പാ​തി വ​ഴി​യി​ൽ നി​ർ​മാ​ണം നി​ല​ച്ച വീ​ട് നാട്ടുകാരുടെ സഹായത്തോടെ ഏ​റ്റെ​ടു​ത്ത് സി​പി​എം

മ​ട്ട​ന്നൂ​ർ: മ​ട്ട​ന്നൂ​ർ ന​ഗ​ര​സ​ഭ​യി​ലെ പൊ​റോ​റ​യി​ൽ പാ​തി വ​ഴി​യി​ൽ കി​ട​ന്ന വീ​ട് നി​ർ​മാ​ണം പൂ​ർ​ത്തീ​ക​രി​ച്ച് ന​ൽ​കു​ന്നു. സു​ലോ​ച​ന​യു​ടെ വീ​ടാ​ണ് സി​പി​എം താ​ഴെ പൊ​റോ​റ ബ്രാ​ഞ്ച് ക​മ്മി​റ്റി നാ​ട്ടു​കാ​രു​ടെ സ​ഹാ​യ​ത്തോ​ടെ പൂ​ർ​ത്തീ​ക​രി​ച്ച് ന​ൽ​കു​ന്ന​ത്.

പി​എം​എ​വൈ പ്ര​കാ​രം മ​ട്ട​ന്നൂ​ർ ന​ഗ​ര​സ​ഭ​യി​ൽ നി​ന്ന് ല​ഭി​ച്ച തു​ക ഉ​പ​യോ​ഗി​ച്ചാ​ണ് വീ​ട് നി​ർ​മാ​ണം ആ​രം​ഭി​ച്ച​ത്. നാ​ല് വ​ർ​ഷം മു​മ്പ് പ്ര​വൃ​ത്തി ആ​രം​ഭി​ച്ചു​വെ​ങ്കി​ലും പാ​തി​വ​ഴി​യി​ൽ കി​ട​ക്കു​ക​യാ​യി​രു​ന്നു.

ചു​മ​ർ നി​ർ​മാ​ണം പൂ​ർ​ത്തി​യാ​യ ശേ​ഷം മു​ന്നോ​ട്ടു​ള്ള പ്ര​വൃ​ത്തി ന​ട​ത്താ​ൻ ക​ഴി​യാ​തെ പ്ര​വൃ​ത്തി പാ​തി​വ​ഴി​യി​ൽ കി​ട​ന്നു. ഇ​തി​നി​ടെ ക​ഴി​ഞ്ഞ പ്ര​ള​യ​ത്തി​ൽ സു​ലോ​ച​ന​യും കു​ടും​ബ​വും താ​മ​സി​ച്ചി​രു​ന്ന ഓ​ടു​മേ​ഞ്ഞ വീ​ടി​ന്റെ ഒ​രു ഭാ​ഗം ത​ക​ർ​ന്നു വീ​ഴു​ക​യാ​യി​രു​ന്നു.

പു​തു​ക്കി പ​ണി​യാ​തെ​യി​ട്ടി​രു​ന്ന വീ​ട്ടി​ലാ​ണ് കു​ടും​ബം ഇ​പ്പോ​ൾ താ​മ​സി​ക്കു​ന്ന​ത്. ഇ​വ​രെ​ക്കു​റി​ച്ച് അ​റി​ഞ്ഞ പാ​ർ​ട്ടി പ്ര​വ​ർ​ത്ത​ക​ർ വീ​ട് നി​ർ​മാ​ണം ഏ​റ്റെ​ടു​ത്ത് ന​ട​ത്താ​ൻ തീ​രു​മാ​നി​ക്കു​ക​യാ​യി​രു​ന്നു.

എം. ​മനോ​ഹ​ര​ൻ ചെ​യ​ർ​മാ​നാ​യും കെ.​സ​ജീ​വ​ൻ ക​ൺ​വീ​ന​റാ​യും ക​മ്മി​റ്റി രൂ​പീ​ക​രി​ച്ചാ​ണ് നി​ർ​മാ​ണ പ്ര​വൃ​ത്തി ന​ട​ത്തി​യ​ത്. വീ​ടി​ന്റെ കോ​ൺ​ക്രീ​റ്റ് പ്ര​വൃ​ത്തി ന​ട​ത്തി. നാ​ട്ടു​കാ​രു​ടെ സ​ഹാ​യ​ത്തോ​ടെ​യാ​ണ് വീ​ട് നി​ർ​മാ​ണം ഏ​റ്റെ​ടു​ത്ത് ന​ട​ത്തു​ന്ന​തെ​ന്ന് സി​പി​എം ജി​ല്ലാ ക​മ്മി​റ്റി അം​ഗം സി.​വി.​ശ​ശീ​ന്ദ്ര​ൻ അ​റി​യി​ച്ചു.