സ്വ​കാ​ര്യ പ്രാ​ക്ടീ​സ് ന​ട​ത്തു​ന്ന സ​ര്‍​ക്കാ​ര്‍ ഡോ​ക്ട​ര്‍​മാ​ര്‍​ക്കെ​തി​രേ പ​രാ​തി; ച​ട്ട​വി​രു​ദ്ധ സ്വ​കാ​ര്യ​പ്രാ​ക്ടീ​സി​ൽ വി​ജി​ല​ൻ​സ് റെ​യ്ഡ്; ഡോ​ക്ട​ർ​മാ​ർ ഇ​റ​ങ്ങി​യോ​ടി

പ​ത്ത​നം​തി​ട്ട: നി​ഷ്‌​ക​ര്‍​ഷി​ച്ചി​രി​ക്കു​ന്ന മാ​ന​ദ​ണ്ഡം മ​റി​ക​ട​ന്ന് സ്വ​കാ​ര്യ പ്രാ​ക്ടീ​സ് ന​ട​ത്തു​ന്ന സ​ര്‍​ക്കാ​ര്‍ ഡോ​ക്ട​ര്‍​മാ​ര്‍​ക്കെ​തി​രേ​യു​ള്ള പ​രാ​തി​ക​ളു​ടെ അ​ടി​സ്ഥാ​ന​ത്തി​ല്‍ ന​ട​ന്ന പ​രി​ശോ​ധ​ന​യേത്തു​ട​ര്‍​ന്ന് പ​ത്ത​നം​തി​ട്ട, കോ​ഴ​ഞ്ചേ​രി എ​ന്നി​വി​ട​ങ്ങ​ളി​ലാ​യി ആ​റ് ഡോ​ക്ട​ര്‍​മാ​ര്‍​ക്കെ​തി​രേ വി​ജി​ല​ന്‍​സ് റി​പ്പോ​ര്‍​ട്ട്.

ഇ​വ​ര്‍​ക്കെ​തി​രേ വ​കു​പ്പു​ത​ല ന​ട​പ​ടി​ക്കു ശി​പാ​ര്‍​ശ ചെ​യ്‌​തേ​ക്കും. ഓ​പ്പ​റേ​ഷ​ന്‍ പ്രൈ​വ​റ്റ് പ്രാ​ക്ടീ​സി​ന്‍റെ ഭാ​ഗ​മാ​യി ജി​ല്ല​യി​ല്‍ മൂ​ന്നി​ട​ത്താ​ണ് ഇ​ന്ന​ലെ വി​ജി​ല​ന്‍​സ് റെ​യ്ഡ് ന​ട​ന്ന​ത്. പ​ത്ത​നം​തി​ട്ട ജ​ന​റ​ല്‍ ആ​ശു​പ​ത്രി, കോ​ഴ​ഞ്ചേ​രി​യി​ലെ ജി​ല്ലാ ആ​ശു​പ​ത്രി, അ​ടൂ​ര്‍ ജ​ന​റ​ല്‍ ആ​ശു​പ​ത്രി എ​ന്നി​വി​ട​ങ്ങ​ളി​ലെ ഡോ​ക്ട​ര്‍​മാ​രു​ടെ സ്വ​കാ​ര്യ പ്രാ​ക്ടീ​സ് ന​ട​ക്കു​ന്ന സ്ഥ​ല​ങ്ങ​ളി​ലാ​ണ് വി​ജി​ല​ന്‍​സ് സം​ഘം പ​രി​ശോ​ധ​ന​യ്ക്ക് എ​ത്തി​യ​ത്.

പ​ത്ത​നം​തി​ട്ട​യി​ല്‍ ര​ണ്ട് ഡോ​ക്ട​ര്‍​മാ​ര്‍ വി​ജി​ല​ന്‍​സ് സം​ഘ​ത്തെ ക​ണ്ട് ഇ​റ​ങ്ങി​യോ​ടി. ജ​ന​റ​ല്‍ ആ​ശു​പ​ത്രി​യി​ലെ ഡോ​ക്ട​ര്‍​മാ​രാ​ണി​വ​ര്‍. ആ​ശു​പ​ത്രി​യി​ല്‍ ചി​കി​ത്സ​യ്‌​ക്കെ​ത്തി​യ​വ​രി​ലാ​രോ വി​ജി​ല​ന്‍​സി​നെ ഉ​പ​യോ​ഗി​ച്ചു ത​ങ്ങ​ളെ കു​രു​ക്കാ​ന്‍ ശ്ര​മി​ക്കു​ന്നു​വെ​ന്ന സം​ശ​യ​ത്തി​ലാ​ണ് ഇ​റ​ങ്ങി​യോ​ടി​യ​തെ​ന്ന് ഇ​വ​ര്‍ പി​ന്നീ​ട് ഉ​ദ്യോ​ഗ​സ്ഥ​രോ​ടു വ്യ​ക്ത​മാ​ക്കി.

ഇ​ന്ന​ലെ ഉ​ച്ച​യ്ക്ക് ശേ​ഷ​മാ​ണ് മൂ​ന്നു സം​ഘ​ങ്ങ​ളാ​യി വി​ജി​ല​ന്‍​സ് ഉ​ദ്യോ​ഗ​സ്ഥ​ര്‍ പ​രി​ശോ​ധ​ന ന​ട​ത്തി​യ​ത്. പ​ത്ത​നം​തി​ട്ട​യി​ല്‍ ടി​കെ റോ​ഡി​ല്‍ ആ​ലു​ക്കാ​സ് ജ്വല്ലറി​ക്ക് എ​തി​ര്‍​വ​ശ​മു​ള്ള കൊ​മേ​ഴ്സ്യ​ല്‍ കോം​പ്ല​ക്സി​ല്‍ സ്വ​കാ​ര്യ പ്രാ​ക്ടീ​സ് ന​ട​ത്തി​യി​രു​ന്ന ര​ണ്ട് ഡോ​ക്ട​ര്‍​മാ​രാ​ണ് ഇ​റ​ങ്ങി​യോ​ടി​യ​ത്.

ഇ​വ​രു​ള്‍​പ്പെ​ടെ പ​ത്ത​നം​തി​ട്ട ജ​ന​റ​ല്‍ ആ​ശു​പ​ത്രിി​യ​ലെ നാ​ല് ഡോ​ക്ട​ര്‍​മാ​ര്‍​ക്കെ​തി​രേ​യാ​ണ് റി​പ്പോ​ര്‍​ട്ട്. കോ​ഴ​ഞ്ചേ​രി ജി​ല്ലാ ആ​ശു​പ​ത്രി​യി​ലെ ര​ണ്ട് ഡോ​ക്ട​ര്‍​മാ​ര്‍​ക്കെ​തി​രേ​യും റി​പ്പോ​ര്‍​ട്ടി​ല്‍ പ​രാ​മ​ര്‍​ശ​മു​ണ്ട്. അ​ടൂ​ര്‍ ജ​ന​റ​ല്‍ ആ​ശു​പ​ത്രി പ​രി​സ​ര​ത്ത് ഡോ​ക്ട​ര്‍​മാ​ര്‍ പ്രാ​ക്ടീ​സ് ചെ​യ്യു​ന്ന കെ​ട്ടി​ട​ത്തി​ല്‍ പ​രി​ശോ​ധ​ന ന​ട​ത്തി​യെ​ങ്കി​ലും ഫ്ളാ​റ്റു​ക​ള്‍ സ്വ​ന്തം പേ​രി​ല്‍ ആ​യ​തി​നാ​ല്‍ ഇ​വ​ര്‍​ക്കെ​തി​രേ ന​ട​പ​ടി ഉ​ണ്ടാ​യി​ട്ടി​ല്ല.

നി​ബ​ന്ധ​ന​ക​ള്‍​ക്ക് വി​ധേ​യ​മാ​യി​ട്ടാ​ണ് സ​ര്‍​ക്കാ​ര്‍ ഡോ​ക്ട​ര്‍​മാ​ര്‍​ക്ക് സ്വ​കാ​ര്യ പ്രാ​ക്ടീ​സ് അ​നു​വ​ദി​ച്ചി​ട്ടു​ള്ള​ത്. സ്വ​ന്തം താ​മ​സ സ്ഥ​ല​ത്ത് മാ​ത്ര​മേ ഇ​വ​ര്‍​ക്ക് രോ​ഗി​ക​ളെ പ​രി​ശോ​ധി​ക്കാ​ന്‍ അ​നു​വാ​ദ​മു​ള്ളൂ. സ​ര്‍​ക്കാ​ര്‍ ആ​ശു​പ​ത്രി​യി​ല്‍ അ​ഡ്മി​റ്റാ​യ രോ​ഗി​ക​ളെ​യോ ഇ​വ​രു​ടെ ബ​ന്ധു​ക്ക​ളെ​യോ സ്വ​കാ​ര്യ പ്രാ​ക്ടീ​സ് ന​ട​ക്കു​ന്ന സ്ഥ​ല​ത്തേ​ക്ക് വി​ളി​ച്ചു വ​രു​ത്താ​ന്‍ പാ​ടു​ള്ള​ത​ല്ല.

വ​രും ദി​വ​സ​ങ്ങ​ളി​ല്‍ അ​ഡ്മി​റ്റാ​കാ​ന്‍ പോ​കു​ന്ന രോ​ഗി​ക​ളെ​യും സ്വ​കാ​ര്യ പ്രാ​ക്ടീ​സ് ന​ട​ക്കു​ന്നി​ട​ത്ത് വി​ളി​ച്ചു വ​രു​ത്ത​രു​ത്. സ്വ​ന്തം താ​മ​സ സ്ഥ​ല​ത്ത് അ​ല്ലാ​തെ പ്രാ​ക്ടീ​സ് ന​ട​ത്തു​ന്ന​വ​രെ​യാ​ണ് വി​ജി​ല​ന്‍​സ് നോ​ട്ട​മി​ട്ട​ത്. പ​ത്ത​നം​തി​ട്ട​യി​ലെ ഓ​ര്‍​ത്തോ പീ​ഡി​ക് സ​ര്‍​ജ​ന്‍ താ​മ​സി​ക്കു​ന്ന​ത് അ​ടൂ​രി​ലാ​ണ്. അ​വി​ടെ​യും ഇ​ദ്ദേ​ഹം സ്വ​കാ​ര്യ പ്രാ​ക്ടീ​സ് ന​ട​ത്തു​ണ്ട്. ആ ​സ്ഥ​ല​ത്തും വി​ജി​ല​ന്‍​സ് സം​ഘം റെ​യ്ഡ് ന​ട​ത്തി.

അ​വി​ടെ അ​പ്പോ​ള്‍ മ​റ്റ് ര​ണ്ടു ഡോ​ക്ട​ര്‍​മാ​രാ​ണ് ഉ​ണ്ടാ​യി​രു​ന്ന​ത്. കൊ​മേ​ഴ്സ്യ​ല്‍ കെ​ട്ടി​ട​ങ്ങ​ളി​ല്‍ പ്രാ​ക്ടീ​സ് ന​ട​ത്തു​ന്ന​വ​രാ​ണ് ഇ​റ​ങ്ങി​യോ​ടി​യ​ത്. ഇ​വ​രെ ഇ​വി​ടെ കൊ​ണ്ടു വ​ന്ന് വാ​ട​ക കൊ​ടു​ത്ത് ഇ​രു​ത്തു​ന്ന​ത് ക്ലി​നി​ക്ക​ല്‍ ല​ബോ​റ​ട്ട​റി ഉ​ട​മ​ക​ളും മ​രു​ന്ന് ക​മ്പ​നി​ക​ളു​മൊ​ക്കെ​യാ​ണെ​ന്ന വി​വ​ര​വും വി​ജി​ല​ന്‍​സി​ന് ല​ഭി​ച്ചി​ട്ടു​ണ്ട്.

ആ​റു ഡോ​ക്ട​മാ​ര്‍​ക്കെ​തി​രേ​യു​മു​ള്ള റി​പ്പോ​ര്‍​ട്ട് വി​ജി​ല​ന്‍​സ് ഡ​യ​റ​ക്ട​ര്‍​ക്ക് സ​മ​ര്‍​പ്പി​ക്കു​മെ​ന്ന് ഡി​വൈ​എ​സ്പി ഹ​രി​വി​ദ്യാ​ധ​ര​ന്‍ പ​റ​ഞ്ഞു. ഇ​ന്‍​സ്പെ​ക്ട​ര്‍​മാ​രാ​യ പി. ​അ​നി​ല്‍​കു​മാ​ര്‍ അ​ടൂ​രും കെ. ​അ​നി​ല്‍​കു​മാ​ര്‍ പ​ത്ത​നം​തി​ട്ട​യി​ലും ജെ. ​രാ​ജീ​വ് കോ​ഴ​ഞ്ചേ​രി​യി​ലും പ​രി​ശോ​ധ​ന​ക​ള്‍​ക്ക് നേ​തൃ​ത്വം ന​ല്‍​കി.