കൊടുങ്ങല്ലൂർ: ജനപ്രതിനിധികൾ മറ്റുള്ളവർക്ക് മാതൃകയായിരിക്കണമെന്ന് കെപിസിസി വൈസ് പ്രസിഡന്‍റ് വി.ഡി. സതീശൻ എംഎൽഎ. കൊടുങ്ങല്ലൂർ ബ്ലോക്ക് കോണ്ഗ്രസ് കമ്മിറ്റി നടത്തിയ പഠന ക്യാന്പിന്‍റെ സമാപന സമ്മേളനം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.
മേത്തല ശ്രീ നാരായണ സമാജം ഹാളിൽ നടന്ന യോഗത്തിൽ ബ്ലോക്ക് പ്രസിഡന്‍റ് കെ.ഐ. നജീബ് അധ്യക്ഷത വഹിച്ചു. മുൻ എംഎൽഎ ടി.യു. രാധാകൃഷ്ണൻ ഡിസിസി ജനറൽ സെക്രട്ടറിമാരായ ടി.എം. നാസർ, വി.എ. അബ്ദുൾ കരീം, വി.എം. മൊഹിയുദ്ദീൻ, ക്യാന്പ് ഡയറക്ടർ വേണു വെണ്ണറ, വി.എം ജോണി, ഇ.വി.സജീവൻ, കെ.പി.സുനിൽകുമാർ, ടി.എ.ഗിരീഷ് കുമാർ, ഇ.എസ്.സാബു, പി.വി.രമണൻ, എ.ആർ ബൈജു, കെ.എ. മുഹമ്മദ് എന്നിവർ പ്രസംഗിച്ചു.
