വിജയ്‌യുടെ വീടിന് ബോംബ് ഭീഷണി. താരത്തിന്‍റെ സലിഗ്രാമത്തിലുള്ള വീട്ടിൽ ബോംബ് വച്ചിട്ടുണ്ടെന്നാണ് പോലീസിന് അഞ്ജാത ഫോണ് കോൾ ലഭിച്ചത്. ഇതേ തുടർന്ന് പോലീസ് വീടിന് സുരക്ഷ വർദ്ധിപ്പിച്ചു. വിജയ്‌യുടെ പനയ്യൂരിലുള്ള വീടിനും പോലീസ് സുരക്ഷ നൽകിയിട്ടുണ്ട്.
വിജയ്‌യുടെ മാതാപിതാക്കൾ താമസിക്കുന്നത് സലിഗ്രാമത്തിലുള്ള വീട്ടിലാണ്. തുടർന്ന് താരത്തിന്‍റെ പിതാവിനും പോലീസ് ശക്തമായ സുരക്ഷയാണ് ഒരുക്കിയിരിക്കുന്നത്. ചെന്നൈയിൽ നിന്നുള്ള യുവാവാണ് ബോംബ് ഭീഷണി മുഴക്കിയതെന്ന് പോലീസ് പറയുന്നു. സംഭവവുമായി ബന്ധപ്പെട്ടുള്ള കൂടുതൽ വിവരങ്ങൾ പുറത്തുവിട്ടിട്ടില്ല.
