ആളുകൾക്ക് അപകടം പറ്റുന്നത് കണ്ടുനിൽക്കുന്നത് രസമുള്ള കാര്യമൊന്നുമല്ല. എന്നാൽ ചില വീഴ്ചകൾ കണ്ടാൽ പരിസരം മറന്ന് പൊട്ടിച്ചിരിച്ചുപോകും. അത്തരമൊരുവീഡിയോയാണ് ഇപ്പോൾ സോഷ്യൽ മീഡിയയിൽ വൈറലാകുന്നത്.
വീണിടത്ത് പുഷ് അപ് ചെയ്യുന്ന ഒരു യുവാവിന്റെ വീഡിയോ ആണ് സോഷ്യൽ മീഡിയ ഇപ്പോൾ ഏറ്റെടുത്തിരിക്കുന്നത്.
റോഡരികിൽ കേബിൾ കുഴിയെടുക്കുന്നതിന്‍റെ അരികിൽ നിൽക്കുകയായിരുന്നു ഒരു യുവാവ്. പെട്ടെന്നാണ് കാല് തെന്നി വീഴുന്നത്. എന്നാൽ താന്‍ വീണതല്ല എന്ന് കാണിക്കാനുള്ള യുവാവിന്റെ ശ്രമമാണ് വൈറലായയത്.
വീണ സ്ഥലത്ത് കിടന്ന് യുവാവ് പുഷ് അപ് എടുക്കുന്നതാണ് പിന്നീട് കാണുന്നത്. കേബിൾ കുഴിയുടെ രണ്ടരികിലുമായി കൈകുത്തിക്കൊണ്ടാണ് യുവാവ് പുഷ് അപ് ചെയ്യുന്നത്.
ഇതിന്‍റെ സിസിടിവി ദൃശ്യങ്ങളാണ് ഇപ്പോൾ സമൂഹ മാധ്യമങ്ങളില്‍ പ്രചരിക്കുന്നത്. സംഭവം നടന്നത് എവിടെയാണെന്ന് വ്യക്തമല്ല.
