കൊച്ചി: ബിജെപി നേതാവ് പി.സി. ജോര്‍ജിനെയും മകന്‍ ഷോണ്‍ ജോര്‍ജിനെയും പരിഹസിച്ച് നടന്‍ വിനായകന്‍.മതവിദ്വേഷ പരാമര്‍ശത്തിന്‍റെ പേരില്‍ പി.സി. ജോര്‍ജിനെ അറസ്റ്റ് ചെയ്തതിനെ ഷോണ്‍ വിമര്‍ശിച്ചിരുന്നു.
ഈരാറ്റുപേട്ടയിലെ സിഐ ഓഫിസും മജിസ്‌ട്രേറ്റ് കോടതിയും ഉള്‍പ്പെടെ ഈരാറ്റുപേട്ടയില്‍ ഇന്ന് കാണുന്നതെല്ലാം പി.സി. ജോര്‍ജ് ഉണ്ടാക്കിയതാണ് എന്ന് ഷോണിന്‍റെ പ്രസ്താവനയിൽ പറഞ്ഞിരുന്നു.
ഇതിനെതിരേയാണു വിനായകന്‍ സമൂഹമാധ്യമത്തില്‍ പോസ്റ്റിട്ടത്. “ഇതൊക്കെ ഉണ്ടാക്കാന്‍ കാശ് പി.സി. ജോര്‍ജിന്‍റെ കുടുംബത്തു നിന്നാണോ? ഇസ് ലാം മതവിശ്വാസികളടക്കമുള്ള ജനത്തിന്‍റെ നികുതിപ്പണം കൊണ്ടല്ലേ ഷോണേ…?’ എന്നാണ് വിനായകന്‍റെ പോസ്റ്റിലുള്ളത്.
