പ്രതിപക്ഷ നേതാവ് വി.ഡി സതീശൻ പാണക്കാടെത്തി. മുസ്‍ലിം ലീഗ് സംസ്ഥാന അധ്യക്ഷൻ സാദിഖലി ശിഹാബ് തങ്ങളുമായി കൂടിക്കാഴ്ച നടത്തി.
സിപിഎം സംഘടിപ്പിക്കുന്ന പലസ്തീൻ ഐക്യദാർഢ്യ റാലിയിൽ ലീഗിനെ ക്ഷണിച്ചതുമായി ബന്ധപ്പെട്ട് കോൺഗ്രസ് ലീഗ് തമ്മിലുണ്ടായ സ്വര ചേർച്ച നിലനിൽക്കുന്നതിന്‍റെ പശ്ചാത്തലത്തിലാണ് സൗഹൃദ സന്ദർശനം.
സാദിഖലി തങ്ങളുടെ പാണക്കാട്ടെ വീട്ടിലായിരുന്നു യോഗം. പി.കെ കുഞ്ഞാലിക്കുട്ടി, പി.എം.എ സലാം, മലപ്പുറം ഡിസിസി പ്രസിഡന്‍റ് വി.എസ് ജോയ് എന്നിവർ യോഗത്തില് പങ്കെടുത്തു.
ഇത് സൗഹൃദ സന്ദർശനമെന്ന് പ്രതിപക്ഷ നേതാവ് വി.ഡി സതീശൻ വ്യക്തമാക്കി. ലീഗുമായി സഹോദര ബന്ധമാണുള്ളത്. യാതൊരു തരത്തിലുമുള്ള അഭിപ്രായ വ്യത്യാസങ്ങൾ ലീഗുമായില്ലെന്നും അദ്ദേഹം പറഞ്ഞു. പലസ്തീൻ വിഷയത്തെ തരംതാണ നിലയിൽ സിപിഎം ഉപയോഗിക്കുന്നു. പാർട്ടിയിലെ ഭിന്നതകൾ പരിഹരിക്കുമെന്നും വി.ഡി സതീശൻ പറഞ്ഞു. യു.ഡി.എഫിന്റെ തെരഞ്ഞടുപ്പ് മുന്നൊരുക്കങ്ങളാണ് കൂടിക്കാഴ്ചയിൽ വിഷയമായതെന്ന് പി.കെ. കുഞ്ഞാലിക്കുട്ടി പറഞ്ഞു.
കെപിസിസി പ്രസിഡന്‍റ് കെ.സുധാകരൻ ഇന്ന് നാലു മണിക്ക് പാണക്കാട്ടെ വീട്ടിലെത്തി തങ്ങളുമായി കൂടിക്കാഴ്ച നടത്തും.
