ഷാനവാസ് കെ. ബാവക്കുട്ടിയുടെ സംവിധാനത്തിലൊരുങ്ങുന്ന ചിത്രത്തിൽ വിനായകൻ നായകനാകുന്നു. പേരു പ്രഖ്യാപിച്ചിട്ടില്ലാത്ത ചിത്രത്തിന്‍റെ പോസ്റ്റർ അണിയറപ്രവർത്തകർ ഉടൻ തന്നെ പുറത്തുവിടുമെന്നാണ് അറിയുവാൻ സാധിക്കുന്നത്.
പുതുമുഖം പ്രിയംവദയാണ് ചിത്രത്തിലെ നായിക. റോഷൻ മാത്യു, ലാൽ, മനോജ് കെ. ജയൻ, ദിലീഷ് പോത്തൻ, രഘുനാഥ് പലേരി, സുനിൽ സുഖദ, ബിനോയ് നമ്പാല തുടങ്ങിയ താരങ്ങളും ചിത്രത്തിൽ മറ്റ് പ്രധാനകഥാപാത്രങ്ങളെ അവതരിപ്പിക്കുന്നു. പട്ടം സിനിമാ കമ്പനിയുടെ ബാനറിൽ ദേവദാസ് കാടഞ്ചേരിയും ശൈലജ മണികണ്ഠനും ചേർന്നാണ് ചിത്രം നിർമിക്കുന്നത്.
