ര​ണ്ടു ദി​വ​സ​ത്തെ ക​ന​ത്ത മ​ഴ​യി​ൽ  ന​ഗ​രം വെ​ള്ള​ക്കെ​ട്ടി​ൽ; പി ​ആ​ൻ​ഡ് ഡി ​കോ​ള​നി​യി​ൽ വെ​ളളത്തിൽ മുങ്ങി; നഗരം ഗതാഗതക്കുരുക്കിൽ

കൊ​ച്ചി: ര​ണ്ടു ദി​വ​സ​ത്തെ ക​ന​ത്ത മ​ഴ​യി​ൽ കൊച്ചി ന​ഗ​രം വീ​ണ്ടും വെ​ള്ള​ക്കെ​ട്ടി​ലാ​യി. കെഎസ്ആ​ർ​ടി​സി സ്റ്റാ​ൻഡ്, ഗാ​ന്ധി​ന​ഗ​ർ പി ​ആ​ൻ​ഡ് ഡി ​കോ​ള​നി, സൗ​ത്ത് റെ​യി​ൽ​വേ സ്റ്റേ​ഷ​ൻ പ​രി​സ​രം, മേ​ന​ക ജം​ഗ്ഷ​ൻ, എം​ജി റോ​ഡ്, ഹൈ​ക്കോ​ർ​ട്ട് ജം​ഗ്ഷ​ൻ, പാ​ലാ​രി​വ​ട്ടം ക​ലൂ​ർ റോ​ഡ് തു​ട​ങ്ങി ന​ഗ​ര​ത്തി​ലെ പ്ര​ധാ​ന​കേ​ന്ദ്ര​ങ്ങ​ളെ​ല്ലാം വെ​ള്ള​ത്തി​ൽ മു​ങ്ങി​ക്കി​ട​ക്കു​ക​യാ​ണ്. ഇ​തേ​തു​ട​ർ​ന്ന് ഗ​താ​ഗ​ത​ക്കു​രു​ക്കും ന​ഗ​ര​ത്തി​ൽ രൂ​ക്ഷ​മാ​യി.

ന​ഗ​ര​ത്തി​ൽ നൂ​റോ​ളം കു​ടും​ബ​ങ്ങ​ൾ താ​മ​സി​ക്കു​ന്ന പി ​ആ​ൻ​ഡ് ഡി ​കോ​ള​നി​യി​ൽ വെ​ള്ള​ക്കെ​ട്ട് രൂ​ക്ഷ​മാ​ണ്. ഇ​വി​ടെ വീ​ടു​ക​ളി​ലെ​ല്ലാം വെ​ള്ളം ക​യ​റി​യ​തി​നെ തു​ട​ർ​ന്ന് പ്ര​ദേ​ശ​വാ​സി​ക​ൾ ദു​രി​ത​ത്തി​ലാ​യി. ഭ​ക്ഷ​ണം പാ​കം ചെ​യ്യാ​ൻ പോ​ലും സാ​ധി​ക്കാ​ത്ത വി​ധ​ത്തി​ലാ​ണ് വീ​ടു​ക​ളി​ൽ വെ​ള്ളം ക​യ​റി​യി​രി​ക്കു​ന്ന​ത്.

കെഎ​സ്ആ​ർ​ടി​സി ബ​സ് സ്റ്റാ​ൻഡിലെ വെ​ള്ള​ക്കെ​ട്ട് കൊ​ച്ചി​യി​ലേ​ക്കെ​ത്തി​യ യാ​ത്ര​ക്കാ​ർ​ക്ക് ഏ​റെ ദു​രി​ത​മാ​യി. സ്ത്രീ​ക​ൾ​ക്കു​ള്ള കാ​ത്തി​രി​പ്പു മു​റി​യി​ലേ​ക്ക് പ്ര​വേ​ശി​ക്കാ​നാ​വാ​ത്ത വി​ധ​ത്തി​ൽ വെ​ള്ള​ക്കെ​ട്ട് രൂ​പ​പ്പെ​ട്ടി​രി​ക്കു​ക​യാ​ണ്.
എം​ജി റോ​ഡ്, മേ​ന​ക ജം​ഗ്ഷ​ൻ എ​ന്നി​വി​ട​ങ്ങ​ളി​ലെ​ല്ലാം കാ​ന​ക​ൾ നി​റ​ഞ്ഞ് ക​വി​ഞ്ഞ് ഫു​ട്പാ​ത്തു​ക​ൾ കാ​ണാ​നാ​വാ​ത്ത വി​ധ​ത്തി​ൽ വെ​ള്ളം കെ​ട്ടി നി​ൽ​ക്കു​ക​യാ​ണ്. ഇ​തേ​തു​ട​ർ​ന്ന് കാ​ൽ​ന​ട​യാ​ത്ര​ക്കാ​ർ ഇ​തു​വ​ഴി ന​ട​ക്കാ​നാ​വു​ന്നി​ല്ല.

കാ​ൽ​ന​ട​യാ​ത്ര​ക്കാ​ർ റോ​ഡി​ലേ​ക്ക് ഇ​റ​ങ്ങി ന​ട​ക്കേ​ണ്ട അ​വ​സ്ഥ​യി​ലാ​ണ്. കൂ​ടാ​തെ എം​ജി റോ​ഡി​ൽ മെ​ട്രോ​യു​ടെ നി​ർ​മാ​ണ​വും ന​ട​ക്കു​ന്ന​തി​നാ​ൽ ഗ​താ​ഗ​ത​ക്കു​രു​ക്കും രൂ​ക്ഷ​മാ​ണ്. ന​ഗ​ര​ത്തി​ലെ ഇ​ട​റോ​ഡു​ക​ളും മ​ഴ​യി​ൽ വെ​ള്ള​ക്കെ​ട്ടി​ലാ​യി. ഇ​തേ​തു​ട​ർ​ന്ന് ഈ ​റോ​ഡു​ക​ളി​ലൂ​ടെ ക​യ​റി​യ ഇ​രു​ച​ക്ര​വാ​ഹ​ന യാ​ത്രി​ക​രും കു​ടു​ങ്ങി. ക​ട​വ​ന്ത്ര-​വൈ​റ്റി​ല റോ​ഡി​ലും വെ​ള്ളം നി​റ​ഞ്ഞി​ട്ടു​ണ്ട്. ബ​സ് സ്റ്റോ​പ്പു​ക​ൾ വെ​ള്ള​ക്കെ​ട്ടി​ലാ​യ​തി​നാ​ൽ ബ​സ് ഇ​റ​ങ്ങു​ന്ന​തി​നും ക​യ​റു​ന്ന​തി​നും യാ​ത്ര​ക്കാ​ർ ഏ​റെ ബു​ദ്ധി​മു​ട്ടി.