ബോളിവുഡില്‍ ഏറെ ശ്രദ്ധ നേടിയ സസ്‌പെന്‍സ് ത്രില്ലര്‍ കഹാനിയുടെ രണ്ടാം ഭാഗത്തില്‍ വിദ്യാബാലന്‍ എത്തുന്നതു പിടികിട്ടാപ്പുള്ളിയായി. നവംബര്‍ 25ന് കഹാനി 2 റിലീസ് ചെയ്യാനുള്ള തയ്യാറെടുപ്പിലാണ് അണിയറ പ്രവര്‍ത്തകര്‍. ചിത്രത്തിന്റെ ഫസ്റ്റ് ലുക്ക് പോസ്റ്റര്‍ പുറത്തുവിട്ടു. തട്ടിക്കൊണ്ടു പോയി കൊലപാതകം നടത്തിയ കുറ്റത്തിന് പിടികിട്ടാപ്പുള്ളിയായി പ്രഖ്യാപിച്ചയാളുടെ വിവരങ്ങള്‍ ഉള്‍പ്പെടുത്തിയാണ് പോസ്റ്റര്‍ പുറത്തിറക്കിയിരിക്കുന്നത്. കുറ്റവാളിയായ ദുര്‍ഗാ റാണി സിംഗിനെ കാണ്മാനില്ല എന്നെഴുതി വിദ്യാ ബാലന്റെ ഒരു ചിത്രം ഉപയോഗിച്ചാണ് പോസ്റ്റര്‍ തയ്യാറാക്കിയിരിക്കു ന്നത്.അര്‍ജുന്‍ രാംപാല്‍ ആണ് ചിത്രത്തില്‍ മറ്റൊരു പ്രധാന കഥാപാത്രത്തെ അവതരിപ്പിക്കുന്നത്.
സുജോയ് ഘോഷ് സംവിധാനം ചെയ്ത് 2012ല്‍ പുറത്തിറങ്ങിയ കഹാനി ബോക്‌സ്ഓഫീസില്‍ വന്‍വിജയമായിരുന്നു. കാണാതായ ഭര്‍ത്താവിനെ തേടി കൊല്‍ക്കത്തയിലെ ത്തിയ ഗര്‍ഭിണിയായ ഭാഗ്ജി എന്ന കഥാപാത്രത്തെയാണ് കഹാനിയില്‍ വിദ്യാബാലന്‍ അവതരിപ്പിച്ചത്. ചിത്രത്തിലെ വിദ്യയുടെ അഭിനയം ഏറെ ശ്രദ്ധ പിടിച്ചുപറ്റുകയും ചെയ്തു. രണ്ടാം ഭാഗവും സുജോയ് തന്നെയാണ് സംവിധാനം ചെയ്യുന്നത്.
