അമലപോളിന്റെ മുൻ ഭർത്താവും സംവിധായകനുമായ എ.എൽ. വിജയ് വീണ്ടും വിവാഹിതനാകുന്നുവെന്ന് ഇക്കഴിഞ്ഞ ദിവസം വാർത്തകൾ വന്നിരുന്നു. ഒരു മലയാള നടിയെയാണ് വിജയ് വിവാഹം കഴിക്കുന്നതെന്നും വാർത്തയുണ്ടയിരുന്നു. എന്നാൽ ഇക്കാര്യം വിജയ് നിഷേധിച്ചിരിക്കുകയാണ്. താൻ പുനർവിവാഹത്തിനൊരുങ്ങുന്നുവെന്ന വാർത്ത തീർത്തും തെറ്റാണ്. ഇങ്ങനെയൊരു വാർത്ത വന്നത് ഏറെ വേദനിപ്പിച്ചു. ഇത്തരം ഉൗഹാപോഹങ്ങളെ മാധ്യമങ്ങൾ ദയവു ചെയ്ത് പ്രചരിപ്പിക്കരുതെന്നും വിജയ് പറഞ്ഞു.
2014 ജൂണ്‍ 12നായിരുന്നു എ എൽ വിജയ്‌യും അമലാ പോളും വിവാഹിതരായത്. മൂന്നു വർഷം നീണ്ട പ്രണയത്തിന് ഒടുവിലായിരുന്നു വിവാഹം. എന്നാൽ ഒരു വർഷത്തെ കുടുംബ ജീവിതത്തിനു ശേഷം ഇവർ വേർപിരിയുകയായിരുന്നു. വിജയ് വീണ്ടും വിവാഹിതനാകുന്നു എന്ന വാർത്തയറിഞ്ഞ അമല അതീവദുഃഖിതയായെന്നും അന്നത്തെ ഷൂട്ടിംഗ് മതിയാക്കി പോയെന്നും വാർത്തയുണ്ടായിരുന്നു.
