പ്രായം ആയാലും വെറുതെ ഇരിക്കാൻ മടി കാണിക്കാത്തവരായിരിക്കും നമ്മുടെ മുത്തശ്ചനും മുത്തശ്ശിയുമൊക്കെ. വയസായി കഴിഞ്ഞാൽ റെസ്റ്റ് എടുത്തോളു എന്ന് പറഞ്ഞാലും അവർ കേൾക്കില്ല. അധ്വാനിക്കാൻ ഒട്ടും മടികാട്ടാതെ എന്തെങ്കിലുമൊക്കെ ചെയ്തോണ്ട് ഇരിക്കുന്നുണ്ടാകും അവർ.
അതിനൊരു ഉദാഹരണമാണ് ഈ 108 കാരനായ മുത്തശ്ശൻ. പ്രായം വെറും ഒരു നമ്പർ മാത്രമാണ് എന്ന് തെളിയിക്കുകയാണ് ഇദ്ദേഹം. മണി എന്ന യൂസറാണ് ഇദ്ദേഹത്തിന്‍റെ വീഡിയോ ഇൻസ്റ്റഗ്രാമിൽ പങ്കുവച്ചിരിക്കുന്നത്.
പ്രായത്തെ പോലും മറികടന്ന് പച്ചക്കറി വിൽക്കുകയാണ് അദ്ദേഹം. ഒരു ഉന്തുവണ്ടിയിലാണ് അദ്ദേഹം പച്ചക്കറികൾ വിൽക്കുന്നത്. ഉള്ളിയും ഉരുളക്കിഴങ്ങുമാണ് പ്രധാനമായും അദ്ദേഹത്തിന്‍റെ വണ്ടിയിലുള്ളത്.
ഈ പ്രായത്തിലും എത്രമാത്രം ഊർജ്ജസ്വലനായി ജോലി ചെയ്യുകയാണ് അദ്ദേഹം എന്നത് വീഡിയോയിൽ നിന്നും മനസിലാകും. ദൃഢനിശ്ചയത്തിന്റെയും കഠിനാധ്വാനത്തിന്റെയും തെളിവാണ് അദ്ദേഹം എന്നും ക്യാപ്‌ഷനിൽ പറയുന്നുണ്ട്.
