നീറ്റ് വഴി മെഡിക്കൽ പ്രവേശനം ലഭിക്കാത്തതിനെ തുടർന്ന് ആത്മഹത്യ ചെയ്ത തമിഴ്നാട് സ്വദേശി അനിതയുടെ കുടുംബത്തെ നടൻ വിജയ് സന്ദർശിച്ചിരുന്നു. അനിതയുടെ പിതാവിനെ ആശ്വസിപ്പിക്കുന്ന വിജയ്യുടെ ചിത്രങ്ങൾ സമൂഹ മാധ്യമങ്ങളിൽ വൈറലാകുകയും ചെയ്തിരുന്നു.
എന്നാൽ വിജയ്യുടെ ആരാധകർ സാന്പത്തികസഹായം വാഗ്ദാനം നൽകിയെന്ന് പറഞ്ഞ് അരിയലൂരിലെ രംഗീല എന്ന പെണ്‍കുട്ടി രംഗത്ത് എത്തിയിരുന്നു. പക്ഷേ ഇക്കാര്യം തങ്ങൾക്ക് അറിയില്ല എന്നായിരുന്നു വിജയ് ഫാൻ ക്ലബ് അധികൃതർ നേരത്ത പറഞ്ഞത്. പക്ഷേ എന്തായാലും പെണ്‍കുട്ടിയുടെ വിദ്യാഭ്യാസത്തിന് സാന്പത്തികസഹായം നൽകുമെന്ന് പിന്നീട് വിജയ് ഫാൻ ക്ലബ് അറിയിക്കുകയും ചെയ്തു. ഫാൻസ് അസോസിയേഷനിൽ നിന്ന് പുറത്താക്കപ്പെട്ട അംഗമായിരുന്നു നേരത്തെ സാന്പത്തിക വാഗ്ദാനം നൽകിയത് എന്നാണ് അധികൃതർ പറയുന്നത്.
