മികച്ച വിലകിട്ടുമെന്ന പ്രതീക്ഷയിൽ വെ​ള്ള​രി​ വിളവെടുപ്പിനൊരുങ്ങി പ​ന്ത​ല്ലൂ​രി​ലെ ക​ർ​ഷ​ക​ർ

കൊ​ട​ക​ര: പ​റ​പ്പൂ​ക്ക​ര പ​ഞ്ചാ​യ​ത്തി​ലെ പ​ന്ത​ല്ലൂ​ർ പാ​ട​ത്തെ ക​ർ​ഷ​ക​ർ വെ​ള്ള​രി​കൃ​ഷി​യു​ടെ തി​ര​ക്കി​ലാ​ണ്. വേ​ന​ലി​ൽ ജി​ല്ല​യി​ലെ പ​ച്ച​ക്ക​റി ക​ട​ക​ളി​ലെ​ത്തു​ന്ന വെ​ള്ള​രി​ക്കാ​യ്ക​ൾ ഭൂ​രി​ഭാ​ഗ​വും പ​ന്ത​ല്ലൂ​ർ പാ​ട​ത്ത് വി​ള​യു​ന്ന​താ​ണ്.

മ​ക​ര​കൊ​യ​ത്തു​ക​ഴി​ഞ്ഞ​തോ​ടെ പ​ന്ത​ല്ലൂ​ർ​പാ​ട​ത്തെ ക​ർ​ഷ​ക​ർ വെ​ള്ള​രി വി​ള​യി​ക്കു​ന്ന തി​ര​ക്കി​ലാ​യി ക​ഴി​ഞ്ഞു. മൂ​ന്നു​പ​തി​റ്റാ​ണ്ടോ​ള​മാ​യി ഈ ​പാ​ട​ത്ത് വേ​ന​ൽ​വി​ള​യാ​യി വെ​ള്ള​രി കൃ​ഷി​ചെ​യ്യു​ന്ന ക​ർ​ഷ​ക​ർ ഇ​ക്കൊ​ല്ലം മി​ക​ച്ച വി​ല​കി​ട്ടു​മെ​ന്ന പ്ര​തീ​ക്ഷ​യി​ലാ​ണ്.

പ​ന്ത​ല്ലൂ​രി​ലെ അ​റു​പ​തേ​ക്ക​റോ​ളം വ​രു​ന്ന പാ​ട​ത്താ​ണ് ക​ർ​ഷ​ക​ർ വെ​ള്ള​രി കൃ​ഷി ചെ​യ്തി​ട്ടു​ള്ള​ത്. കൃ​ഷി​ക്കാ​വ​ശ്യ​മാ​യ വി​ത്ത് ത​ലേ വ​ർ​ഷ​ത്തെ വി​ള​വെ​ടു​പ്പു കാ​ല​ത്ത് ത​ന്നെ ഇ​വ​ർ സം​ഭ​രി​ച്ചു​വെ​ക്കും. കൊ​യ്ത്ത് ക​ഴി​ഞ്ഞാ​ൽ ഉ​ട​ൻ വെ​ള്ള​രി​കൃ​ഷി​ക്കു​ള്ള ഒ​രു​ക്കം തു​ട​ങ്ങും.

മ​ണ്ണി​ള​ക്കി നി​ല​മൊ​രു​ക്കി ക​ഴി​ഞ്ഞാ​ൽ വെ​ള്ള​രി​വി​ത്തു​ക​ൾ ന​ടും. ഇ​വ മു​ള​യെ​ടു​ക്കു​ന്ന​തോ​ടെ ചാ​ണ​ക​പ്പൊ​ടി വ​ള​മാ​യി ചേ​ർ​ക്കും. പി​ന്നീ​ട് മു​ട​ങ്ങാ​തെ ജ​ല​സേ​ച​ന​വും വ​ള​പ്ര​യോ​ഗ​വും അ​ട​ക്ക​മു​ള്ള പ​രി​ച​ര​ണം ന​ൽ​കി​യാ​ണ് വെ​ള്ള​രി​വ​ള്ളി​ക​ൾ വ​ള​ർ​ത്തി​യെ​ടു​ക്കു​ന്ന​ത്. ഒ​രു മാ​സ​ത്തി​ന​കം പൂ​വി​ട്ട് കാ​യ്ക​ൾ ഉ​ണ്ടാ​യി​ത്തു​ട​ങ്ങും.

മാ​ർ​ച്ച് ആ​രം​ഭ​ത്തോ​ടെ വി​ള​വെ​ടു​പ്പ് ആ​രം​ഭി​ക്കു​മെ​ങ്കി​ലും മാ​ർ​ച്ച് അ​വ​സാ​നം മു​ത​ൽ ഏ​പ്രി​ൽ പ​കു​തി​വ​രെ​യു​ള്ള വി​ഷു​ക്കാ​ല​ത്താ​ണ് കൂ​ടു​ത​ൽ ഉ​ൽ​പ്പാ​ദ​നം ല​ഭി​ക്കു​ന്ന​ത്. ക​ഴി​ഞ്ഞ വ​ർ​ഷം തു​ട​ക്ക​ത്തി​ൽ മി​ക​ച്ച വി​ല കി​ട്ടി​യെ​ങ്കി​ലും വേ​ന​ൽ​മ​ഴ​യി​ൽ പാ​ട​ത്ത് വെ​ള്ളം മു​ങ്ങി വെ​ള്ള​രി​ച്ച​ടി​ക​ൾ ന​ശി​ച്ചു​പോ​യ​ത് ക​ർ​ഷ​ക​ർ​ക്ക് ക​ന​ത്ത ന​ഷ്ട​മാ​ണ് സൃ​ഷ്ടി​ച്ച​ത്.

രാ​സ​വ​ള​വും കീ​ട​നാ​ശി​നി​യും ഉ​പ​യോ​ഗി​ക്കാ​തെ തി​ക​ച്ചും ജൈ​വ രീ​തി​യി​ലാ​ണ് ഇ​വി​ടെ വെ​ള്ള​രി വി​ള​യി​ക്കു​ന്ന​ത്. സീ​സ​ണാ​യാ​ൽ ദി​നം​പ്ര​തി ര​ണ്ടു​ട​ണ്ണോ​ളം വെ​ള്ള​രി​ക്കാ​യ്ക​ൾ പ​ന്ത​ല്ലൂ​ർ പാ​ട​ത്ത് നി​ന്ന് തൃ​ശൂ​ർ ച​ന്ത​യി​ലെ​ത്താ​റു​ണ്ട്.

ഇ​രി​ങ്ങാ​ല​ക്കു​ട ച​ന്ത​യി​ലേ​ക്കും ഇ​വി​ടെ നി​ന്നു​ള്ള വെ​ള്ള​രി​ക്ക വി​ൽ​പ്പ​ന​ക്കെ​ത്തി​ക്കാ​റു​ണ്ട്. മ​ഴ​പെ​യ്താ​ൽ പെ​ട്ടെ​ന്ന് വെ​ള്ള​ക്കെ​ട്ടു​ണ്ടാ​കു​ന്ന പ്ര​ദേ​ശ​മാ​യ​തി​നാ​ൽ വേ​ന​ൽ​മ​ഴ പ​ന്ത​ല്ലൂ​ർ​പാ​ട​ത്തെ ക​ർ​ഷ​ക​ർ​ക്ക് പേ​ടി​സ്വ​പ്ന​മാ​ണ്.

വി​ഷു​വി​ന് മു​ന്പ് വേ​ന​ൽ​മ​ഴ ക​ന​ത്തു​പെ​യ്തി​ല്ലെ​ങ്കി​ൽ വെ​ള്ള​രി കൃ​ഷി​യി​ലൂ​ടെ ഇ​ത്ത​വ​ണ​യും കൈ​നി​റ​യെ കൈ​നീ​ട്ടം ല​ഭി​ക്കു​മെ​ന്ന പ്ര​തീ​ക്ഷ​യി​ലാ​ണ് പ​ന്ത​ല്ലൂ​ർ​പാ​ട​ത്തെ വെ​ള്ള​രി​കൃ​ഷി​ക്കാ​ർ.