നാട്ടകം: നാട്ടകം പോളിടെക്‌നിക് കോളജ് ഗ്രൗണ്ടിൽ റൈഫിൾ പരിശീനത്തിയവരുടെ തോക്കിൽ നിന്നുള്ള വെടിയുണ്ടകൾ എംസി റോഡിലെ സ്ഥാപനങ്ങളുടെ കണ്ണാടി ചില്ലിലും മേൽക്കൂരയിലും വൻശബ്്ദത്തോടെ പതിച്ചു. ഇന്നു രാവിലെ 10നാണു സംഭവം നടന്നത്. എംസി റോഡരികിലുള്ള റോയൽ ബജാജ്, മഹീന്ദ്ര എന്നീ വാഹനകന്പനികളുടെ ഷോറൂമുകളിലാണ് വെടിയുണ്ടകൾ പതിച്ചത്.
വലിയ ശബ്ദം കേട്ട് ഓടിയെത്തിയ ഷോറൂം ജീവനക്കാരും സമീപത്തു സ്ഥാപനം നടത്തുന്ന അനീഷ് വരന്പിനകവും ചുട്ടുപഴുത്ത് പുകവമിക്കുന്ന രണ്ട് വെടിയുണ്ട അപകടം നടന്നയുടൻ തന്നെ ചിങ്ങവനം എസ്ഐ അനൂപ് സി.നായരെയും മറ്റു ഉന്നത ഉദ്യോഗസ്ഥരെയും വിവരം അറിയിച്ചു. പോളിടെക്നിക്കിനു മുന്നിൽ പോലീസ് വാഹനങ്ങൾ പാർക്ക് ചെയ്തിരുന്നതിനാൽ പോലീസ് ഉദ്യോഗസ്ഥരുടെ പരിശീലമാണ് നടന്നതെന്ന് നാട്ടുകാർ പറയുന്നു.
