പു​തു​മു​ഖ ന​ടി​യെ പീ​ഡി​പ്പി​ച്ച കേ​സ്; ക്രെ​ഡി​റ്റ് കാ​ർ​ഡ് ന​ൽ​കി​യ​ത് ന​ടി​യോ? സ​ഹാ​യി​ച്ച സി​നി​മാ​ക്കാ​രും കു​ടു​ങ്ങും

കൊ​ച്ചി: പു​തു​മു​ഖ ന​ടി​യെ പീ​ഡി​പ്പി​ച്ച കേ​സി​ൽ ദു​ബാ​യി​ൽ ഒ​ളി​വി​ൽ ക​ഴി​യു​ന്ന ന​ട​ൻ വി​ജ​യ്ബാ​ബു​വി​ന് ക്രെ​ഡി​റ്റ് കാ​ർ​ഡ് ന​ൽ​കി​യ​ത് ന​ടി​യോ?

ഇ​ക്കാ​ര്യ​ങ്ങ​ൾ തെ​ളി​യി​ക്കു​ന്ന​തി​നാ​യി വി​ജ​യ്ബാ​ബു​വി​നെ സ​ഹാ​യി​ച്ച​വ​രെ ചോ​ദ്യം ചെ​യ്യാ​നു​ള്ള ഒ​രു​ക്ക​ത്തി​ലാ​ണ് കൊ​ച്ചി സി​റ്റി പോ​ലീ​സ്. സി​നി​മാ​രം​ഗ​ത്തു​ള്ള ര​ണ്ടു പേ​രെ കേ​ന്ദ്രീ​ക​രി​ച്ചാ​ണ് നി​ല​വി​ൽ പോ​ലീ്സ് അ​ന്വേ​ഷ​ണം ന​ട​ക്കു​ന്ന​ത്.

ര​ണ്ടു ക്രെ​ഡി​റ്റ് കാ​ർ​ഡു​ക​ൾ സി​നി​മാ മേ​ഖ​ല​യി​ൽ പ്ര​വ​ർ​ത്തി​ക്കു​ന്ന ഒ​രാ​ൾ വ​ഴി ദു​ബാ​യി​ൽ എ​ത്തി​ച്ച​താ​യി അ​ന്വേ​ഷ​ണ​സം​ഘ​ത്തി​ന് വി​വ​രം ല​ഭി​ച്ചി​രു​ന്നു.

കൊ​ടു​ങ്ങ​ല്ലൂ​രി​ലെ ലൊ​ക്കേ​ഷ​നി​ൽ നി​ന്ന്
തൃ​ശൂ​ർ കൊ​ടു​ങ്ങ​ല്ലൂ​രി​ലെ സി​നി​മാ ഷൂ​ട്ടിം​ഗ് ലൊ​ക്കേ​ഷ​നി​ൽ നി​ന്നാ​ണു വി​ജ​യ്ബാ​ബു​വി​ന്‍റെ സു​ഹൃ​ത്താ​യ വ്യ​ക്തി നെ​ടു​ന്പാ​ശേ​രി വ​ഴി ദു​ബാ​യി​ലെ​ത്തി ക്രെ​ഡി​റ്റ് കാ​ർ​ഡു​ക​ൾ കൈ​മാ​റി​യ​ത് എ​ന്നാ​ണ് വി​വ​രം.

കൂ​ടാ​തെ, വി​ജ​യ​ബാ​ബു​വി​നെ​തി​രേ ന​ടി ന​ൽ​കി​യ പ​രാ​തി പി​ൻ​വ​ലി​പ്പി​ക്കാ​ൻ ശ്ര​മം ന​ട​ന്ന​താ​യും പോ​ലീ​സി​ന് വി​വ​രം ല​ഭി​ച്ചി​രു​ന്നു. ഇ​തി​ന്‍റെ അ​ടി​സ്ഥാ​ന​ത്തി​ൽ സി​നി​മാ​മേ​ഖ​ല​യി​ലെ മ​റ്റൊ​രാ​ളെ കേ​ന്ദ്രീ​ക​രി​ച്ചും പോ​ലീ​സ് അ​ന്വേ​ഷ​ണം ആ​രം​ഭി​ച്ചി​ട്ടു​ണ്ട്.

വ​രും ദി​വ​സ​ങ്ങ​ളി​ൽ ഇ​വ​രെ ചോ​ദ്യം ചെ​യ്യു​മെ​ന്നാ​ണ് പോ​ലീസ് ഉ​ന്ന​ത​ർ ന​ൽ​കു​ന്ന വി​വ​രം.

വി​മാ​ന ടി​ക്ക​റ്റ് റ​ദ്ദാ​ക്കി​യ​താ​യി
അ​തേ​സ​മ​യം 30ന് ​നാ​ട്ടി​ലെ​ത്തു​മെ​ന്ന് വി​ജ​യ്ബാ​ബു ഹൈ​ക്കോ​ട​തി​യെ അ​റി​യി​ച്ചി​രു​ന്നു​വെ​ങ്കി​ലും വി​മാ​ന ടി​ക്ക​റ്റ് റ​ദ്ദാ​ക്കി​യ​താ​യി അ​റി​യു​ന്നു​വെ​ന്ന് പോ​ലീ​സ് ഉ​ന്ന​ത​ർ പ​റ​യു​ന്നു. ഇ​യാ​ളു​ടെ ജാ​മ്യ ഹ​ർ​ജി​യി​ൽ തി​ങ്ക​ളാ​ഴ്ച​യും വാ​ദം തു​ട​രും.

ഈ ​സാ​ഹ​ച​ര്യ​ത്തി​ൽ ഇ​യാ​ൾ വി​ദേ​ശ​ത്തു​നി​ന്ന് മ​ട​ങ്ങാ​ൻ സാ​ധ്യ​ത കു​റ​വാ​ണെ​ന്നാ​ണ് അ​റി​യു​ന്ന​ത്. ഇ​യാ​ൾ വി​ദേ​ശ​ത്തു​നി​ന്ന് എ​ത്തി​യാ​ലു​ട​ൻ അ​റ​സ്റ്റ് ചെ​യ്യു​ന്ന​തി​നു​ള്ള ന​ട​പ​ടി​യി​ലേ​ക്ക് പോ​ലീ​സ് ക​ട​ന്നി​രു​ന്നു.

കേ​സെ​ടു​ക്കു​മെ​ന്ന് അ​റി​ഞ്ഞ് വി​ദേ​ശ​ത്തേ​ക്ക് കടന്നു
വി​ജ​യ് ബാ​ബു കേ​സ് ര​ജി​സ്റ്റ​ർ ചെ​യ്യു​ന്ന​തി​നു മു​ൻ​പ് ഇ​ര​യാ​യ ന​ടി​യെ​യും അ​മ്മ​യെ​യും ഫോ​ണി​ൽ വി​ളി​ച്ചു ഭീ​ഷ​ണി​പ്പെ​ടു​ത്തി​യെ​ന്നും കേ​സെ​ടു​ക്കു​മെ​ന്ന് അ​റി​ഞ്ഞു​കൊ​ണ്ടാ​ണ് ഇ​യാ​ൾ വി​ദേ​ശ​ത്തേ​ക്ക് ക​ട​ന്ന​തെ​ന്നും പ്രോ​സി​ക്യൂ​ഷ​ൻ ഇ​ന്ന​ലെ ഹൈ​ക്കോ​ട​തി​യെ അ​റി​യി​ക്കു​ക​യു​ണ്ടാ​യി.

പീ​ഡ​ന​ക്കേ​സി​ൽ വി​ജ​യ് ബാ​ബു ന​ൽ​കി​യ മു​ൻ​കൂ​ർ ജാ​മ്യാ​പേ​ക്ഷ​യി​ലാ​ണ് സ​ർ​ക്കാ​രി​നു​വേ​ണ്ടി ഹാ​ജ​രാ​യ അ​ഡി. പ്രോ​സി​ക്യൂ​ഷ​ൻ ഡ​യ​റ​ക്ട​ർ ജ​ന​റ​ൽ ഗ്രേ​ഷ്യ​സ് കു​ര്യാ​ക്കോ​സ് ഇ​ക്കാ​ര്യ​ങ്ങ​ൾ പ​റ​ഞ്ഞ​ത്.

കേ​സു​ണ്ടെ​ന്ന് അ​റി​ഞ്ഞ​ല്ല വി​ദേ​ശ​ത്തേ​ക്കു പോ​യ​തെ​ന്നും ദു​ബാ​യ് സ​ർ​ക്കാ​രി​ന്‍റെ ഗോ​ൾ​ഡ​ൻ വി​സ ല​ഭി​ക്കു​ന്ന​തി​നു പേ​പ്പ​ർ ശ​രി​യാ​ക്കാ​നാ​ണ് പോ​യ​തെ​ന്നും വി​ജ​യ് ബാ​ബു​വി​ന്‍റെ അ​ഭി​ഭാ​ഷ​ക​ൻ വാ​ദ​മു​ന്ന​യി​ച്ചി​രു​ന്നു.

ഇ​തി​നു മ​റു​പ​ടി​യാ​യാ​ണ് സ​ർ​ക്കാ​ർ ഇ​ക്കാ​ര്യ​ങ്ങ​ൾ വാ​ദി​ച്ച​ത്. താ​ൻ വി​ദേ​ശ​ത്താ​ണെ​ന്ന​കാ​ര്യം മ​റ​ച്ചു​വ​ച്ചാ​ണ് വി​ജ​യ് ബാ​ബു മു​ൻ​കൂ​ർ ജാ​മ്യാ​പേ​ക്ഷ ന​ൽ​കി​യ​തെ​ന്നും വി​ദേ​ശ​ത്തു​ള്ള​യാ​ളു​ടെ മു​ൻ​കൂ​ർ ജാ​മ്യാ​പേ​ക്ഷ നി​യ​മ​പ​ര​മാ​യി നി​ല​നി​ൽ​ക്കി​ല്ലെ​ന്നു​ള്ള വാ​ദ​വും സ​ർ​ക്കാ​ർ ഉ​ന്ന​യി​ച്ചു.

ഉ​പ​ഹ​ർ​ജി​യി​ൽ താ​ൻ വി​ദേ​ശ​ത്താ​ണെ​ന്ന​ത​ട​ക്ക​മു​ള്ള വി​വ​ര​ങ്ങ​ൾ ഉ​ൾ​പ്പെ​ടു​ത്തി​യി​ട്ടു​ണ്ടെ​ന്നും അ​തി​നാ​ൽ ഹ​ർ​ജി നി​ല​നി​ൽ​ക്കു​മെ​ന്നും വി​ജ​യ് ബാ​ബു​വി​ന്‍റെ അ​ഭി​ഭാ​ഷ​ക​ൻ മ​റു​പ​ടി ന​ൽ​കി.

ഏ​പ്രി​ൽ 22 ന് ​ഷൂ​ട്ടിം​ഗി​നാ​യി ഗോ​വ​യി​ലേ​ക്കും അ​വി​ടെ​നി​ന്ന് ഏ​പ്രി​ൽ 24ന് ​ദു​ബാ​യി​ലേ​ക്കും പോ​യി. കേ​സു​ണ്ടെ​ന്ന് അ​റി​ഞ്ഞി​രു​ന്നി​ല്ല. നി​യ​മ ന​ട​പ​ടി​ക​ളി​ൽ​നി​ന്ന് ഒ​ളി​ച്ചോ​ടി​യ​ത​ല്ലെ​ന്നും അ​ഭി​ഭാ​ഷ​ക​ൻ വി​ശ​ദീ​ക​രി​ച്ചു.

ഏ​പ്രി​ൽ 19 നാ​ണ് ന​ടി​യെ​യും അ​മ്മ​യെ​യും ഫോ​ണി​ൽ വി​ളി​ച്ചു ഭീ​ഷ​ണി​പ്പെ​ടു​ത്തി​യ​തെ​ന്നും പ്ര​തി മു​ൻ​കൂ​ർ ജാ​മ്യാ​പേ​ക്ഷ​യി​ൽ കൊ​ല്ല​ത്തെ വി​ലാ​സ​മാ​ണ് ന​ൽ​കി​യ​തെ​ന്നും പ്രോ​സി​ക്യൂ​ഷ​ൻ ചൂ​ണ്ടി​ക്കാ​ട്ടി.

നേ​ര​ത്തെ മു​ൻ​കൂ​ർ ജാ​മ്യാ​പേ​ക്ഷ പ​രി​ഗ​ണി​ക്ക​ണ​മെ​ങ്കി​ൽ വി​ജ​യ് ബാ​ബു നാ​ട്ടി​ലെ​ത്ത​ണ​മെ​ന്ന് സിം​ഗി​ൾ​ബെ​ഞ്ച് നി​ർ​ദേ​ശി​ച്ചി​രു​ന്നു. ഇ​ത​നു​സ​രി​ച്ച് തി​ങ്ക​ളാ​ഴ്ച കൊ​ച്ചി​യി​ൽ മ​ട​ങ്ങി​യെ​ത്താ​നു​ള്ള ഫ്ളൈ​റ്റ് ടി​ക്ക​റ്റി​ന്‍റെ പ​ക​ർ​പ്പ് ഹാ​ജ​രാ​ക്കി​യി​രു​ന്നു.