കയർ   കെ​ട്ടി​വ​ലി​ക്ക​രു​തേ… തകരാറിലായ വാഹനം കൊണ്ടുപോകുമ്പേൾ  പാ​ലി​ക്കേ​ണ്ട നി​ര്‍​ദ്ദേ​ശ​ങ്ങ​ള്‍ അറിയാം…

സ്വ​ന്തം ലേ​ഖി​ക
ക​ണ്ണൂ​ര്‍: ത​ക​രാ​റി​ലാ​യ വാ​ഹ​ന​ങ്ങ​ള്‍ അ​ശാ​സ്ത്രീ​യ​മാ​യി കെ​ട്ടി​വ​ലി​ക്കു​ന്ന​ത് മ​റ്റ് വാ​ഹ​ന​യാ​ത്ര​ക്കാ​ർ​ക്ക് അ​പ​ക​ട​ഭീ​ഷ​ണി​യു​യ​ർ​ത്തു​ന്ന​ത് ശ്ര​ദ്ധ​യി​ൽ​പെ​ട്ടി​ട്ടും ന​ട​പ​ടി​യെ​ടു​ക്കാ​തെ അ​ധി​കൃ​ത​ർ. നി​ര​വ​ധി വാ​ഹ​ന​ങ്ങ​ൾ കെ​ട്ടി​വ​ലി​ക്കു​ന്ന വാ​ഹ​ന​ങ്ങ​ളി​ൽ ത​ട്ടി അ​പ​ക​ട​ത്തി​ൽ​പെ​ടു​ന്ന​ത്.

പ​തി​വ് കാ​ഴ്ച​യാ​ണ്. അ​ധി​കൃ​ത​രോ​ട് പ​രാ​തി​പെ​ട്ടി​ട്ടും ന​ട​പ​ടി​യെ​ടു​ക്കു​ന്നി​ല്ലെ​ന്നാ​ണ് യാ​ത്ര​ക്കാ​ർ പ​റ​യു​ന്ന​ത്.ക​ഴി​ഞ്ഞ ദി​വ​സം ദേ​ശീ​യ​പാ​ത ഏ​ഴി​ലോ​ട് വ​ച്ച് ഇ​ത്ത​ര​ത്തി​ല്‍ ക​ട​ന്നു​പോ​യ വാ​ഹ​ന​ങ്ങ​ള്‍​ക്കി​ട​യി​ല്‍​പ്പെ​ട്ട ബൈ​ക്ക് യാ​ത്രി​ക​ന്‍ ത​ല​നാ​രി​ഴ​യ്ക്കാ​ണ് ര​ക്ഷ​പ്പെ​ട്ട​ത്.

കാ​ഞ്ഞ​ങ്ങാ​ട് കോ​ട്ട​ച്ചേ​രി​യി​ല്‍ ക​ഴി​ഞ്ഞ ന​വം​ബ​ർ 30ന് ​രാ​ത്രി മ​ടി​ക്കൈ സ്വ​ദേ​ശി​യാ​യ യു​വാ​വ് മ​രി​ക്കാ​നി​ട​യാ​യ​തും ഇ​ത്ത​രം അ​ശാ​സ്ത്രീ​യ​മാ​യ കെ​ട്ടി​വ​ലി​ക്ക​ല്‍ കാ​ര​ണ​മാ​ണ്. ആ​ക്രി സാ​ധ​ന​ങ്ങ​ള്‍ കു​ത്തി​നി​റ​ച്ച ഒ​രു ഗു​ഡ്‌​സ് ഓ​ട്ടോ​റി​ക്ഷ കെ​ട്ടി​വ​ലി​ച്ച പ്ലാ​സ്റ്റി​ക്ക് ക​യ​റി​ല്‍ കു​ടു​ങ്ങി തെ​റി​ച്ചു വീ​ഴു​ക​യാ​യി​രു​ന്നു.

മു​ന്നി​ലു​ള്ള പി​ക്ക് അ​പ്പ് ജീ​പ്പ് കെ​എ​സ്ടി​പി റോ​ഡ് മു​റി​ച്ചു​ക​ട​ന്നു. പി​റ​കി​ലു​ള്ള ഓ​ട്ടോ​റി​ക്ഷ കു​റു​കെ ക​ട​ക്കാ​നാ​യി എ​ത്തി​യ​തേ​യു​ള്ളൂ. ഇ​തി​നു ന​ടു​വി​ലു​ള്ള ക​യ​ര്‍ ശ്ര​ദ്ധി​ക്കാ​തെ മ​ടി​ക്കൈ ക​ണ്ടം​ക്കു​ട്ടി​ച്ചാ​ലി​ലെ ര​തീ​ഷ് ഈ ​റോ​ഡി​ലൂ​ടെ ബൈ​ക്കോ​ടി​ച്ചു പോ​യി.

ക​യ​ര്‍ ആ​ദ്യം ബൈ​ക്കി​ലേ​ക്കും അ​ത് വ​ലി​ഞ്ഞ​പ്പോ​ള്‍ ക​ഴു​ത്തി​ലേ​ക്കും തെ​ന്നി​മാ​റി മു​റു​കി. തെ​റി​ച്ചു​വീ​ണ ര​തീ​ഷ് ത​ല്‍​ക്ഷ​ണം മ​രി​ച്ചു. അ​പ​ക​ട​ക​ര​മാ​യ രീ​തി​യി​ലാ​ണ് ഗു​ഡ്‌​സ് ഓ​ട്ടോ​റി​ക്ഷ​യെ കെ​ട്ടി​വ​ലി​ച്ച​തെ​ന്ന് പ്രാ​ഥ​മി​ക അ​ന്വേ​ഷ​ണ​ത്തി​ല്‍​ത്ത​ന്നെ പോ​ലീ​സി​നും മോ​ട്ടോ​ര്‍ വാ​ഹ​ന ഉ​ദ്യോ​ഗ​സ്ഥ​ര്‍​ക്കും വ്യ​ക്ത​മാ​യി​രു​ന്നു.

എ​ന്നാ​ൽ ദി​വ​സ​ങ്ങ​ള്‍ പി​ന്നി​ട്ടി​ട്ടും അ​ധി​കൃ​ത​ർ യാ​തൊ​രു ന​ട​പ​ടി​യും എ​ടു​ത്തി​ല്ല. ക്ര​മ​പ്ര​കാ​രം പാ​ലി​ക്കേ​ണ്ട മാ​ര്‍​ഗ നി​ര്‍​ദേ​ശ​ങ്ങ​ളൊ​ന്നും പാ​ലി​ക്കാ​തെ​യാ​ണ് വാ​ഹ​ന​ങ്ങ​ള്‍ ഇ​ത്ത​ര​ത്തി​ല്‍ കെ​ട്ടി​വ​ലി​ക്കു​ന്ന​തെ​ന്ന ആ​രോ​പ​ണ​വും ഉ​യ​രു​ന്നു​ണ്ട്.

വ​ഴി​യി​ല്‍ ത​ക​രാ​റി​ലാ​യ വാ​ഹ​ന​ങ്ങ​ള്‍ ഉ​ട​ന്‍ മ​റ്റൊ​രു വാ​ഹ​നം ഉ​പ​യോ​ഗി​ച്ച് ക​യ​ര്‍ ഉ​പ​യോ​ഗി​ച്ച് കൂ​ട്ടി​ക്കെ​ട്ടി കൊ​ണ്ടു​പ്പോ​വു​ക​യാ​ണ്. ഇ​ത്ത​ര​ത്തി​ൽ നി​ര​വ​ധി അ​പ​ക​ട​ങ്ങ​ളു​ണ്ടാ​യി​ട്ടും അ​ധി​കൃ​ത​ർ ന​ട​പ​ടി​യെ​ടു​ക്കാ​ത്ത​ത് പ്ര​തി​ഷേ​ധ​ങ്ങ​ൾ​ക്കി​ട​യാ​ക്കു​ന്നു​ണ്ട്.

പാ​ലി​ക്കേ​ണ്ട നി​ര്‍​ദ്ദേ​ശ​ങ്ങ​ള്‍

*പി​റ​കി​ലു​ള്ള വാ​ഹ​ന​ത്തെ കോ​ര്‍​ത്തി​ണ​ക്കാ​ന്‍ ക​യ​ര്‍ ഉ​പ​യോ​ഗി​ക്ക​രു​ത്. ഇ​രു​മ്പ് ച​ങ്ങ​ല​യോ അ​ത​ല്ലെ​ങ്കി​ല്‍ ഇ​രു​മ്പ് ക​മ്പി​ക​ള്‍ ഘ​ടി​പ്പി​ച്ചു​ള്ള സാ​മ​ഗ്രി​ക​ളോ വേ​ണം ഇ​തി​നു ഉ​പ​യോ​ഗി​ക്കാ​ന്‍

*കെ​ട്ടി​വ​ലി​ക്കു​ന്ന ച​ങ്ങ​ല​യി​ല്‍ എ​ല്ലാ​വ​രു​ടെ​യും ശ്ര​ദ്ധ പ​തി​യു​ന്ന ത​ര​ത്തി​ല്‍ റി​ഫ്‌​ള​ക്ടീ​വ് ടാ​പ്പ് ഒ​ട്ടി​ക്ക​ണം.

*കെ​ട്ടി​വ​ലി​ക്കു​ന്ന ച​ങ്ങ​ല​യു​ടെ നീ​ളം പി​റ​കി​ലെ വാ​ഹ​ന​ത്തി​ന്‍റെ ആ​കെ നീ​ള​ത്തി​ന്‍റെ​യ​ത്ര​യും വേ​ണം. നീ​ളം അ​ധി​ക​മാ​കു​ന്ന​തും അ​പ​ക​ട​മു​ണ്ടാ​ക്കും.

*മ​ണി​ക്കൂ​റി​ല്‍ 25 കി​ലോ​മീ​റ്റ​റി​ല്‍ കൂ​ടു​ത​ല്‍ വേ​ഗ​ത്തി​ല്‍ പോ​കാ​ന്‍ പാ​ടി​ല്ല

*ഇ​രു​വാ​ഹ​ന​ത്തി​ന്‍റെ​യും നാ​ല് ഇ​ന്‍​ഡി​ക്കേ​റ്റ​റു​ക​ളും ഒ​രേ​സ​മ​യം പ്ര​കാ​ശി​പ്പി​ക്ക​ണം

*ഇ​രു വാ​ഹ​ന​ത്തി​ലും ഒ​രു ത​ര​ത്തി​ലു​മു​ള്ള ലോ​ഡ് ഉ​ണ്ടാ​യി​രി​ക്ക​രു​ത്. ലോ​ഡു​ള്ള വാ​ഹ​നാ​മാ​ണ് ച​ലി​ക്കാ​താ​യ​തെ​ങ്കി​ല്‍ വ​ലി​ക്കാ​ന്‍ തു​ട​ങ്ങും മു​ന്‍​പേ അ​തി​ലെ സാ​ധ​ന​ങ്ങ​ള്‍ മു​ഴു​വ​ന്‍ മാ​റ്റ​ണം

*വൈ​കു​ന്നേ​രം ആ​റു​മ​ണി​ക്കും പു​ല​ര്‍​ച്ചെ ആ​റു​മ​ണി​ക്കു​മി​ട​യി​ല്‍ മാ​ത്ര​മേ കെ​ട്ടി​വ​ലി​ക്ക​ല്‍ പാ​ടു​ള്ളൂ

*അ​പ​ക​ട​ത്തി​ല്‍​പ്പെ​ട്ട വാ​ഹ​ന​മാ​ണ് കെ​ട്ടി​വ​ലി​ക്കു​ന്ന​തെ​ങ്കി​ല്‍ മോ​ട്ടോ​ര്‍ വാ​ഹ​ന​വ​കു​പ്പി​ന്‍റെ പ്ര​ത്യേ​ക അ​നു​മ​തി വാ​ങ്ങ​ണം.