വാക്കേറ്റത്തിനൊടുവില്‍ മുഖത്ത് അടിച്ച വിമാനജീവനക്കാരിയെ തിരിച്ചടിച്ച് യാത്രക്കാരന്‍. ബ്രസല്‍സ് എയര്‍ലൈന്‍സിലാണ് സംഭവം. രണ്ട് പേര്‍ക്ക് നടുവില്‍ ഇരുന്ന ഭാര്യമാതാവിനോട് ഇവര്‍ അപമര്യാദയായി പെരുമാറിയെന്നും ആ പ്രശ്‌നത്തില്‍ വിമാന ജീവനക്കാര്‍ ഇടപെട്ടില്ലന്നുമായിരുന്നു യാത്രക്കാരന്‍റെ വാദം.
പുരുഷനായ വിമാനജീവനക്കാരന്‍ ഇദ്ദേഹത്തെ ശാന്തനാക്കുവാന്‍ ശ്രമിച്ചുവെങ്കിലും പരാജയമായിരുന്നു ഫലം. ദീര്‍ഘനേരത്തെ തര്‍ക്കത്തിനൊടുവില്‍ ജീവനക്കാരുടെ സൂപ്പര്‍വൈസറായ ഒരു സ്ത്രീ ഇവിടേക്ക് എത്തി. എന്നാല്‍ മയപ്പെടാന്‍ ഇദ്ദേഹം തയാറായില്ല.
സംസാരത്തിനിടയില്‍ യാത്രക്കാരന്‍റെ വായയില്‍ നിന്നും തുപ്പല്‍ ഈ സ്ത്രീയുടെ മുഖത്ത് തെറിച്ചു. ഇത് തുടച്ച് മാറ്റിയ സ്ത്രീ ഇദ്ദേഹത്തിന്‍റെ മുഖത്ത് അടിക്കുകയായിരുന്നു. അക്രമാസക്തനായ ഇയാളെ മറ്റ് ജീവനക്കാര്‍ ചേര്‍ന്ന് കീഴ്‌പ്പെടുത്തി. സമീപമുണ്ടായിരുന്ന യാത്രികരിൽ ഒരാൾ ആണ് ഈ ദൃശ്യങ്ങൾ പങ്കുവച്ചത്.
