ഹൈദരാബാദ്: അര്‍ജുന്‍ റെഡ്ഡി എന്ന ഒറ്റ ചിത്രത്തിലൂടെ തെന്നിന്ത്യയില്‍ തരംഗമായി മാറിയ താരമാണ് വിജയ് ദേവരകൊണ്ട. തെലുങ്ക് സിനിമ രംഗത്താണ് അരങ്ങേറ്റം കുറിച്ചതെങ്കിലും ഇന്ന് ഇന്ത്യ മുഴുവന്‍ ഫാന്‍സുള്ള വ്യക്തിയാണ് വിജയ്. സ്ത്രീകള്‍ ഉൾപ്പെടെ വലിയൊരു വിഭാഗം ഫാന്‍സിനെ ആകര്‍ഷിക്കാറുണ്ട് താരം. ഇപ്പോഴിതാ തന്‍റെ ആരാധികമാരായ രണ്ട് വിദ്യാര്‍ഥിനികളോട് വിജയ്ക്കുളള കരുതലാണ് വൈറലാകുന്നത്.
ഹര്‍ഷിദ റെഡ്ഡി എന്ന പ്രൊഫൈലില്‍ നിന്ന് രണ്ട് പെണ്‍കുട്ടികള്‍ ഒരു റീൽസ് പങ്കുവച്ചു. “വിജയ് ദേവരകൊണ്ട ഈ വീഡിയോയിൽ കമന്‍റ് ഇട്ടാല്‍ ഞങ്ങൾ പരീക്ഷയ്ക്കുള്ള തയാറെടുപ്പ് ആരംഭിക്കും എന്ന തലക്കെട്ടോടെയാണ് പെൺകുട്ടികൾ വീഡിയോ പങ്കുവച്ചത്.
വളരേ വേഗത്തിൽ തന്നെ റീല്‍സ് വൈറലായി. വീഡിയോ കണ്ടതാരം അതിനു കമന്‍റും നൽകി.”90% നേടൂ, ഞാൻ നിങ്ങളെ കാണും”എന്നാണ് വിജയ് ദേവരകൊണ്ട കമന്‍റ് ചെയ്തത്. എന്തായാലും ആരാധകരോട് താരത്തിനുള്ള കരുതല്‍ സോഷ്യല്‍ മീഡിയയില്‍ ചർച്ചയാണ്.
അതേസമയം, ‘ഖുഷി’യുടെ വിജയത്തിന് ശേഷം ‘ഫാമിലി സ്റ്റാർ’ എന്ന ചിത്രത്തിന്‍റെ ഷൂട്ടിംഗിലാണ് താരം. പരശുറാം സംവിധാനം ചെയ്യുന്ന ചിത്രം ദിൽ രാജുവാണ് ചിത്രം നിർമ്മിക്കുന്നത്. ചിത്രത്തിൽ മൃണാൾ ഠാക്കൂർ ആണ് നായിക. ഗോപി സുന്ദറാണ് സംഗീത സംവിധാനം നിർവഹിക്കുന്നത്. ഏപ്രിൽ 5 ന് റിലീസ് നിശ്ചയിച്ചിരിക്കുന്ന ചിത്രം ഒരു ആക്ഷന്‍ ഫാമിലി ഡ്രാമയെന്നാണ് സൂചന. വീഡിയോ കാണാൻ ഇവിടെ ക്ലിക് ചെയ്യുക.
