കാ​ലാ​വ​സ്ഥാ​വ്യ​തി​യാ​ന​വും മ​ലി​നീ​ക​ര​ണ​വും; വേമ്പനാട്ട് കായലില്‍ മത്സ്യസമ്പത്ത് ഇടിയുന്നു; കാണാതായത് 38 ഇനം മീനുകൾ

റെ​ജി ജോ​സ​ഫ്
കോ​ട്ട​യം: കാ​ലാ​വ​സ്ഥാ​വ്യ​തി​യാ​ന​വും മ​ലി​നീ​ക​ര​ണ​വും വേ​മ്പ​നാ​ട് കാ​യ​ലി​ലെ മ​ത്സ്യ​സ​മ്പ​ത്തി​ല്‍ വ​ലി​യ ഇ​ടി​വു​ണ്ടാ​ക്കു​ന്നു. 1980 നു​ശേ​ഷം 38 ഇ​നം മ​ത്സ്യ​ങ്ങ​ള്‍ ഇ​ന്ത്യ​യി​ലെ​ത​ന്നെ ഏ​റ്റ​വും വ​ലി​യ ഈ ​കാ​യ​ലി​ല്‍നി​ന്ന് അ​പ്ര​ത്യ​ക്ഷ​മാ​യ​താ​യി കേ​ര​ള മ​ത്സ്യ സ​മു​ദ്ര​പ​ഠ​ന സ​ര്‍വ​ക​ലാ​ശാ​ല വ്യ​ക്ത​മാ​ക്കി. 155 ഇ​നം ത​ദ്ദേ​ശി​യ മ​ത്സ്യ​ങ്ങ​ള്‍ മു​ന്‍പു​ണ്ടാ​യി​രു​ന്നു.

കാ​ലാ​വ​സ്ഥാ വ്യ​തി​യാ​നം, രാ​സ​വ​ളം, കീ​ട​നാ​ശി​നി, തീ​ര​ശോ​ഷ​ണം, ല​വ​ണാം​ശം, മ​ലി​നീ​ക​ര​ണം തു​ട​ങ്ങി​യ കാ​ര​ണ​ങ്ങ​ളാ​ല്‍ ത​ന​തു ഇ​ന​ങ്ങ​ള്‍ ഇ​ല്ലാ​താ​കു​ന്നു.

പാ​യ​ല്‍ നി​റ​ഞ്ഞ​തും എ​ക്ക​ലി​ല്‍ ആ​ഴം കു​റ​ഞ്ഞ​തും ത​ണ്ണീ​ര്‍മു​ക്കം ബ​ണ്ട് വ​ന്ന​തും മ​ത്സ്യ​സ​ഞ്ചാ​രം പ​രി​മി​ത​മാ​ക്കി. തീ​ര​ശോ​ഷ​ണം മ​ത്സ്യ​പ്ര​ജ​ന​നം പ്ര​തി​കൂ​ല​മാ​ക്കി.

പ്ര​ള​യ​ങ്ങ​ളി​ല്‍ കെ​ട്ടു​ക​ളി​ലും മ​റ്റും വ​ള​ര്‍ത്തു​ന്ന വി​ദേ​ശ മ​ത്സ്യ​ങ്ങ​ള്‍ ക​ട​ന്നു​ക​യ​റി​യ​തും ത​ന​ത് മ​ത്സ്യ​ങ്ങ​ള്‍ക്ക് ഭീ​ഷ​ണി​യാ​യി.

ഓ​രോ പ​തി​റ്റാ​ണ്ടി​ലും പ​ത്തോ​ളം ഇ​നം മീ​നു​ക​ള്‍ അ​പ്ര​ത്യ​ക്ഷ​മാ​കു​ന്ന​താ​യാ​ണ് നി​രീ​ക്ഷ​ണം. ചി​ല​യി​നം ക​ട​ല്‍മ​ത്സ്യ​ങ്ങ​ള്‍ കാ​യ​ലി​ലേ​ക്കും മീ​ന​ച്ചി​ലാ​റ്റി​ലേ​ക്കും ക​ട​ന്നു​വ​രു​ന്ന​താ​യും ക​ണ്ടെ​ത്തി.

അ​തേ സ​മ​യം വ​രാ​ല്‍, പ​ര​ല്‍, ക​രി​മീ​ന്‍, തൂ​ളി, കാ​രി, കൂ​രി തു​ട​ങ്ങി​യ പു​ഴ മ​ത്സ്യ​ങ്ങ​ള്‍ കാ​യ​ല്‍ത്തീ​ര​ങ്ങ​ളി​ല്‍ ഏ​റെ​യു​ണ്ട്. ക​രി​മീ​ന്‍, വ​രാ​ല്‍, പ​ര​ല്‍, കൂ​രി തു​ട​ങ്ങി 13 ഇ​ന​ങ്ങ​ളാ​ണ് ഏ​റ്റ​വു​മ​ധി​ക​മു​ള്ള​ത്.

വാ​ണി​ജ്യ​മൂ​ല്യ​മു​ള്ള മ​ത്സ്യ​ങ്ങ​ളി​ല്‍ അ​ധി​കം ക​രി​മീ​നാ​ണ്. ഇ​ത് മാ​ത്രം 6.5 ശ​ത​മാ​നം വ​രും. 5.6 ശ​ത​മാ​ന​മു​ള്ള വ​രാ​ലാ​ണ് ര​ണ്ടാം സ്ഥാ​ന​ത്ത്.

നാ​ട​ന്‍ മു​ഷി, കോ​ല, വ​ഴ​ക്കൂ​രി, ആ​റ്റു​വാ​ള, ആ​ര​ക​ന്‍, പ​ന ആ​ര​ക​ന്‍, വാ​ഹ​വ​രാ​ല്‍ തു​ട​ങ്ങി​യ​വ​യാ​ണ് പ്ര​ധാ​ന​മാ​യി വം​ശ​നാ​ശ ഭീ​ഷ​ണി നേ​രി​ടു​ന്ന​ത്.

വ​ലി​ഞ്ഞി​ല്‍, കൂ​ര​ല്‍, ആ​റ്റു​കൊ​ഞ്ച്, കാ​ല​ന്‍ ചെ​മ്മീ​ന്‍, പൂ​മീ​ന്‍, ക​ണ​മ്പ്, തി​രു​ത, തു​ട​ങ്ങി​യ​വ​യും കു​റ​ഞ്ഞു. നാ​ലു പ​തി​റ്റാ​ണ്ടു മു​ന്‍പ് പ​തി​നാ​റാ​യി​രം ട​ണ്‍ മ​ത്സ്യം ല​ഭി​ച്ചി​രു​ന്ന​ത് നി​ല​വി​ല്‍ എ​ണ്ണാ​യി​രം ട​ണ്ണാ​യ​താ​യി കു​മ​ര​കം കാ​ര്‍ഷി​ക ഗ​വേ​ഷ​ണ കേ​ന്ദ്ര​ത്തി​ന്‍റെ പ​ഠ​നം വ്യ​ക്ത​മാ​ക്കു​ന്നു. പ്ലാ​സ്റ്റി​ക് മാ​ലി​ന്യ​ത്തി​നു പു​റ​മെ

എ​ക്ക​ലും ചെ​ളി​യും അ​ടി​ഞ്ഞ് ആ​ഴം കു​റ​ഞ്ഞ് മ​ണ​ല്‍ ത​ട്ട് ഇ​ല്ലാ​താ​യ​തും മ​ത്സ്യ പ്ര​ജ​ന​ന​ത്തെ പ്ര​തി​കൂ​ല​മാ​ക്കു​ന്നു.ത​ണ്ണീ​ര്‍മു​ക്കം ബ​ണ്ടി​ന്‍റെ വ​ര​വി​ന് മു​മ്പ് 429 ട​ണ്‍ ആ​റ്റു കൊ​ഞ്ച് ല​ഭി​ച്ചി​രു​ന്ന​ത് നി​ല​വി​ല്‍ പ​ത്തു ട​ണ്ണി​ലേ​ക്ക് കു​റ​ഞ്ഞു.

നാ​ട​ന്‍ മു​ഷി​കു​ഞ്ഞി​ങ്ങ​ളെ​യും വം​ശ​നാ​ശം നേ​രി​ടു​ന്ന മ​ഞ്ഞ​ക്കൂ​രി​യെ​യും ഫി​ഷ​റീ​സ് വ​കു​പ്പ് കൃ​ത്രി​മ​മാ​യി ഉ​ത്പാ​ദി​പ്പി​ച്ച് നി​ക്ഷേ​പി​ക്കു​ന്നു​ണ്ട്.

കാ​യ​ല‍ മ​ലി​ന​പ്പെ​ട്ട​തോ​ടെ കാ​ര ചെ​മ്മീ​ന്‍, നാ​ര​ന്‍ ചെ​മ്മീ​ന്‍, ഞ​ണ്ട് തു​ട​ങ്ങി​യ​വ​യു​ടെ ല​ഭ്യ​ത കു​റ​ഞ്ഞു. മ​ണ​ലും മ​റ്റ് മാ​ലി​ന്യ​ങ്ങ​ളും അ​ടി​ഞ്ഞ​തോ​ടെ ക​ക്ക ശേ​ഖ​രം മൂ​ടി​പ്പോ​യി.

ക​ക്കാ​യി​റ​ച്ചി 75,000 ട​ണ്‍ എ​ന്ന​ത് 25,000 ആ​യി. ഇ​ന്ത്യ​യി​ലെ ഏ​റ്റ​വും നീ​ളം കൂ​ടി​യ​തും കേ​ര​ള​ത്തി​ലെ ഏ​റ്റ​വും വ​ലു​തു​മാ​യ ത​ടാ​കം ആ​ല​പ്പു​ഴ, കോ​ട്ട​യം, എ​റ​ണാ​കു​ളം ജി​ല്ല​ക​ളി​ല്‍ വി​സ്തൃ​ത​മാ​ണ്.