ശ്രീ ​അ​യ്യ​പ്പ​ന്‍റെ വീ​രേ​തി​ഹാ​സ ച​രി​ത​ക​ഥ​ക​ളെ അ​ധി​ഷ്ഠി​ത​മാ​ക്കി മ​ല​യാ​ള​ത്തി​ൽ ഒ​രു​ക്കു​ന്ന ബ്ര​ഹ്മാ​ണ്ഡ ചി​ത്രം: വീ​ര​മ​ണി​ക​ണ്ഠ​ൻ ഒ​ഫീ​ഷ​ൽ ലോ​ഞ്ച് സ​ന്നി​ധാ​ന​ത്ത്

ആ​റു ഭാ​ഷ​ക​ളി​ലാ​യി ഒ​രു​ങ്ങു​ന്ന ത്രീ​ഡി വി​സ്മ​യം വീ​ര​മ​ണി​ക​ണ്ഠ​ൻ ഒ​ഫി​ഷ്യ​ൽ ലോ​ഞ്ച് ശ​ബ​രി​മ​ല സ​ന്നി​ധാ​ന​ത്ത് ന​ട​ന്നു. സ​ത്യം, നീ​തി, ധ​ർ​മം തു​ട​ങ്ങി​യ മൂ​ല്യ​ങ്ങ​ളു​ടെ അ​ട​യാ​ള​മൂ​ർ​ത്തി​യാ​യി ക​ണ​ക്കാ​ക്കു​ന്ന ശ്രീ ​അ​യ്യ​പ്പ​ന്‍റെ വീ​രേ​തി​ഹാ​സ ച​രി​ത​ക​ഥ​ക​ളെ അ​ധി​ഷ്ഠി​ത​മാ​ക്കി മ​ല​യാ​ള​ത്തി​ൽ ഒ​രു​ക്കു​ന്ന ബ്ര​ഹ്മാ​ണ്ഡ ചി​ത്ര​മാ​ണ് വീ​ര​മ​ണി​ക​ണ്ഠ​ൻ.

ത്രീ​ഡി വി​സ്മ​യ കാ​ഴ്ച്ച​ക​ളി​ലൂ​ടെ സ​ഞ്ച​രി​ക്കു​ന്ന ചി​ത്രം മ​ല​യാ​ള​ത്തി​നു പു​റ​മെ ത​മി​ഴ്, തെ​ലു​ങ്ക്, ക​ന്ന​ട, ഹി​ന്ദി, ഇം​ഗ്ലീ​ഷ് ഭാ​ഷ​ക​ളി​ലാ​യി തി​യ​റ്റ​റു​ക​ളി​ലെ​ത്തും.

വ​ൺ ഇ​ല​വ​ന്‍റെ ബാ​ന​റി​ലാ​ണ് നി​ർ​മാ​ണം. മ​ഹേ​ഷ് കേ​ശ​വും സ​ജി എ​സ് മം​ഗ​ല​ത്തും ചേ​ർ​ന്നാ​ണ് ചി​ത്രം സം​വി​ധാ​നം ചെ​യ്യു​ന്ന​ത്. മ​ഹേ​ഷ്, വി​എ​ഫ്എ​ക്സ് സ്പെ​ഷ്യ​ലി​സ്റ്റാ​ണ്. ഈ ​കൂ​ട്ടു​കെ​ട്ടി​ൽ പൂ​ർ​ത്തി​യാ​യ ധ്യാ​ൻ നാ​യ​ക ത്രീ​ഡി ചി​ത്രം 11:11 ഉ​ട​ൻ പ്ര​ദ​ർ​ശ​ന​ത്തി​നെ​ത്തും.

വീ​ര​മ​ണി​ക​ണ്ഠ​ന്‍റെ ഒ​ഫി​ഷ്യ​ൽ ലോ​ഞ്ച് ശ​ബ​രി​മ​ല സ​ന്നി​ധാ​ന​ത്ത് ന​ട​ന്നു. ചി​ത്ര​ത്തി​ന്‍റെ പോ​സ്റ്റ​റും സ്ക്രി​പ്റ്റും മേ​ൽ​ശാ​ന്തി അ​രു​ൺ​കു​മാ​ർ ന​മ്പൂ​തി​രി​ക്ക് കൈ​മാ​റി​യാ​ണ് ഔ​ദ്യോ​ഗി​ക പ്ര​ഖ്യാ​പ​നം ന​ട​ന്ന​ത്. ഈ ​വ​ർ​ഷം വൃ​ശ്ചി​കം ഒ​ന്നി​ന് ഷൂ​ട്ട് തു​ട​ങ്ങി അ​ടു​ത്ത വ​ർ​ഷം വൃ​ശ്ചി​ക​ത്തി​ൽ ചി​ത്രം റി​ലീ​സ് ചെ​യ്യും.

നാ​ഗേ​ഷ് നാ​രാ​യ​ണ​നാ​ണ് ചി​ത്ര​ത്തി​ന്‍റെ തി​ര​ക്ക​ഥ ഒ​രു​ക്കു​ന്ന​ത്. മ​ല​യാ​ളം, ത​മി​ഴ്, തെ​ലു​ങ്ക്, ക​ന്ന​ട, ഹി​ന്ദി ഭാ​ഷാ സി​നി​മ​ക​ളി​ലെ പ്ര​മു​ഖ​രാ​യ ആ​ർ​ട്ടി​സ്റ്റു​ക​ൾ വീ​ര​മ​ണി​ക​ണ്ഠ​ന്‍റെ ഭാ​ഗ​മാ​കും. ഒ​രു പു​തു​മു​ഖ​മാ​യി​രി​ക്കും വീ​ര​മ​ണി​ക​ണ്ഠ​നെ അ​വ​ത​രി​പ്പി​ക്കു​ന്ന​ത്. പി​ആ​ർ​ഒ അ​ജ​യ് തു​ണ്ട​ത്തി​ൽ.