ലോകത്തെ ആദ്യ വർച്വൽ റിയാലിറ്റി പാർക്ക് ചൈനയിൽ തുറന്നു. 53 മീറ്റർ ഉയരമുള്ള സ്റ്റീലിൽ തീർത്ത ഒരു റോബട്ടിന്റെ രൂപമാണ് പാർക്കിലെ ഏറ്റവും വലിയ ആകർഷണം. ലോകത്തിലെ ഏറ്റവും ഉയരമുള്ള റോബട്ട് പ്രതിമയാണിത്.
പാർക്കിലെ റോളർ കോസ്റ്ററുകളും സിനിമ തിയറ്ററുകളുമെല്ലാം വർച്വൽ റിയാലിറ്റി ടെക്നോളജി ഉപയോഗിച്ചാണ് നിർമിച്ചിരിക്കുന്നത്. സന്ദർശകർക്ക് ഭാവിയിലേക്ക് എത്തിനോക്കാനുള്ള ഒരു അവസരമാണ് ഈ പാർക്കിലൂടെ നല്കുന്നതെന്ന് ഇതിന്‍റെ പിന്നിൽ പ്രവർത്തിക്കുന്നവർ പറയുന്നു.
