വിജയ് സേതുപതിയും മകൻ സൂര്യയും കാട്ടിൽ വച്ച് ഇടിയുണ്ടാക്കുന്നതിന്‍റെ അമ്പരപ്പിക്കുന്ന വീഡിയോ ദൃശ്യങ്ങൾ പുറത്ത്. വിജയ് സേതുപതി നായകനാകുന്ന പുതിയ ചിത്രം സിന്ദുബാദിന്‍റെ ഷൂട്ടിംഗ് ലൊക്കേഷനിൽ നിന്നുള്ളതാണ് ഈ ദൃശ്യങ്ങൾ. വിജയ് സേതുപതി മകന് ഒരു ചുംബനം നൽകുന്നിടത്താണ് വീഡിയോ അവസാനിക്കുന്നത്.
പന്നയ്യാരും പത്മിനിയും, സേതുപതി എന്നീ ചിത്രങ്ങൾക്കു ശേഷം വിജയ് സേതുപതിയും എസ്.യു. അരുണ്‍ കുമാറും ഒന്നിക്കുന്ന ചിത്രമാണ് സിന്ദുബാദ്. പുറത്തു വിട്ട ചിത്രത്തിന്‍റെ ടീസറിന് മികച്ച പ്രതികരണമാണ് ലഭിക്കുന്നത്. അഞ്ജലിയാണ് ചിത്രത്തിലെ നായിക.
