കൊച്ചിയെ വീണ്ടും കുരുക്കിലാക്കി മഴ; ഗതാഗതക്കുരുക്കിൽ കുടുങ്ങി മേനക; കുണ്ടും കുഴിക്കുമൊപ്പം  നഗരത്തിലെ പ്രധാന റോഡുകളെല്ലാം വെള്ളക്കെട്ടിൽ

കൊ​ച്ചി: ക​ന​ത്ത മ​ഴ​യി​ൽ ജി​ല്ല​യി​ൽ വെ​ള്ള​ക്കെ​ട്ട് വീ​ണ്ടും വ്യാ​പ​കം. കൂ​ടാ​തെ റോ​ഡു​ക​ളു​ടെ ശോ​ച്യാ​വ​സ്ഥ മൂ​ലം ഗ​താ​ഗ​ത​ക്കു​രു​ക്കും രൂ​ക്ഷം. ഇ​ന്ന​ലെ രാ​ത്രി മു​ത​ൽ പെ​യ്യു​ന്ന ക​ന​ത്ത മ​ഴ​യെ​ത്തു​ട​ർ​ന്ന് ന​ഗ​ര​ത്തി​ലെ​യും സ​മീ​പ​പ്ര​ദേ​ശ​ങ്ങ​ളി​ലെ​യും പ്ര​ധാ​ന റോ​ഡു​ക​ളെ​ല്ലാം ത​ന്നെ വെ​ള്ള​ത്തി​ലാ​യി ക​ഴി​ഞ്ഞു. കൊ​ച്ചി ന​ഗ​ര​ത്തി​ൽ മേ​ന​ക, എം​ജി​റോ​ഡ്, ഹൈ​ക്കോ​ർ​ട് ജം​ഗ്ഷ​ൻ, കെ​എ​സ്ആ​ർ​ടി​സി, നോ​ർ​ത്ത്- സൗ​ത്ത് റെ​യി​ൽ​വേ​സ്റ്റേ​ഷ​ൻ പ​രി​സ​രം, സൗ​ത്ത് ജം​ഗ്ഷ​ൻ തു​ട​ങ്ങി​യ ഭാ​ഗ​ങ്ങ​ളി​ല്ലെ​ല്ലാം വെ​ള്ള​ക്കെ​ട്ട് രൂ​പ​പ്പെ​ട്ടു തു​ട​ങ്ങി.

റോ​ഡു​ക​ളി​ലെ കു​ണ്ടും കു​ഴി​യും മൂ​ലം വാ​ഹ​ന​ങ്ങ​ൾ നി​ര​ങ്ങി നീ​ങ്ങു​ന്ന​തി​നാ​ൽ രാ​വി​ലെ മു​ത​ൽ ന​ഗ​ര​ത്തി​ൽ ഗ​താ​ഗ​ത​ക്കു​രു​ക്ക് രൂ​ക്ഷ​മാ​ണ്. ന​ഗ​ര​ത്തി​ൽ വൈ​റ്റി​ല, പാ​ലാ​രി​വ​ട്ടം പൈ​പ്പ്‌ലൈൻ, വാ​ഴ​ക്കാ​ല, തേ​വ​ര ജം​ഗ്ഷ​ൻ, എം​ജി റോ​ഡ് എ​ന്നി​വി​ട​ങ്ങ​ളി​ലും സ​മീ​പ പ്ര​ദേ​ശ​ങ്ങ​ളാ​യ തൃ​പ്പൂ​ണി​ത്തു​റ, ക​രി​ങ്ങാ​ച്ചി​റ, തി​രു​വാ​ങ്കു​ളം ജം​ഗ്ഷ​ൻ, കാ​ക്ക​നാ​ട്, സീ​പോ​ർ​ട്ട് എ​യ​ർ​പോ​ർ​ട്ട് റോ​ഡി​ൽ ഒ​ലി​മു​ഗ​ൾ മു​ത​ൽ ക​ള​മ​ശേ​രി വ​രെ​യു​ള്ള ഭാ​ഗ​ങ്ങ​ളി​ലും, മ​ര​ട് കു​ണ്ട​ന്നൂ​ർ എ​ന്നി​വി​ട​ങ്ങ​ളി​ലും രാ​വി​ലെ മു​ത​ൽ വ​ലി​യ ഗ​താ​ഗ​ത​ക്കു​രു​ക്കാ​യി​രു​ന്നു.

മ​ണി​ക്കൂ​റു​ക​ളോ​ളം യാ​ത്രി​ക​ർ ഗ​താ​ഗ​ത​ക്കു​രു​ക്കി​ൽ​പ്പെ​ട്ടു. ജോ​ലി​ക്കാ​രും വി​ദ്യാ​ർ​ഥി​ക​ളും ഇ​തു​മൂ​ലം ഏ​റെ വ​ല​ഞ്ഞു. പ​ല​രും മ​ണി​ക്കൂ​റോ​ളം വൈ​കി​യാ​ണ് ഓ​ഫീ​സു​ക​ളി​ലും വി​ദ്യാ​ല​യ​ങ്ങ​ളി​ലും എ​ത്തി​യ​ത്.

റോ​ഡു​ക​ളി​ലെ വ​ലി​യ കു​ഴി​ക​ളും ഇ​തി​ലെ വെ​ള്ള​ക്കെ​ട്ടു​മാ​ണ് ഗ​താ​ഗ​തം മ​ന്ദ​ഗ​തി​യി​ലാ​ക്കു​ന്ന​ത്. തൃ​പ്പൂ​ണി​ത്തു​റ ഭാ​ഗ​ങ്ങ​ളി​ൽ റോ​ഡി​ൽ കു​ഴി​ക​ൾ മാ​ത്ര​മേ​യു​ള്ളു. സ്റ്റാ​ച്യൂ ജം​ഗ്ഷ​ൻ മു​ത​ൽ കി​ഴ​ക്കേ​ക്കോ​ട്ട വ​രെ​യു​ള്ള ഭാ​ഗ​ങ്ങ​ളി​ലും ക​രി​ങ്ങാ​ച്ചി​റ​യി​ലും തൃ​പ്പൂ​ണി​ത്തു​റ എ​രൂ​ർ റോ​ഡും താ​റു​മാ​റാ​യി കി​ട​ക്കു​ക​യാ​ണ്.

തൃ​പ്പൂ​ണി​ത്തു​റ​യി​ൽ നി​ന്നും ന​ഗ​ര​ത്തി​ലേ​ക്ക് എ​ളു​പ്പം എ​ത്താ​വു​ന്ന എ​രൂ​ർ റോ​ഡി​ൽ കെ​എ​സ്ഇ​ബി​യു​ടെ കേ​ബി​ൾ ഇ​ടു​ന്ന​തി​നാ​യി കു​ഴി​ച്ച റോ​ഡി​ൽ ഇ​തു​വ​രെ അ​റ്റ​കു​റ്റ​പ്പ​ണി​ക​ൾ ന​ട​ത്തി​യി​ട്ടി​ല്ല. മാ​ത്തൂ​ർ മേ​ൽ​പ്പാ​ലം കൂ​ടി വ​ന്ന​തോ​ടെ ന​ഗ​ര​ത്തി​ലേ​ക്കെ​ത്താ​ൻ തൃ​പ്പൂ​ണി​ത്തു​റ ഭാ​ഗ​ത്തു നി​ന്നു​ള്ള ആ​ളു​ക​ൾ ഏ​റെ ആ​ശ്ര​യി​ക്കു​ന്ന​ത് എ​രൂ​ർ റോ​ഡി​നെ​യാ​ണ്. ഇ​തി​ന്‍റെ ശോ​ച്യാ​വ​സ്ഥ മൂ​ലം ഇ​തി​ലൂ​ടെ​യു​ള്ള ഗ​താ​ഗ​ത​വും ദു​സ​ഹ​മാ​യി​രി​ക്കു​ക​യാ​ണ്.

തേ​വ​ര ജം​ഗ്ഷ​നി​ൽ മ​ഴ​ക്കും റോ​ഡു​ക​ളു​ടെ ശോ​ച്യാ​വ​സ്ഥ​യ്ക്കും പു​റ​മേ കൊ​ച്ചി​ൻ ഷി​പ്പ്യാ​ർ​ഡി​ലേ​ക്കു​ള്ള വ​ലി​യ ക​പ്പ​ൽ നി​ർ​മാ​ണ സാ​മ​ഗ്രി​ക​ൾ ക​യ​റ്റു​ന്ന ജോ​ലി​ക​ൾ ന​ട​ന്ന​തി​നാ​ലും വ​ലി​യ ഗ​താ​ഗ​ത​ക്കു​രു​ക്കാ​ണ് രൂ​പ​പ്പെ​ട്ട​ത്. ഇ​തു​മൂ​ലം പ​ശ്ചി​മ​കൊ​ച്ചി​യി​ൽ നി​ന്നും ന​ഗ​ര​ത്തി​ലേ​ക്കു​ള്ള യാ​ത്ര​ക്കാ​ർ ഏ​റെ വ​ല​ഞ്ഞു.