വാ​ർ​ധ​ക്യ​ത്തി​ലും സ്വ​ന്തം കാ​ലി​ൽ നി​ൽ​ക്കണം; കത്തുന്ന വെയിലിലെ വഴിയോര കച്ചവടത്തെക്കുറിച്ച് വിശ്വംഭരൻ പറയുന്നത് ഇങ്ങനെ…

ആ​ല​പ്പു​ഴ: തീ​യി​ൽ കു​രു​ത്ത​ത് വെ​യി​ല​ത്ത് വാ​ടി​ല്ലെ​ന്ന് കാ​ണി​ച്ചു ത​രി​ക​യാ​ണ് ഒ​രു വൃ​ദ്ധ​ൻ. ക​ടു​ത്ത വേ​ന​ലി​ൽ അ​ധി​കൃ​ത​രു​ടെ ജാ​ഗ്ര​ത മു​ന്ന​റി​യി​പ്പു​ക​ൾ വ​രു​ന്പോ​ഴും അ​ന്ന​ത്തെ അ​ന്ന​ത്തി​നാ​യി ചൂ​ടി​നെ വ​ക​വെ​യ്ക്കാ​തെ ന​ഗ​ര​ത്തി​ലെ പാ​ത​യോ​ര​ത്ത് ക​ച്ച​വ​ട​ത്തി​ൽ ഏ​ർ​പ്പെ​ട്ടി​രി​ക്കു​ക​യാ​ണ് ഈ 68 ​കാ​ര​ൻ. പൊ​രി​വെ​യി​ലി​ൽ ഒ​രു ത​രി ത​ണ​ലി​ന്‍റെ ആ​ശ്വാ​സ​മി​ല്ലാ​തെ നാ​ട​ൻ പ​ച്ച​ക്ക​റി​ക​ളു​മാ​യി ആ​ല​പ്പു​ഴ ജി​ല്ല കോ​ട​തി​ക്കു സ​മീ​പം ഈ ​വൃ​ദ്ധ​നെ കാ​ണാം.

വീ​ട്ടി​ൽ കൃ​ഷി ചെ​യ്തെ​ടു​ത്ത ചീ​ര​യും മ​ത്ത​നും പ​പ്പാ​യ​യു​മൊ​ക്കെ​യാ​യി കി​ലോ​മീ​റ്റ​റു​ക​ൾ താ​ണ്ടി​യാ​ണ് ചേ​ർ​ത്ത​ല ക​ട​ക്ക​ര​പ്പ​ള്ളി സ്വ​ദേ​ശി ആ​ല​പ്പു​ഴ ന​ഗ​ര​ത്തി​ലെ​ത്തു​ന്ന​ത്. രാ​വി​ലെ മു​ത​ൽ ആ​രം​ഭി​ക്കു​ന്ന വെ​യി​ൽ പൂ​ർ​ണ​മാ​യും കൊ​ള്ളാ​തെ വ​യ്യ. നി​റ​യെ സാ​ധ​ന​ങ്ങ​ളു​മാ​യി വ​ലി​യ പ​ച്ച​ക്ക​റി​ക്ക​ട​ക​ളും വാ​ഹ​ന​ക​ച്ച​വ​ട​ക്കാ​രും ആ​ളു​ക​ളെ ആ​ക​ർ​ഷി​ക്കു​ന്പോ​ൾ പി​ടി​ച്ചു​നി​ൽ​ക്കാ​നും പ്ര​യാ​സം ത​ന്നെ.

ശ​രീ​ര​ത്തി​ൽ ഏ​ൽ​ക്കു​ന്ന ചൂ​ട്, കൊ​ണ്ടു​വ​രു​ന്ന പ​ച്ച​ക്ക​റി​ക​ളെ​യും ക​രി​ച്ചു​ക​ള​യും. എ​ങ്കി​ലും വെ​യി​ൽ ത​ള​ർ​ത്താ​ത്ത മ​ന​സു​മാ​യി വി​ശ്വം​ഭ​ര​ൻ ക​ച്ച​വ​ടം ന​ട​ത്തു​ന്നു. പാ​വ​യ്ക്ക, പ​ട​വ​ലം, വെ​ള്ള​രി, മാ​ങ്ങ, തേ​ങ്ങ എ​ന്നി​ങ്ങ​നെ വി​വി​ധ ഇ​ന​ങ്ങ​ളു​മാ​യാ​ണ് വി​ശ്വം​ഭ​ര​ന്‍റെ വ​ര​വ്. ഇ​തി​ൽ തേ​ങ്ങ മാ​ത്രം പു​റ​ത്തു നി​ന്നു വാ​ങ്ങും.

അ​തും നാ​ട​ൻ. ര​ണ്ടു വ​ർ​ഷ​മാ​യി ഈ ​ക​ച്ച​വ​ട​വു​മാ​യി ന​ഗ​ര​ത്തി​ന്‍റെ ചൂ​ടും പു​ക​യും ഏ​ൽ​ക്കാ​ൻ തു​ട​ങ്ങി​യി​ട്ട്. അ​തി​നു മു​ന്പ് മു​ല്ല​യ്ക്ക​ലി​ൽ തേ​ങ്ങാ​ക്ക​ച്ച​വ​ട​മാ​യി​രു​ന്നു. ര​ണ്ട് പെ​ണ്‍​മ​ക്ക​ളും ഒ​രു മ​ക​നു​മാ​ണ് വി​ശ്വം​ഭ​ര​ന്. എ​ല്ലാ​വ​രെ​യും വി​വാ​ഹം ക​ഴി​പ്പി​ച്ചു.

പെ​ണ്‍​മ​ക്ക​ളി​ൽ ഒ​രാ​ൾ സ്കൂ​ൾ അ​ധ്യാ​പി​ക​യാ​ണ്. മ​ക​ന് എ​ണ്ണ​വ്യാ​പാ​ര​മാ​ണ്. മ​ക​ന്‍റെ വ​രു​മാ​ന​ത്തി​ൽ ഒ​തു​ങ്ങി​ക്കൂ​ടാ​ൻ ഈ ​വൃ​ദ്ധ​ൻ ത​യാ​റ​ല്ല. ക​ത്തു​ന്ന ചൂ​ട് സ​ഹി​ച്ചാ​ലും വാ​ർ​ധ​ക്യ​ത്തി​ലും സ്വ​ന്തം കാ​ലി​ൽ നി​ൽ​ക്കാ​നാ​ണ് ഈ ​പ​ച്ച​ക്ക​റി​ക്ക​ച്ച​വ​ട​മെ​ന്ന് വി​ശ്വം​ഭ​ര​ൻ പ​റ​യു​ന്നു.