കോ​വി​ഡ് ഭ​യ​ന്ന് ചി​കി​ത്സാ​നി​ഷേ​ധം; ആം​ബു​ല​ൻ​സി​ൽ ഇ​ല്ലാ​താ​യ​ത് ഒ​രു ജീ​വ​ൻ; സംഭവത്തിൽ ആശുപത്രിയുടെ വിശദീകരണം ഇങ്ങനെ…

ആ​ലു​വ: കോ​വി​ഡ് ഭ​യ​ന്ന് ചി​കി​ത്സ നി​ഷേ​ധി​ച്ച​തോ​ടെ ആം​ബു​ല​ൻ​സി​ൽ പൊ​ലി​ഞ്ഞ​ത് ഒ​രു ജീ​വ​ൻ. ആ​ലു​വ ജി​ല്ലാ ആ​ശു​പ​ത്രി​യി​ൽ ഇ​ന്ന​ലെ രാ​വി​ലെ​യാ​യി​രു​ന്നു സം​ഭ​വം.

ആ​ലു​വ പു​ളി​ഞ്ചു​വ​ട്ടി​ലെ ഒ​രു ഫ്ലാ​റ്റി​ലെ സെ​ക്യൂ​രി​റ്റി ജീ​വ​ന​ക്കാ​ര​നാ​യ പ​റ​വൂ​ർ സ്വ​ദേ​ശി വി​ജ​യ​കു​മാ​റാ (63 )ണ് ​മ​രി​ച്ച​ത്. ഒ​ടു​വി​ൽ ഇ​യാ​ളു​ടെ കോ​വി​ഡ് പ​രി​ശോ​ധ​നാ ഫ​ലം വ​ന്ന​പ്പോ​ൾ നെ​ഗ​റ്റീ​വാ​യി​രു​ന്നു.

ശ്വാ​സ​ത​ട​സ​വും ചു​മ​യും അ​നു​ഭ​വ​പ്പെ​ട്ട ഇ​യാ​ളെ ഫ്ലാ​റ്റ് അ​ധി​കൃ​ത​ർ ത​ന്നെ ആം​ബു​ല​ൻ​സി​ൽ ജി​ല്ലാ ആ​ശു​പ​ത്രി​യി​ൽ എ​ത്തി​ച്ചു. രാ​വി​ലെ 9.15ന് ​എ​ത്തി​യ രോ​ഗി പ​ത്തോ​ടെ ആം​ബു​ല​ൻ​സി​ൽ ത​ന്നെ മ​രി​ക്കു​ക​യാ​യി​രു​ന്നു. രോ​ഗി​ക്ക് കൃ​ത്യ​മാ​യ ചി​കി​ത്സ ല​ഭി​ച്ചി​ല്ലെ​ന്നും ഇ​ദേ​ഹ​ത്തെ ആം​ബു​ല​ൻ​സി​ൽ​നി​ന്നും ഇ​റ​ക്കാ​ൻ പോ​ലും കൂ​ട്ടാ​ക്കി​യി​ല്ലെ​ന്ന് പ​റ​യു​ന്നു.

ആ​ദ്യം അ​ത്യാ​ഹി​ത വി​ഭാ​ഗ​ത്തി​ൽ എ​ത്തി​ച്ചെ​ങ്കി​ലും രോ​ഗ ല​ക്ഷ​ണ​ങ്ങ​ൾ പ​റ​ഞ്ഞ​തോ​ടെ പ​നി പ​രി​ശോ​ധ​ന വി​ഭാ​ഗ​ത്തി​ലേ​ക്ക് പ​റ​ഞ്ഞ് വി​ട്ടു. അ​വി​ടെ വൈ​ദ്യു​തി ഇ​ല്ലാ​ത്ത​തി​നാ​ൽ കോ​വി​ഡ് ഐ​സ​ലേ​ഷ​ൻ വി​ഭാ​ഗ​ത്തി​ലേ​ക്ക് മാ​റ്റി.

എ​ന്നാ​ൽ, ആ​രോ​ഗ്യ പ്ര​വ​ർ​ത്ത​ക​ർ പി​പി​ഇ കി​റ്റ് ധ​രി​ച്ച് എ​ത്തി​യ​പ്പോ​ഴേ​ക്കും വാ​ഹ​ന​ത്തി​ന് അ​ക​ത്തു വ​ച്ചു​ത​ന്നെ രോ​ഗി മ​ര​ണ​പ്പെ​ട്ടു. ഫ്ലാ​റ്റി​ൽ​നി​ന്നും ന​ട​ന്ന് ആം​ബു​ല​ൻ​സി​ൽ ക​യ​റി​യ ആ​ളാ​ണ് മ​രി​ച്ച​ത്. ഇ​യാ​ളു​ടെ സ്ര​വം കോ​വി​ഡ് പ​രി​ശോ​ധ​ന ന​ട​ത്തി നെ​ഗ​റ്റീ​വാ​ണെ​ന്ന് പി​ന്നീ​ട് സ്ഥി​രീ​ക​രി​ച്ചു.

ക​ണ്ടെ​യ്ൻ​മെ​ന്‍റ് സോ​ണി​ൽ​നി​ന്ന് ല​ക്ഷ​ണ​ങ്ങ​ളു​മാ​യി വ​രു​ന്ന​വ​ർ നേ​രി​ട്ട് കോ​വി​ഡ് ഐ​സൊ​ലോ​ഷ​ൻ വി​ഭാ​ഗ​ത്തി​ലേ​ക്കാ​ണ് പോ​കേ​ണ്ട​തെ​ന്നാ​ണ് ആ​ശു​പ​ത്രി അ​ധി​കൃ​ത​രു​ടെ വി​ശ​ദീ​ക​ര​ണം. ഇ​ത് ആ​രോ​ഗ്യ വ​കു​പ്പി​ന്‍റെ നി​ർ​ദേ​ശ​മാ​ണെ​ന്നും ജി​ല്ലാ ആ​ശു​പ​ത്രി സൂ​പ്ര​ണ്ട് പ​റ​ഞ്ഞു.

നേ​രി​ട്ട് അ​ത്യാ​ഹി​ത വി​ഭാ​ഗ​ത്തി​ലെ​ത്തു​ന്ന​ത് മ​റ്റു രോ​ഗി​ക​ൾ​ക്ക് രോ​ഗ പ​ക​ർ​ച്ച​യ്ക്ക് കാ​ര​ണ​മാ​കു​മെ​ന്നും അ​വ​ർ പ​റ​ഞ്ഞു. ആ​ലു​വ എ​ട​യ​പ്പു​റം അ​മ്പാ​ട്ട് ക​വ​ല​യി​ൽ വാ​ട​ക​ക്ക് താ​മ​സി​ക്കു​ന്ന വി​ജ​യ​കു​മാ​ർ മൂ​ന്ന് വ​ർ​ഷ​മാ​യി പു​ളി​ഞ്ചു​വ​ട് അ​മി​റ്റി ഫ്ലാ​റ്റി​ലെ സെ​ക്യൂ​രി​റ്റി ജീ​വ​ന​ക്കാ​ര​നാ​ണ്.

ഈ ​ഫ്ലാ​റ്റി​ൽ ഏ​താ​നും പേ​ർ കോ​വി​ഡ് രോ​ഗ​വ്യാ​പ​ന​ത്തെ തു​ട​ർ​ന്ന് നി​രീ​ക്ഷ​ണ​ത്തി​ലാ​ണ്. ഇ​ദേ​ഹ​ത്തി​ന്‍റെ മൃ​ത​ദേ​ഹം ഏ​റ്റു​വാ​ങ്ങാ​ൻ ബ​ന്ധു​ക്ക​ൾ എ​ത്തി​യി​ട്ടി​ല്ല. സം​ഭ​വ​ത്തി​ൽ സം​സ്ഥാ​ന മ​ര​ഷ്യാ​വ​കാ​ശ ക​മ്മീ​ഷ​ൻ സ്വ​മേ​ധ​യ കേ​സെ​ടു​ത്തു.

ആ​രോ​ഗ്യ​വ​കു​പ്പ് ഡ​യ​റ​ക്ട​ർ അ​ന്വേ​ഷി​ച്ച് മൂ​ന്നാ​ഴ്ച​ക്ക​കം റി​പ്പോ​ർ​ട്ട് സ​മ​ർ​പ്പി​ക്കാ​ൻ ക​മ്മീ​ഷ​ൻ അ​ധ്യ​ക്ഷ​ൻ ജ​സ്റ്റി​സ് ആ​ന്‍റ​ണി ഡൊ​മ​നി​ക് ഉ​ത്ത​ര​വി​ട്ടു. ജി​ല്ലാ ക​ല​ക്ട​ർ എ​സ്. സു​ഹാ​സ് ജി​ല്ലാ മെ​ഡി​ക്ക​ൽ ഓ​ഫീ​സ​റോ​ടും റി​പ്പോ​ർ​ട്ട് തേ​ടി​യി​ട്ടു​ണ്ട്.

അ​ന്വേ​ഷ​ണം വേ​ണ​മെ​ന്ന് അ​ൻ​വ​ർ സാ​ദ​ത്ത് എം​എ​ൽ​എ​യും ബി​ജെ​പി ന​ഗ​ര​സ​ഭ കൗ​ൺ​സി​ല​ർ എ.​സി. സ​ന്തോ​ഷ് കു​മാ​റും ആ​വ​ശ്യ​പ്പെ​ട്ടു. സം​ഭ​വ​ത്തി​ൽ കു​റ്റ​ക്കാ​ർ​ക്കെ​തി​രേ ന​ട​പ​ടി സ്വീ​ക​രി​ക്ക​ണ​മെ​ന്ന് സ്റ്റേ​റ്റ് അ​സോ​സി​യേ​ഷ​ൻ ഓ​ഫ് പ്രൈ​വ​റ്റ് സെ​ക്യൂ​രി​റ്റി ഇ​ൻ​ഡ​സ്ട്രീ സം​സ്ഥാ​ന പ്ര​സി​ഡ​ന്‍റ് മു​ര​ളീ​ധ​ര​ക്കു​റു​പ്പ് രാ​ഷ്ട്ര​ദീ​പി​ക​യോ​ട് പ​റ​ഞ്ഞു.