കൊല്ലാതെ കൊല്ലുന്ന സോഷ്യൽ മീഡിയ! ഇന്നലെ കൊന്നത് വിജയരാഘവനെ; ബന്ധുക്കൾക്ക് വിഷമമായെങ്കിലും പരിഭവമില്ലെന്ന്‌ വിജയരാഘവൻ

വി. ശ്രീകാന്ത്

എ​ന്തും ഏ​തും പ​റ​യാ​നു​ള്ള ഇ​ട​മാ​യി സോ​ഷ്യ​ൽ മീ​ഡി​യ മാ​റാ​ൻ തു​ട​ങ്ങി​യി​ട്ട് കാ​ല​മേ​റെ​യാ​യി. ചു​മ്മാ ഒ​രു പോ​സ്റ്റ് പോ​സ്റ്റി​യാ​ൽ പി​ന്നെ എ​ല്ലാ​വ​രും അ​തി​ന്‍റെ പി​ന്നാ​ലെ​യാ​ണ്.​ക​ണ്ട​തി​ൽ വ​ല്ല നി​ജ​സ്ഥി​തി ഉ​ണ്ടോ​യെ​ന്ന് പ​ര​തു​ന്ന​തി​ന് മു​ന്നേ കി​ട്ടി​യ വാ​ർ​ത്ത ചൂ​ടോ​ടെ ഗ്രൂ​പ്പാ​യ ഗ്രൂ​പ്പു​ക​ളി​ലും സു​ഹൃ​ത്തു​ക്ക​ൾ​ക്കും ഷെ​യ​ർ ചെ​യ്ത് ക​ഴി​ഞ്ഞി​രി​ക്കും. ഞാ​ൻ ത​ന്നെ ഈ ​വി​വ​രം ആ​ദ്യം എ​ല്ലാ​വ​രേ​യും അ​റി​യി​ക്കും എ​ന്ന മ​ട്ടി​ലാ​ണ് ഒ​രു മ​ിനി​ട്ടു പോ​ലും ആ​ലോ​ചി​ക്കാ​തെ​യു​ള്ള ഷെ​യ​റിം​ഗ് പ​രി​പാ​ടി ന​ട​ക്കു​ന്ന​ത്.

ജീ​വി​ച്ചി​രി​ക്കു​ന്ന​വ​രെ കൊ​ല്ലു​ന്ന കാ​ര്യ​ത്തി​ലാ​ണ് ഇ​ത്ത​ര​ക്കാ​ർ കൂ​ടു​ത​ൽ വി​നോ​ദം ക​ണ്ടെ​ത്തു​ന്ന​ത്. അ​തി​ന്‍റെ ഏ​റ്റ​വും ഒ​ടു​വി​ല​ത്തെ ഇ​ര​യാ​ണ് ന​ട​ൻ വി​ജ​യ​രാ​ഘ​വ​ൻ.​ഇ​ന്ന​ലെ​യാ​ണ് വി​ജ​യ​രാ​ഘ​വ​ൻ അ​ദ്ദേ​ഹ​ത്തി​ന്‍റെ മ​ര​ണ​വാ​ർ​ത്ത സോ​ഷ്യ​ൽ മീ​ഡി​യ​യി​ൽ ക​ണ്ട് ഞെ​ട്ടി​യ​ത്.

ഷൂ​ട്ടിം​ഗി​നി​ടെ അ​പ​ക​ട​ത്തി​ൽ ന​ട​ൻ വി​ജ​യ​രാ​ഘ​വ​ൻ മ​രി​ച്ചു എ​ന്ന രീ​തി​യി​ലാ​യി​രു​ന്നു വ്യാ​ജ വാ​ർ​ത്ത ഇ​ന്ന​ലെ പ്ര​ച​രി​ച്ച​ത്. സി​നി​മ ഷൂ​ട്ടിം​ഗി​നി​ടെ എ​ടു​ത്ത ഒ​രു ചി​ത്രം കൂ​ടി ഉ​ൾ​പ്പെ​ടു​ത്തി പോ​സ്റ്റ് ചെ​യ്ത​പ്പോ​ൾ സം​ഭ​വം സ​ത്യം എ​ന്നു ക​രു​തി​യ​വ​ർ അ​നേ​കം.​ഒ​ടു​വി​ൽ ന​ട​ൻ ത​ന്നെ രം​ഗ​ത്തെ​ത്തി താ​ൻ മ​രി​ച്ചി​ട്ടി​ല്ലാ​യെ​ന്നു​ള്ള വി​വ​രം അ​റി​യി​ക്കേ​ണ്ട ഗ​തി​കേ​ട് ഉ​ണ്ടാ​യി. വി​ജ​യ​രാ​ഘ​വ​ൻ അ​ഭി​ന​യി​ക്കു​ന്ന രാ​മ​ലീ​ല എ​ന്ന പു​തി​യ സി​നി​മ​യു​ടെ ഷൂ​ട്ടിം​ഗ് സ​മ​യ​ത്തെ​ടു​ത്ത ഫോ​ട്ടോ സോ​ഷ്യ​ൽ മീ​ഡി​യ​യി​ലെ വി​രു​ത​ന്മാ​ർ ദു​രു​പ​യോ​ഗം ചെ​യ്യു​ക​യാ​യി​രു​ന്നു. വി​ജ​യ​രാ​ഘ​വ​ന്‍റെ ചി​ത്രം പ​തി​ച്ച ആം​ബു​ല​ൻ​സി​ന്‍റെ ഫോ​ട്ടോ​യാ​ണ് സോ​ഷ്യ​ൽ മീ​ഡി​യ​യി​ൽ പ്ര​ച​രി​ച്ച​ത്.

സോ​ഷ്യ​ൽ മീ​ഡി​യ നി​യ​ന്ത്ര​ണം തെ​റ്റി​യ വ​ണ്ടി പോ​ലെ പാ​യാ​ൻ തു​ട​ങ്ങി​യി​ട്ട് വ​ർ​ഷം കു​റെ​യാ​യി. ഇ​ത്ത​രം നി​യ​ന്ത്ര​ണം തെ​റ്റ​ലു​ക​ൾ​ക്ക് യൗ​വ​നം ന​ഷ്ട​പ്പെ​ടു​ന്നി​ല്ലാ​യെ​ന്നു​ള്ള​താ​ണ് മ​റ്റൊ​രു കാ​ര്യം. ഒ​ന്ന് ആ​ലോ​ചി​ച്ചു നോ​ക്കു​ക നി​ങ്ങ​ൾ ജീ​വി​ച്ചി​രി​ക്കെ നി​ങ്ങ​ളു​ടെ മ​ര​ണ​വാ​ർ​ത്ത വാ​ട്സാ​പ്പി​ലും സോ​ഷ്യ​ൽ മീ​ഡി​യ​യി​ലൂ​ടെ​യും പ്ര​ച​രി​ക്കു​ന്നു. എ​ന്താ​യി​രി​ക്കും നി​ങ്ങ​ളു​ടെ​യും വീ​ട്ടു​കാ​രു​ടെ​യും അ​വ​സ്ഥ.

ഇ​തൊ​ക്കെ ഒ​രു ത​മാ​ശ എ​ന്നു പ​റ​ഞ്ഞ് ത​ള്ളി​ക്ക​ള​യു​മോ… വേ​ണ്ട​പ്പെ​ട്ട​വ​ർ​ക്ക് മ​ര​ണം സം​ഭ​വി​ച്ചു​വെ​ന്ന കേ​ട്ട ഷോ​ക്കി​ൽ മ​ര​ണ​ത്തി​ലേ​ക്ക് വ​ഴു​തി വീ​ണ​വ​രു​ടെ വാ​ർ​ത്ത​ക​ൾ നി​ര​ന്ത​രം പ​ത്ര​ത്തി​ൽ പ്ര​ത്യ​ക്ഷ​പ്പെ​ടാ​റു​ണ്ട്. അ​ത്ത​ര​ത്തി​ൽ ഒ​ന്ന് ഇ​ല്ലാ മ​ര​ണ​ത്തി​ന്‍റെ വാ​ർ​ത്ത പു​റ​ത്തു വ​ന്ന​തി​ന്‍റെ പേ​രി​ൽ സം​ഭ​വി​ച്ചാ​ൽ ആ​രാ​യി​രി​ക്കും ഉ​ത്ത​ര​വാ​ദി​ക​ൾ. ആ​രെ പോ​ലീ​സ് അ​റ​സ്റ്റ് ചെ​യ്യും. ഇ​തു പ​റ​യു​ന്പോ​ൾ ചാ​ർ​ലി സി​നി​മ​യി​ലെ ഒ​രു രം​ഗം കൂ​ട്ടി​ചേ​ർ​ക്കാ​തെ പോ​കാ​ൻ ക​ഴി​യി​ല്ല.

നാ​യ​ക​ൻ ത​ന്‍റെ മ​ര​ണ​വാ​ർ​ത്ത പ​ത്ര​ത്തി​ൽ പ​ര​സ്യം ന​ൽ​കി​യ ശേ​ഷം ആ ​ദി​വ​സം സു​ഹൃ​ത്തു​ക്ക​ൾ​ക്കൊ​പ്പം ആ​ഘോ​ഷി​ക്കു​ന്നു. താ​ൻ മ​രി​ച്ചെ​ന്ന വാ​ർ​ത്ത കേ​ട്ടാ​ൽ ആ​രെ​ല്ലാം എ​ത്തു​മെ​ന്നും ആ​രെ​ല്ലാം എ​ന്നെ ഓ​ർ​ക്കു​മെ​ന്ന് അ​റി​യാ​ൻ ചെ​യ്ത​താ​ണെ​ന്നു​ള്ള ന്യാ​യ​വാ​ദം ഉ​യ​ർ​ത്തു​ന്നു​ണ്ട് സി​നി​മ​യി​ൽ. ഇ​ത്ത​രം സാ​ങ്ക​ൽ​പ്പി​ക​ത​ക​ൾ സി​നി​മ​യി​ൽ ആ​വാം… അ​തി​നെ ആ​സ്വാ​ദ​ന​ത്തി​ന്‍റെ വ​ല​യ​ത്തി​ൽ അ​ക​പ്പെ​ടു​ത്തി ത​ല​യൂ​രാം. ക​ഥാ​കാ​ര​ന്‍റെ ചി​ന്ത​ക​ളെ വാ​നോ​ളം പു​ക​ഴ്ത്തു​ക​യും ചെ​യ്യാം. എ​ന്നാ​ൽ സി​നി​മ​യി​ൽ കാ​ണു​ന്ന സം​ഭ​വ​ങ്ങ​ൾ ആ​ഭാ​സ​ത്ത​ര​ങ്ങ​ൾ കാ​ട്ടാ​നു​ള്ള ലൈ​സ​ൻ​സാ​യി എ​ടു​ക്കു​ന്നി​ട​ത്താ​ണ് സ്വാ​ത​ന്ത്ര്യം അ​തി​രു​വി​ടു​ന്ന​ത്.

ഇ​ത്ത​ര​ത്തി​ലാ​ണ് സ്വാ​ത​ന്ത്ര്യ​ത്തി​ന്‍റെ അ​തി​രു​ക്ക​ട​ക്ക​ലെ​ങ്കി​ൽ ഇ​നി​യും ഒ​രു​പാ​ട് പേ​ർ ജീ​വി​ച്ചി​രി​ക്കു​ന്പോ​ൾ ത​ന്നെ ഇ​മ്മാ​തി​രി മാ​ന​സി​ക​രോ​ഗി​ക​ളു​ടെ പി​ടി​യി​ൽ അ​ക​പ്പെ​ടു​മെ​ന്ന​തി​ൽ സം​ശ​യം വേ​ണ്ട. മാ​മു​ക്കോ​യ​യും ജ​ഗ​തി ശ്രീ​കു​മാ​റും സ​ലീം കു​മാ​റും ക​ന​ക​യും സ​നു​ഷ​യു​മെ​ല്ലാം ഇ​ത്ത​ര​ക്കാ​രു​ടെ കൊ​ല​വി​ളി​ക്ക് നേ​ര​ത്തെ ത​ന്നെ ഇ​ര​യാ​യ​വ​രാ​ണ്. ഇ​ത്ത​ര​ക്കാ​രു​ടെ പി​ൻ​മു​റ​ക്കാ​ർ വീ​ണ്ടും വീ​ണ്ടും ത​ല​പൊ​ക്കു​ന്പോ​ൾ ജാ​ഗ​രൂ​ക​രാ​കേ​ണ്ട​ത് ന​മ്മ​ളോ​രോ​രു​ത്ത​രു​മാ​ണ്. പ്ര​ശ​സ്ത​രെ “കൊ​ന്നു​കൊ​ണ്ട്’ ന​ട​ത്തു​ന്ന ഇ​ത്ത​രം പ്ര​വ​ർ​ത്തി​ക​ൾ എ​ന്തു​ത​രം ആ​ന​ന്ദ​മാ​ണ് ഇ​വ​ർ​ക്ക് ന​ൽ​കു​ന്ന​തെ​ന്ന് അ​റി​യി​ല്ല.

ചു​മ്മാ ഒ​രു ര​സ​ത്തി​നാ​യി നി​ങ്ങ​ൾ കാ​ട്ടി​ക്കൂ​ട്ടു​ന്ന വി​ക്രി​യ​ക​ൾ ഒ​രു​പാ​ട് പേ​രു​ടെ ഉ​റ​ക്കം കെ​ടു​ത്തു​ന്നു​ണ്ട്. ഇ​ത്ത​രം ഉ​റ​ക്കം കെ​ടു​ത്ത​ലു​ക​ൾ പ്ര​ശ​സ്ത​രി​ൽ നി​ന്നും സാ​ധാ​ര​ണ​ക്കാ​രി​ലേ​ക്ക് വ​ഴി​മാ​റാ​നു​ള്ള എ​ല്ലാ സാ​ധ്യ​ത​ക​ളും തെ​ളി​ഞ്ഞു വ​രു​ന്നു​ണ്ട്. ഫെ​യ്സ് ബു​ക്കി​ൽ ഇ​ത്ത​രം പോ​സ്റ്റു​ക​ൾ​ക്ക് കി​ട്ടു​ന്ന ലൈ​ക്കും ഷെ​യ​റും കൂ​ടു​ന്പോ​ൾ ശ​രി​ക്കും പേ​ടി​ക്കേ​ണ്ടി​യി​രി​ക്കു​ന്നു. രാ​ത്രി​വ​രെ തൊ​ട്ട​ടു​ത്തു​ണ്ടാ​യി​രു​ന്ന കൂ​ട്ടു​കാ​ര​ന്‍റെ ഫോ​ട്ടോ ചു​മ്മാ ഒ​രു ര​സ​ത്തി​ന് അ​തി​രാ​വി​ലെ അ​ന്ത​രി​ച്ചു എ​ന്ന ലേ​ബ​ലി​ൽ പോ​സ്റ്റു ചെ​യ്ത കാ​ഴ്ച ക​ണ്ണി​ലു​ട​ക്കി​യാ​ൽ അ​തി​ശ​യി​ക്കേ​ണ്ട​തി​ല്ലാ… കാ​ല​ത്തി​ന്‍റെ പോ​ക്ക് ഈ ​വി​ധ​ത്തി​ലാ​ണ്. പ​റ്റു​മെ​ങ്കി​ൽ ഒ​ന്നു നീ​ട്ടി ശ്വാ​സം വി​ടു​ക… എ​ന്തി​നാ​ണെ​ന്നോ സ്വ​ന്തം ഫോ​ട്ടോ അ​ല്ല​ല്ലോ മ​ര​ണ വാ​ർ​ത്ത​യ്ക്ക് മു​ക​ളി​ൽ ഉ​ള്ള​തി​ന്‍റെ ആ​ശ്വാ​സ​ത്തി​ൽ. സോ​ഷ്യ​ൽ മീ​ഡി​യ മാ​ന്യ​മാ​യി ഉ​പ​യോ​ഗി​ക്കു​ന്ന ഭൂ​രി​പ​ക്ഷ​ത്തെ ഇ​ത്ത​രം ആ​ഭാ​സ​ത്ത​ര​ങ്ങ​ൾ കാ​ട്ടി ക​ളി​യാ​ക്കു​ന്ന​വ​ർ​ക്കെ​തി​രെ മാ​തൃ​കാ​പ​ര​മാ​യ ന​ട​പ​ടി​ക​ൾ ത​ന്നെ സ്വീ​ക​രി​ക്കേ​ണ്ടി​യി​രി​ക്കു​ന്നു.

ബന്ധുക്കൾക്ക് വിഷമമായെങ്കിലും പരിഭവമില്ല: വിജയരാഘവൻ

എം.​സു​രേ​ഷ്ബാ​ബു

തി​രു​വ​ന​ന്ത​പു​രം: താ​ൻ മ​രി​ച്ചു​വെ​ന്ന് സോ​ഷ്യ​ൽ മീ​ഡി​യ​യി​ലൂ​ടെ വ്യാ​ജ​വാ​ർ​ത്ത​ക​ൾ പ്ര​ച​രി​ച്ച സം​ഭ​വ​ത്തി​ൽ ത​നി​ക്ക് പ​രാ​തി​യി​ല്ലെ​ന്ന് ച​ല​ച്ചി​ത്ര ന​ട​ൻ വി​ജ​യ​രാ​ഘ​വ​ൻ. ഇ​ത് സം​ബ​ന്ധി​ച്ച് പോ​ലീ​സി​ൽ പ​രാ​തി​ന​ൽ​കി​യി​ട്ടി​ല്ല. പ​രാ​തി ന​ൽ​കാ​നും ഉ​ദ്യേ​ശി​ക്കു​ന്നി​ല്ലെ​ന്ന് വി​ജ​യ​രാ​ഘ​വ​ൻ രാ​ഷ്ട്ര​ദീ​പി​ക​യോ​ട് പ​റ​ഞ്ഞു. പ​രാ​തി ന​ൽ​കി​യെ​ന്ന പ്ര​ചാ​ര​ണം അ​ടി​സ്ഥാ​ന ര​ഹി​ത​മാ​ണെ​ന്നും അ​ദ്ദേ​ഹം പ​റ​ഞ്ഞു.

ഈ ​സം​ഭ​വ​ത്തി​ൽ ആ​ർ​ക്കെ​തി​രെ പ​രാ​തി ന​ൽ​കാ​നാ​ണ് ക​ഴി​യു​ക. ആ​രെ​ങ്കി​ലും ത​മാ​ശ​ക്ക് വേ​ണ്ടി പ​ട​ച്ച് വി​ട്ട വാ​ർ​ത്ത​യാ​യി​രി​ക്കു​മെ​ന്നാ​ണ് ക​രു​തു​ന്ന​ത്. വാ​ർ​ത്ത ത​ന്നെ വി​ഷ​മി​പ്പി​ച്ചി​ട്ടി​ല്ലെങ്കിലും ത​ന്‍റെ അ​ടു​ത്ത സു​ഹൃ​ത്തു​ക്ക​ൾ​ക്കും ബ​ന്ധു​ക്ക​ൾ​ക്കും വി​ഷ​മം ഉ​ണ്ടാ​ക്കി​യെ​ന്ന് വി​ജ​യ​രാ​ഘ​വ​ൻ പ​റ​ഞ്ഞു. അ​ങ്ക​മാ​ലി​യി​ലെ ഷൂ​ട്ടിം​ഗ് ലൊ​ക്കേ​ഷ​നി​ൽ നി​ന്നും സ​ഹോ​ദ​രി​യു​ടെ വീ​ട്ടി​ലെ​ത്തി വി​ശ്ര​മി​ക്കു​ന്പോ​ഴാ​ണ് ത​ന്‍റെ മ​ര​ണ​വാ​ർ​ത്ത​യെ​ക്കു​റി​ച്ച് അ​റി​ഞ്ഞ​ത്. ത​ന്‍റെ മ​ക​നാ​ണ് ആ​ദ്യം ഈ ​കാ​ര്യം ത​ന്നോ​ട് പ​റ​ഞ്ഞ​ത്. വാ​ട്ട്സ് ആ​പ്പി​ലും സോ​ഷ്യ​ൽ മീ​ഡി​യ​യി​ലും മ​ര​ണ​വാ​ർ​ത്ത പ്ര​ച​രി​ച്ച​തി​നെ തു​ട​ർ​ന്ന് സു​ഹൃ​ത്തു​ക്ക​ളു​ടെ​യും ബ​ന്ധു​ക്ക​ളു​ടെ​യും നി​ല​യ്ക്കാ​ത്ത ഫോ​ണ്‍​വി​ളി​ക​ൾ എ​ത്തി​യെ​ന്ന് വി​ജ​യ​രാ​ഘ​വ​ൻ പ​റ​ഞ്ഞു.

മ​റ്റ് സി​നി​മ​ക​ളു​ടെ ഷൂ​ട്ടിം​ഗു​ക​ൾ​ക്ക് അ​ടു​ത്ത ദി​വ​സം ഇ​ടു​ക്കി​യി​ലേ​ക്ക് പോ​കു​ന്നു​ണ്ടെ​ന്നും അ​ദ്ദേ​ഹം പ​റ​ഞ്ഞു. ത​നി​ക്കെ​തി​രെ​യു​ള്ള മ​ര​ണ​വാ​ർ​ത്ത ത​മാ​ശ​യാ​യി മാ​ത്ര​മാ​ണ് കാ​ണു​ന്ന​തെ​ന്നും അ​ദ്ദേ​ഹം വ്യ​ക്ത​മാ​ക്കി. ആ​രെ​യും ഈ ​കാ​ര്യ​ത്തി​ൽ സം​ശ​യി​ക്കു​ന്നി​ല്ലെ​ന്നും ശ​ത്രു​ക്ക​ളാ​യി ആ​രും ത​ന്നെ ത​നി​ക്കി​ല്ലെ​ന്നും അ​ദ്ദേ​ഹം രാ​ഷ്ട്ര​ദീ​പി​ക​യോ​ട് പ​റ​ഞ്ഞു.