ബിസിനസ് ടൂറിലെന്ന്..! പു​തു​മു​ഖ ന​ടി​യെ പീ​ഡി​പ്പി​ച്ച കേ​സ്; വി​ജ​യ്ബാ​ബു ഇ​ന്ന് എ​ത്തി​യി​ല്ലെ​ങ്കി​ൽ റെ​ഡ് കോ​ർ​ണ​ർ നോ​ട്ടീ​സെ​ന്ന് പോ​ലീ​സ്; അറസ്റ്റിനു നീക്കം

കൊ​ച്ചി: പു​തു​മു​ഖ ന​ടി​യെ പീ​ഡി​പ്പി​ച്ച കേ​സി​ൽ ഒ​ളി​വി​ൽ ക​ഴി​യു​ന്ന ന​ട​നും നി​ർ​മാ​താ​വു​മാ​യ വി​ജ​യ്ബാ​ബു ഇ​ന്ന് ഹാ​ജ​രാ​യി​ല്ലെ​ങ്കി​ൽ റെ​ഡ് കോ​ർ​ണ​ർ നോ​ട്ടീ​സ് പു​റ​പ്പെ​ടു​വി​ക്കു​മെ​ന്ന് കൊ​ച്ചി സി​റ്റി പോ​ലീ​സ് ക​മ്മീ​ഷ​ണ​ർ സി.​എ​ച്ച്. നാ​ഗ​രാ​ജു പ​റ​ഞ്ഞു.

ഇ​തു സം​ബ​ന്ധി​ച്ച് എം​ബ​സി​യു​മാ​യി ബ​ന്ധ​പ്പെ​ട്ടി​ട്ടു​ണ്ടെ​ന്നും അ​ദേ​ഹം പ​റ​ഞ്ഞു. അ​തേ​സ​മ​യം പീ​ഡ​ന പ​രാ​തി​ക്ക് പി​ന്നാ​ലെ ദു​ബാ​യി​ലേ​ക്കും പി​ന്നീ​ട് ജോ​ർ​ജി​യ​യി​ലേ​ക്കും ക​ട​ന്ന വി​ജ​യ് ബാ​ബു വീ​ണ്ടും ദു​ബാ​യി​ൽ തി​രി​ച്ചെ​ത്തി​യ​താ​യി പോ​ലീ​സി​ന് വി​വ​രം പോ​ലീ​സി​നു ല​ഭി​ച്ചു.

ഇ​യാ​ളെ നാ​ട്ടി​ലെ​ത്തി​ക്കാ​ൻ യു​എ​ഇ കോ​ണ്‍​സു​ലേ​റ്റി​ന്‍റെ ഉ​ൾ​പ്പെ​ടെ സ​ഹാ​യം കൊ​ച്ചി സി​റ്റി പോ​ലീ​സ് തേ​ടി​യി​ട്ടു​ണ്ട്.

ആ​ദ്യം ദു​ബാ​യി​ൽ ഒ​ളി​വി​ൽ ക​ഴി​ഞ്ഞി​രു​ന്ന വി​ജ​യ് ബാ​ബു​വി​ന്‍റെ പാ​സ്പോ​ർ​ട്ട് കേ​ന്ദ്ര വി​ദേ​ശ​മ​ന്ത്ര​ലാ​യം റ​ദ്ദാ​ക്കി​യി​രു​ന്നു.

ഇ​തി​നു പി​ന്നാ​ലെ​യാ​ണ് ഇ​ന്ത്യ​യു​മാ​യി കു​റ്റ​വാ​ളി​ക​ളെ കൈ​മാ​റാ​ൻ ക​രാ​റി​ല്ലാ​ത്ത ജോ​ർ​ജി​യ​യി​ലേ​ക്ക് പ്ര​തി ക​ട​ന്ന​ത്.

പോ​ലീ​സ് ഇ​വി​ടേ​ക്ക് പോ​കു​ന്ന​ത​ട​ക്ക​മു​ള്ള കാ​ര്യ​ങ്ങ​ൾ പ​രി​ഗ​ണി​ക്കു​ന്ന​തി​നി​ടെ​യാ​ണ് വി​ജ​യ്ബാ​ബു വീ​ണ്ടും ദു​ബാ​യി​ൽ തി​രി​ച്ചെ​ത്തി​യി​ട്ടു​ണ്ടെ​ന്ന വി​വ​രം ല​ഭി​ച്ച​ത്.

അറസ്റ്റിനു നീക്കം

ഇ​ന്ന് വൈ​കി​ട്ടോ​ടെ ഇ​യാ​ളെ കൊ​ച്ചി​യി​ലെ​ത്തി​ക്കാ​നു​ള്ള ന​ട​പ​ടി​ക​ൾ പോ​ലീ​സ് ഊ​ർ​ജി​ത​മാ​ക്കി.

ലു​ക്ക് ഔ​ട്ട് സ​ർ​ക്കു​ല​ർ ഉ​ള്ള​തി​നാ​ൽ ഇ​യാ​ൾ കൊ​ച്ചി വി​മാ​ന​ത്താ​വ​ള​ത്തി​ൽ എ​ത്തി​യാ​ൽ ഉ​ട​ൻ അ​റ​സ്റ്റു ചെ​യ്യാ​നാ​ണ് പോ​ലീ​സ് നീ​ക്കം.

എ​ന്നാ​ൽ ഇ​യാ​ൾ ഇ​ന്ന് കൊ​ച്ചി​യി​ൽ എ​ത്തി​യേ​ക്കി​ല്ലെ​ന്നും പോ​ലീ​സ് ഉ​ന്ന​ത​ർ സം​ശ​യി​ക്കു​ന്നു​ണ്ട്. കാ​ര​ണം യാ​ത്രാ രേ​ഖ​ക​ൾ ഹാ​ജ​രാ​ക്കി​യ ശേ​ഷം കേ​സ് പ​രി​ഗ​ണി​ക്കാ​മെ​ന്ന് കോ​ട​തി പ​റ​ഞ്ഞി​രി​ക്കു​ന്ന സാ​ഹ​ച​ര്യ​ത്തി​ൽ ഇ​യാ​ളു​ടെ വ​ര​വ് ഇ​നി​യും വൈ​കാ​ൻ സാ​ധ്യ​ത​യു​ണ്ടെ​ന്നും പോ​ലീ​സ് ഉ​ന്ന​ത​ർ ക​രു​തു​ന്നു.

ബിസിനസ് ടൂറിലെന്ന്

ബി​സി​ന​സ് ടൂ​റി​ലാ​ണെ​ന്നും ഇ​ന്ന് മ​ട​ങ്ങി​യെ​ത്തു​മെ​ന്നു​മാ​ണ് വി​ജ​യ് ബാ​ബു പാ​സ്പോ​ർ​ട്ട് ഓ​ഫീ​സ​റെ അ​റി​യി​ച്ചി​ട്ടു​ള്ള​ത്.

അ​തേ​സ​മ​യം വി​ജ​യ്ബാ​ബു വി​ദേ​ശ​ത്തു​നി​ന്ന് നാ​ട്ടി​ലേ​ക്കു മ​ട​ങ്ങി​യെ​ത്തി​യ ശേ​ഷം മു​ൻ​കൂ​ർ ജാ​മ്യാ​പേ​ക്ഷ പ​രി​ഗ​ണി​ക്കാ​മെ​ന്നാ​ണ് ഹൈ​ക്കോ​ട​തി ഇ​ന്ന​ലെ അ​റി​യി​ച്ച​ത്.

അ​തേ​ത്തു​ട​ർ​ന്ന് കേ​സി​ൽ കോ​ട​തി പ​റ​യു​ന്ന ദി​വ​സം ഹാ​ജ​ർ ആ​വാ​ൻ ത​യാ​റാ​ണെ​ന്ന് വി​ജ​യ് ബാ​ബു ഇ​ന്ന​ലെ കോ​ട​തി​യെ അ​റി​യി​ച്ചി​രു​ന്നു.

അ​ന്വേ​ഷ​ണ ഉ​ദ്യോ​ഗ​സ്ഥ​ന്‍റെ മു​ൻ​പി​ൽ ഹാ​ജ​രാ​വാ​ൻ ത​യാ​റാ​ണെ​ന്നും അ​ന്വേ​ഷ​ണ​വു​മാ​യി സ​ഹ​ക​രി​ക്കാ​മെ​ന്നും അ​ഭി​ഭാ​ഷ​ക​ൻ മു​ഖേ​ന വി​ജ​യ​ബാ​ബു കോ​ട​തി​യെ അ​റി​യി​ച്ചി​രു​ന്നു.