47 -ാമത് വയലാർ സാഹിത്യ പുരസ്കാരം പ്രഖ്യാപിച്ചു. ഈ വർഷത്തെ വയലാർഅവാർഡ് സംവിധായകനും ഗാനരചയിതാവുമായ ശ്രീകുമാരൻ തമ്പിക്ക്. ജീവിതം ഒരു പെൻഡുലം എന്ന ആത്മകഥക്കാണ് പുരസ്കാരം. ഒരു ലക്ഷം രൂപയും ശിൽപവുമാണ് പുരസ്കാരം. വയലാർ രാമവർമ ഫൗണ്ടേഷൻ ഏർപ്പെടുത്തിയ അവാർഡ് ആണിത്. വയലാർ രാമ വർമയുടെ ചരമ വാർഷിക ദിനമായ ഈ മാസം 27ന് തിരുവനന്തപുരം നിശാഗന്ധിയിൽ വച്ച് നടക്കുന്ന ചടങ്ങില്‍ വെച്ച് പുസ്കാരം സമ്മാനിക്കും.
1940 മാർച്ച് 16ന് ആലപ്പുഴ ജില്ലയിലാണ് ജനനം. 85 സിനിമകൾക്ക് തിരക്കഥ ഒരുക്കിയിട്ടുണ്ട്.മലയാള സിനിമക്ക് നൽകിയ സമഗ്രസംഭാവനകളെ മുൻനിർത്തി കേരള സർക്കാരിന്‍റെ പരമോന്നത ബഹുമതിയായ ജെ.സി. ഡാനിയേൽ പുരസ്കാരത്തിന് അർഹനായിട്ടുണ്ട്.
