ഒഹായോ: സിൻസിനാറ്റി ഓപ്പണിൽ‌നിന്ന് അമേരിക്കയുടെ വെറ്ററൻ താരം വീനസ് വില്യംസ് പുറത്തായി. ഓസ്ട്രേലിയൻ ക്വാളിഫയർ ആഷ്‌ലി ബാർട്ടിയാണ് വീനസിനെ വീഴ്ത്തിയത്. വിംബിൾഡൺ ഫൈനലിസ്റ്റിനെ ഒന്നിനെതിരെ രണ്ടു സെറ്റുകൾക്കാണ് ആഷ്‌ലി പരാജയപ്പെടുത്തിയത്. സ്കോർ: 6-3, 2-6, 6-2.
48 ാം റാങ്കുകാരിയായ ആഷ്‌ലി ആദ്യമായാണ് ആദ്യ പത്ത് റാങ്കിലുള്ള താരത്തെ പരാജയപ്പെടുത്തുന്നത്. മുപ്പത്തേഴുകാരിയായ വീനസ് മത്സരത്തിൽ ആകെ ആറ് ഡബിൾ ഫോൾട്ടുകളാണ് വരുത്തിയത്.
