചി​രു​ന്നു. ഹൈ​ക്കോ​ട​തി​യി​ൽ അ​പ്പീ​ൽ ന​ൽ​കി പ്ര​തി വ​ധ​ശി​ക്ഷ​യി​ൽ നി​ന്നും ഇ​ള​വ് നേ​ടി. വ​ധ​ശി​ക്ഷ കോ​ട​തി ഇ​ര​ട്ട ജീ​വ​പ​ര്യ​ന്ത​മാ​യി ശി​ക്ഷ ഇ​ള​വ് ചെ​യ്യു​ക​യാ​യി​രു​ന്നു.

രാ​ജേ​ഷി​നോ​ടൊ​പ്പം അ​ന്ന് ജ​യി​ലി​ൽ നി​ന്നും ര​ക്ഷ​പ്പെ​ട്ട മ​റ്റൊ​രു കേ​സി​ലെ പ്ര​തി​യെ പി​ടി​കൂ​ടി​യി​രു​ന്നു. എ​ന്നാ​ൽ രാ​ജേ​ഷി​നെ മാ​ത്രം പി​ടി​കൂ​ടാ​ൻ ജ​യി​ൽ അ​ധി​കൃ​ത​ർ​ക്കും പോ​ലീ​സി​നും ഇ​തു​വ​രെ​യും സാ​ധി​ച്ചി​ട്ടി​ല്ല. തു​ട​ർ​ന്ന് അ​ന്വേ​ഷ​ണം ഇ​പ്പോ‍​ൾ നി​ല​ച്ച മ​ട്ടാ​ണ്.

പ്രത്യേക അന്വേഷണ സംഘം ഇല്ല
പ്ര​തി ജ​യി​ലി​ൽ നി​ന്നും ര​ക്ഷ​പ്പെ​ട്ട​തി​ന് നെ​യ്യാ​ർ​ഡാം പോ​ലീ​സ് കേ​സ് ര​ജി​സ്റ്റ​ർ ചെ​യ്തെ​ങ്കി​ലും അ​ന്വേ​ഷ​ണം പു​രോ​ഗ​മി​ച്ചി​ല്ല. പ്ര​ത്യേ​ക അ​ന്വേ​ഷ​ണ സം​ഘ​ത്തെ നി​യ​മി​ക്കാ​ത്ത​തി​നാ​ൽ അ​ന്വേ​ഷ​ണം നി​ല​യ്ക്കു​ക​യാ​യി​രു​ന്നു.

ജ​യി​ലി​ൽ നി​ന്നും ര​ക്ഷ​പ്പെ​ട്ട പ്ര​തി ഇ​നി​യും സ​മാ​ന​മാ​യ കു​റ്റ​കൃ​ത്യ​ങ്ങ​ളി​ൽ ഏ​ർ​പ്പെ​ടാ​നു​ള്ള സാ​ധ്യ​ത ത​ള്ളി​ക്ക​ള​യാ​നാ​കി​ല്ലെ​ന്നാ​ണ് വി​ദ​ഗ്ധ​ർ അ​ഭി​പ്രാ​യ​പ്പെ​ടു​ന്ന​ത്.

പേ​രൂ​ർ​ക്ക​ട​യി​ൽ വി​നീ​ത എ​ന്ന യു​വ​തി​യെ കൊ​ല​പ്പെ​ടു​ത്തി​യ കേ​സി​ലെ പ്ര​തി​യെ പി​ടി​കൂ​ടി​യ​പ്പോ​ഴാ​ണ് അ​യാ​ൾ ന​ട​ത്തി​യ കൂടു​ത​ൽ കൊ​ല​പാ​ത​ക​ങ്ങ​ളു​ടെ ചു​രു​ൾ അ​ഴി​ഞ്ഞ​ത്.

രാ​ജേ​ഷി​നെ പോ​ലെ​യു​ള്ള പ്ര​തി​ക​ൾ നി​യ​മ​ത്തെ​യും നീ​തി​ന്യാ​യ സം​വി​ധാ​ന​ങ്ങ​ളെ​യും ക​ബ​ളി​പ്പി​ച്ച് ര​ക്ഷ​പ്പെ​ട്ട് ഒ​ളി​വി​ൽ ക​ഴി​യു​ന്ന​ത് സ്ത്രീ ​സ​മൂ​ഹ​ത്തി​ന് ഭീ​ഷ​ണി​യാ​യി മാ​റു​മെ​ന്നാ​ണ് ക്രി​മി​നോ​ള​ജി രം​ഗ​ത്തെ വി​ദ​ഗ്ധ​ർ വ്യ​ക്ത​മാ​ക്കു​ന്ന​ത്.

2012 മാ​ർ​ച്ച് ആ​റി​ന് ഉ​ച്ച​യ്ക്കാ​യി​രു​ന്നു കേ​സി​നാ​സ്പ​ദ​മാ​യ സം​ഭ​വം ന​ട​ന്ന​ത്. വ​ട്ട​പ്പാ​റ സ്വ​ദേ​ശി​നി​യാ​യ പ​തി​ന​ഞ്ചു​കാ​രി എ​സ്എ​സ്എ​ൽ​സി പ​രീ​ക്ഷ​യ്ക്കാ​യി വീ​ട്ടി​ലി​രു​ന്ന് പ​ഠി​ച്ച് കൊ​ണ്ടരി​ക്ക​വെ​യാ​ണ് രാ​ജേ​ഷ് പെ​ണ്‍​കു​ട്ടി​യെ മാ​ന​ഭം​ഗ​പ്പെ​ടു​ത്തി കൊ​ല​പ്പെ​ടു​ത്തി​യ ശേ​ഷം സ്വ​ർ​ണാ​ഭ​ര​ണ​ങ്ങ​ൾ ക​വ​ർ​ന്ന് ര​ക്ഷ​പ്പെ​ട്ട​ത്.

വട്ടം ചുറ്റിച്ച കേസ്
പോ​ലീ​സി​നെ ഏ​റെ വ​ട്ടം ചു​റ്റി​ച്ച കേ​സാ​യി​രു​ന്നു. സം​ഭ​വം ന​ട​ന്ന കാ​ല​യ​ള​വി​ൽ ആ​റ്റി​ങ്ങ​ൽ ഡി​വൈ​എ​സ്പി ആ​യി​രു​ന്ന ബി.​കെ. പ്ര​ശാ​ന്ത​ന്‍റെ നേ​തൃ​ത്വ​ത്തി​ൽ വെ​ഞ്ഞാ​റ​മൂ​ട് സി​ഐ കെ.​ആ​ർ.​ ബി​ജു, കി​ളി​മാ​നൂ​ർ സി​ഐ അ​ശോ​ക് കു​മാ​ർ, വ​ട്ട​പ്പാ​റ എ​സ്ഐ ബി​ജു എ​ന്നി​വ​രു​ടെ നേ​തൃ​ത്വ​ത്തി​ലു​ള്ള പോ​ലീ​സ് സം​ഘം വി​ദ​ഗ്ധ​മാ​യി ന​ട​ത്തി​യ അ​ന്വേ​ഷ​ണ​ത്തി​നൊ​ടു​വി​ലാ​ണ് കൊ​ല​പാ​ത​കം ന​ട​ത്തി​യ​ത് രാ​ജേ​ഷാ​ണെ​ന്ന് ക​ണ്ടെ ത്തി​യ​ത്.

ഓ​ട്ടോ​റി​ക്ഷ ഡ്രൈ​വ​റാ​യ രാ​ജേ​ഷ് വ​ട്ട​പ്പാ​റ​യി​ൽ ഓ​ട്ടം വ​ന്ന​പ്പോ​ഴാ​ണ് കൊ​ല​പാ​ത​കം ന​ട​ത്തി​യ​ത്.റോ​ഡി​ലെ കു​ഴി​യി​ൽ ട​യ​ർ താ​ഴ്ന്ന​തി​നെ തു​ട​ർ​ന്ന് സ്ക്രൂ​ഡ്രൈ​വ​ർ വാ​ങ്ങാ​നെ​ന്ന വ്യാ​ജേ​ന​യാ​ണ് റോ​ഡി​ന് സ​മീ​പ​ത്തെ പെ​ണ്‍​കു​ട്ടി​യു​ടെ വീ​ട്ടി​ൽ പ്ര​തി ചെ​ന്ന​ത്. ആ ​സ​മ​യം പെ​ണ്‍​കു​ട്ടി മാ​ത്ര​മാ​ണ് വീ​ട്ടി​ലു​ണ്ടായി​രു​ന്ന​ത്.

ഇ​ത് മ​ന​സി​ലാ​ക്കി​യാ​ണ് പ്ര​തി പെ​ണ്‍​കു​ട്ടി​യെ മാ​ന​ഭം​ഗ​പ്പെ​ടു​ത്തി​യ ശേ​ഷം കൊ​ല​പാ​ത​കം ന​ട​ത്തി​യ​ത്. രാ​ജേ​ഷി​ന്‍റെ ഓ​ട്ടാ​റി​ക്ഷ​യി​ൽ എ​ഴു​തി​യി​രു​ന്ന രാ​ജ​മ്മ എ​ന്ന പേ​രും ഓ​ട്ടോ​യി​ൽ വ​ര​ച്ചി​രു​ന്ന ചി​ത്ര​വും മ​ന​സി​ലാ​ക്കി ന​ട​ത്തി​യ അ​ന്വേ​ഷ​ണ​മാ​ണ് പ്ര​തി​യി​ലേ​ക്ക് എ​ത്തി​ ചേ​രാ​ൻ പോ​ലീ​സി​നെ സ​ഹാ​യി​ച്ച​ത്.

പ്ര​തി​യു​ടെ രേ​ഖാ​ചി​ത്രം ഉ​ൾ​പ്പെ​ടെ പോ​ലീ​സ് പു​റ​ത്ത് വി​ട്ടി​രു​ന്ന​തും അ​ന്വേ​ഷ​ണ​ത്തി​ന് സ​ഹാ​യി​ച്ചി​രു​ന്നു. ഡ​ൽ​ഹി​യി​ലെ നി​ർ​ഭ​യ കേ​സി​ന് മു​ൻ​പ് ന​ട​ന്ന ക്രൂ​ര​മാ​യ കൊ​ല​പാ​ത​ക​മാ​യി​രു​ന്നു. പ​ത്ത് മാ​സ​ത്തി​ന​കം ത​ന്നെ വി​ചാ​ര​ണ പൂ​ർ​ത്തി​യാ​ക്കി പ്ര​തി​യെ കോ​ട​തി ശി​ക്ഷി​ക്കു​ക​യാ​യി​രു​ന്നു.

അ​ന്ന​ത്തെ മു​ഖ്യ​മ​ന്ത്രി​യാ​യി​രു​ന്ന ഉ​മ്മ​ൻ​ചാ​ണ്ടിയും ​പ്ര​തി​പ​ക്ഷ നേ​താ​വാ​യി​രു​ന്ന വി.​എ​സ്. അ​ച്യു​താ​ന​ന്ദ​ൻ ഉ​ൾ​പ്പെ​ടെ​യു​ള്ള നേ​താ​ക്ക​ളും സം​ഭ​വ സ്ഥ​ലം സ​ന്ദ​ർ​ശി​ച്ചി​രു​ന്നു. പ്ര​തി​ക്കെ​തി​രെ ജ​ന​കീ​യ പ്ര​തി​ഷേ​ധ​വും ഉ​യ​ർ​ന്നി​രു​ന്നു.