ഓ​രോ നാ​ടി​ന്‍റെ​യും ഹൃ​ദ​യ​സ്പ​ന്ദ​ന​മാ​യി ചി​ല സ്വ​കാ​ര്യ ബ​സു​ക​ളു​ണ്ടാ​കും! മ​ല​യോ​ര​ത്തി​ന്‍റെ ഗൃ​ഹാ​തു​ര​ത്വ​മാ​യി ‘വി​ജ​യ​ല​ക്ഷ്മി’

കാ​ഞ്ഞ​ങ്ങാ​ട്: മ​ല​യോ​ര​ത്തി​ന്‍റെ ഗൃ​ഹാ​തു​ര​ത്വ​മാ​യി ‘വി​ജ​യ​ല​ക്ഷ്മി’. ഓ​രോ നാ​ടി​ന്‍റെ​യും ഹൃ​ദ​യ​സ്പ​ന്ദ​ന​മാ​യി ചി​ല സ്വ​കാ​ര്യ ബ​സു​ക​ളു​ണ്ടാ​കും.

മ​ല​യോ​ര​മേ​ഖ​ല​യി​ല്‍ റോ​ഡു​ക​ളും വാ​ഹ​ന​ങ്ങ​ളും ഇ​ത്ര​ക​ണ്ട് വി​ക​സി​ക്കാ​തി​രു​ന്ന കാ​ല​ത്ത് നാ​ടി​ന് യാ​ത്രാ​മാ​ര്‍​ഗം തു​റ​ന്നു​ത​ന്ന ചി​ല ബ​സു​ക​ള്‍.

ആ ​ബ​സു​ക​ളു​ടെ സ​മ​യ​ത്തെ ആ​ശ്ര​യി​ച്ചാ​യി​രു​ന്നു മു​ന്‍​കാ​ല​ങ്ങ​ളി​ല്‍ നി​ത്യ​ജീ​വി​ത​ത്തി​ലെ ഓ​രോ കാ​ര്യ​ങ്ങ​ളും തീ​രു​മാ​നി​ച്ചി​രു​ന്ന​ത്.ഈ ​ബ​സു​ക​ളു​ടെ ട്രി​പ്പൊ​ന്ന് മു​ട​ങ്ങി​യാ​ല്‍ പോ​ലും മ​ല​യോ​ര​ത്തെ ദൈ​നം​ദി​ന ജീ​വി​തം താ​ളം​തെ​റ്റു​മാ​യി​രു​ന്നു.

ഈ ​ഉ​ത്ത​ര​വാ​ദി​ത്വം മ​ന​സി​ലു​ള്ള​തു​കൊ​ണ്ട് ക​ഴി​യു​ന്ന​ത്ര ട്രി​പ്പു​ക​ള്‍ മു​ട​ക്കാ​തെ​യും ഏ​തെ​ങ്കി​ലും അ​ത്യാ​വ​ശ്യ​ഘ​ട്ട​ത്തി​ല്‍ മു​ട​ക്കേ​ണ്ടി​വ​രി​ക​യാ​ണെ​ങ്കി​ല്‍ സ്ഥി​രം യാ​ത്ര​ക്കാ​രെ മു​ന്‍​കൂ​ട്ടി വി​വ​ര​മ​റി​യി​ച്ചും മാ​ത്രം ഓ​ടി​യി​രു​ന്ന ബ​സു​ക​ള്‍.

അ​ക്കൂ​ട്ട​ത്തി​ലൊ​രു ബ​സാ​ണ് മൂ​ന്നു പ​തി​റ്റാ​ണ്ടോ​ളം കാ​ലം ക​ര്‍​ണാ​ട​ക​യി​ലെ മ​ടി​ക്കേ​രി​യി​ല്‍ നി​ന്നും കാ​ഞ്ഞ​ങ്ങാ​ട് വ​രെ ഓ​ടി​യെ​ത്തി​യി​രു​ന്ന ശ്രീ ​വി​ജ​യ​ല​ക്ഷ്മി ട്രാ​വ​ല്‍​സ്.

സം​സ്ഥാ​ന​പാ​ത​യൊ​ക്കെ ഇ​ന്നു കാ​ണു​ന്ന രൂ​പം കൈ​വ​രി​ക്കു​ന്ന​തി​നു മു​മ്പ് മ​ല​മ്പാ​ത​ക​ള്‍ താ​ണ്ടി ന​ഗ​ര​ത്തി​ലേ​ക്കെ​ത്തി​യ ആ​ദ്യ ബ​സു​ക​ളി​ലൊ​ന്നാ​ണ് വി​ജ​യ​ല​ക്ഷ്മി.

കൂ​ര്‍​ഗി​ലെ മ​ടി​ക്കേ​രി​യി​ല്‍ നി​ന്നും പാ​ണ​ത്തൂ​ര്‍ വ​രെ എ​ത്താ​നു​ള്ള അ​ന്ത​ര്‍​സം​സ്ഥാ​ന പാ​ത​യാ​ണെ​ങ്കി​ല്‍ അ​ന്നൊ​ക്കെ പ​ല​യി​ട​ത്തും കാ​ട്ടു​പാ​ത മാ​ത്ര​മാ​യി​രു​ന്നു.

ഈ ​വ​ഴി​യെ​ല്ലാം ക​ട​ന്ന് മ​ല​ഞ്ച​ര​ക്കു​ക​ളും കൂ​ര്‍​ഗി​ല്‍ നി​ന്നു​ള്ള സാ​ധ​ന​സാ​മ​ഗ്രി​ക​ളു​മൊ​ക്കെ​യാ​യി വ​രു​ന്ന ബ​സ് ന​ഗ​ര​ത്തി​ലു​ള്ള​വ​ര്‍​ക്കും വി​സ്മ​യ​ക്കാ​ഴ്ച​യാ​യി​രു​ന്നു.

ഒ​രു ബ​സി​ല്‍ സാ​ധാ​ര​ണ കാ​ണാ​റു​ള്ള ഗാ​രേ​ജ് ടൂ​ള്‍​സി​നൊ​പ്പം വാ​ളും കോ​ടാ​ലി​യും ക​യ​റു​മൊ​ക്കെ ഉ​ള്ളി​ല്‍ ക​രു​തി​യാ​യി​രു​ന്നു അ​ന്നൊ​ക്കെ വി​ജ​യ​ല​ക്ഷ്മി​യു​ടെ യാ​ത്ര.

വ​ഴി​യി​ലെ​വി​ടെ​യെ​ങ്കി​ലും മ​രം വീ​ണി​ട്ടു​ണ്ടെ​ങ്കി​ല്‍ വെ​ട്ടി​മാ​റ്റി യാ​ത്ര തു​ട​രാ​ന്‍ അ​ത് അ​നി​വാ​ര്യ​മാ​യി​രു​ന്നു. മ​റ്റൊ​രു വാ​ഹ​ന​വും കാ​ര്യ​മാ​യി ക​ട​ന്നു​പോ​കാ​ത്ത വ​ഴി​യു​മാ​യി​രു​ന്നു.

ഉ​രു​ള​ന്‍ ക​ല്ലു​ക​ള്‍ നി​റ​ഞ്ഞ പാ​ത​ക​ളും പാ​ല​മി​ല്ലാ​ത്ത നീ​ര്‍​ച്ചാ​ലു​ക​ളും ക​ട​ന്നാ​യി​രു​ന്നു ബ​സ്സി​ന്റെ യാ​ത്ര.കാ​ല​ക്ര​മ​ത്തി​ല്‍ മ​ല​യോ​ര​ത്തെ റോ​ഡു​ക​ളും അ​തി​ര്‍​ത്തി​ക്കി​രു​വ​ശ​ത്തു​മു​ള്ള ചെ​റു ന​ഗ​ര​ങ്ങ​ളും വ​ള​ര്‍​ന്നു വി​ക​സി​ച്ചു.

അ​തി​നി​ട​യി​ല്‍ വി​ജ​യ​ല​ക്ഷ്മി ട്രാ​വ​ല്‍​സി​നും ബാ​ഗ​മ​ണ്ഡ​ലം കേ​ന്ദ്ര​മാ​യി എ​ട്ട് ബ​സു​ക​ളാ​യി. എ​ങ്കി​ലും അ​ന്ത​ര്‍​സം​സ്ഥാ​ന സ​ര്‍​വീ​സ് ഇ​തൊ​ന്നു​മാ​ത്ര​മേ ഉ​ണ്ടാ​യി​രു​ന്നു​ള്ളൂ.

കാ​ഞ്ഞ​ങ്ങാ​ട് സ​ര്‍​വീ​സ് അ​വ​സാ​നി​പ്പി​ച്ച് പാ​ണ​ത്തൂ​ര്‍ വ​രെ മാ​ത്ര​മാ​ണ് സ​മീ​പ​കാ​ലം വ​രെ സ​ര്‍​വീ​സ് ന​ട​ത്തി​യി​രു​ന്ന​ത്.

കോ​വി​ഡ് നി​യ​ന്ത്ര​ണ​ങ്ങ​ളി​ല്‍ അ​ന്ത​ര്‍​സം​സ്ഥാ​ന യാ​ത്ര​യ്ക്ക് വി​ല​ക്കു​ണ്ടാ​യ​തോ​ടെ വി​ജ​യ​ല​ക്ഷ്മി​ക്കും ഓ​ട്ടം നി​ര്‍​ത്തേ​ണ്ടി​വ​ന്നു. എ​ങ്കി​ലും നി​യ​ന്ത്ര​ണ​ങ്ങ​ള്‍ മാ​റു​ന്ന മു​റ​യ്ക്ക് വീ​ണ്ടും സ​ര്‍​വീ​സ് തു​ട​ങ്ങാ​മെ​ന്നാ​ണ് പ്ര​തീ​ക്ഷ