മേഘ ആകാശ് വിജയ് സേതുപതിയുടെ നായികയാകുന്നു. നേരത്തെ വിജയ് സേതുപതിയുടെ നായികയായി അമല പോളിനെയാണ് നിശ്ചയിച്ചിരുന്നത്. എന്നാൽ ഡേറ്റ് പ്രശ്നം ഉണ്ടായതോടെ അമല ചിത്രത്തിൽനിന്നും പിൻമാറിയിരിക്കുന്നു. ഈ സാഹചര്യത്തിലാണ് മേഘ ആകാശിന് നറുക്ക് വീഴുന്നത്.
വിഎസ്പി 33 എന്നാണ് ചിത്രത്തിന്‍റെ താത്കാലിക പേര്. ചന്ദ്ര ആർട്സിന്‍റെ ബാനറിൽ ഇസക്കി ദുരൈയാണ് നിർമാണം. സംഗീതത്തിന് പ്രാധാന്യം നൽകുന്ന ഒരു റൊമാന്റിക് ചിത്രമാണ് വിഎസ്പി 33. അതേ സമയം നല്ലൊരു സന്ദേശവും ചിത്രത്തിലുണ്ടെന്ന് സിനിമയുടെ സംവിധായകൻ വെങ്കട കൃഷ്ണ റൂഗത് അറിയിച്ചു. ചിത്രത്തിന്‍റെ ഷൂട്ടിംഗ് ആരംഭിച്ചു.
