കമ്മട്ടിപ്പാടത്തെ  ശാന്തിഭവൻ കുട്ടികൾക്കൊപ്പം വിശേഷങ്ങൾ പങ്കുവയ്ക്കാൻ കേ​ര​ള ബ്ലാ​സ്റ്റേ​ഴ്സ് താ​രം വെ​സ് ബ്രൗ​ണും കു​ടും​ബ​വും; ഒടുവിൽ കുട്ടികൾക്കൊപ്പ്ം ജിമിക്കികമൽ ഗാനത്തിനൊപ്പം ചുവടും വച്ചു

കൊ​ച്ചി: ശാ​ന്തി​ഭ​വ​നി​ലെ കു​ട്ടി​ക​ൾ​ക്കൊ​പ്പം കുറച്ചു സമയം ചെലവഴിക്കാൻ കേ​ര​ള ബ്ലാ​സ്റ്റേ​ഴ്സ് താ​രം വെ​സ് ബ്രൗ​ണും കു​ടും​ബ​വും എ​ത്തി. സ്ത്രീ​ക​ളു​ടെ​യും കു​ട്ടി​ക​ളു​ടെ​യും ഉ​ന്ന​മ​ന​ത്തി​നു വേ​ണ്ടി പ്ര​വ​ർ​ത്തി​ക്കു​ന്ന ക​ൾ​ച്ച​റ​ൽ അ​ക്കാ​ഡ​മി ഫോ​ർ പീ​സി​ന്‍റെ ആ​ഭി​മു​ഖ്യ​ത്തി​ൽ സേ​വ് അ​വ​ർ ഗേ​ൾ ചൈ​ൽ​ഡ് എ​ന്ന കാ​ന്പ​യി​നിന്‍റെ ഭാ​ഗ​മാ​യാ​ണ് വെ​സ് ബ്രൗ​ണ്‍, ഭാ​ര്യ ലി​യാ​ന, മ​ക്ക​ളാ​യ ലോ​ല, ലി​ലി​യ, ഹാ​ലി എ​ന്നി​വ​ർ എ​റ​ണാ​കു​ളം ക​മ്മ​ട്ടി​പ്പാ​ട​ത്തു​ള്ള ശാ​ന്തി​ഭ​വ​നി​ലെ​ത്തി​യ​ത്.

ജീ​വി​ത​ത്തി​ൽ നി​ര​വ​ധി ചൂ​ഷ​ണ​ങ്ങ​ളും പ്ര​തി​സ​ന്ധി​ക​ളും നേ​രി​ട്ട അ​നു​ഭ​വ​ങ്ങ​ൾ ശാ​ന്തി​ഭ​വ​നി​ലെ അ​ന്തേ​വാ​സി​ക​ൾ അ​തി​ഥി​ക​ളു​മാ​യി പ​ങ്കു​വ​ച്ചു. ക​ൾ​ച്ച​റ​ൽ അ​ക്കാഡ​മി ഫോ​ർ പീ​സി​ന്‍റെ ഡ​യ​റ​ക്ട​ർ ബീ​ന സെ​ബാ​സ്റ്റ്യ​ന്‍റെ​​ യു​കെ​യി​ലു​ള്ള സു​ഹൃ​ത്തി​ലൂ​ടെ ശാ​ന്തി​ഭ​വ​നെ​ക്കു​റി​ച്ച​റി​ഞ്ഞ ലി​യാ​ന സ​ന്ദ​ർ​ശ​ന​ത്തി​നു താ​ൽ​പ​ര്യം പ്ര​ക​ടി​പ്പി​ക്കു​ക​യാ​യി​രു​ന്നു. കൊ​ച്ചി​യി​ലെ​ത്തി​യ ലി​യാ​ന ക്രി​സ്മ​സ് ദി​ന​ത്തി​ൽ ശാ​ന്തി​ഭ​വ​നി​ലെ​ത്തി​യി​രു​ന്നു.

ഇ​ന്ന​ലെ ഭർത്താവിനെയും മ​ക്ക​ളെ​യും കൂ​ട്ടി വീ​ണ്ടു​മെ​ത്തി. യു​കെ​യി​ൽ നി​ര​വ​ധി ചാ​രി​റ്റി പ്ര​വ​ർ​ത്ത​ന​ങ്ങ​ളി​ൽ സ​ജീ​വ​മാ​ണ് ലി​യാ​ന. ക​ളി​ക്കൂ​ട്ടു​കാ​ര​നി​ൽ​നി​ന്നു പീ​ഡ​ന​മേ​റ്റു വാ​ങ്ങി മാ​ന​സി​ക​മാ​യി ത​ക​ർ​ന്ന അ​വ​സ്ഥ​യി​ൽ ശാ​ന്തി​ഭ​വ​നി​ലെ​ത്തി കൗ​ണ്‍​സി​ലിം​ഗി​ലൂ​ടെ ജീ​വി​തം തി​രി​ച്ചു​പി​ടി​ച്ച് ഇ​പ്പോ​ൾ ഫാ​ഷ​ൻ ഡി​സൈ​ന​റാ​യി ജോ​ലി ചെ​യ്യു​ന്ന പെ​ണ്‍​കു​ട്ടി, താ​ൻ ഡി​സൈ​ൻ ചെ​യ്ത വ​സ്ത്ര​ങ്ങ​ൾ അ​തി​ഥി​ക​ൾ​ക്കു മു​ന്നി​ൽ അ​വ​ത​രി​പ്പി​ച്ചു. ഒ​ടു​വി​ൽ കു​ട്ടി​ക​ൾ അ​വ​ത​രി​പ്പി​ച്ച ജി​മി​ക്കി ക​മ്മ​ൽ ഗാ​ന​ത്തി​നൊ​പ്പം ലി​യാ​ന​യും ഹാ​ലി​യും നൃ​ത്തച്ചുവടുകൾ വച്ചു.