ലോക്‌സഭാ ഇലക്ഷനുമായി ബന്ധപ്പെട്ട എക്‌സിറ്റ് പോള്‍ പുറത്തുവന്നതിനു പിന്നാലെ ബോളിവുഡ് താരം വിവേക് ഒബ്‌റോയ് പങ്കു വച്ച ട്വീറ്റ് വന്‍ വിവാദത്തിനാണ് തിരികൊളുത്തിയിരിക്കുന്നത്. എക്‌സിറ്റ് പോളുമായി ബന്ധപ്പെട്ട് പങ്കുവച്ച ട്രോളാണ് താരത്തിന് വിനയായത്. ഐശ്വര്യ റായ്, സല്‍മാന്‍ ഖാന്‍, അഭിഷേക് ബച്ചന്‍, ആരാധ്യ എന്നിവരുടെ ചിത്രങ്ങള്‍ക്കൊപ്പം വിവേക് ഒബ്‌റോയിയുടെയും ചിത്രങ്ങള്‍ വച്ചുള്ള മീം ഉപയോഗിച്ചായിരുന്നു തിരഞ്ഞെടുപ്പു ഫല സൂചനയുടെ ട്രോള്‍ തയ്യാറാക്കിയിരുന്നത്.
അഭിപ്രായ സര്‍വേ, എക്‌സിറ്റ് പോള്‍, തിരഞ്ഞെടുപ്പ് ഫലം എന്നിവ സൂചിപ്പിക്കാന്‍ ബോളിവുഡ് താരം ഐശ്വര്യയുടെ വ്യക്തിജീവിതവുമായി ബന്ധമുള്ള ചിത്രങ്ങളാണ് ട്രോളില്‍ ഉപയോഗിച്ചിരുന്നത്. രാഷ്ട്രീയമില്ല… വെറും ജീവിതം മാത്രം എന്ന അടിക്കുറിപ്പോടെയാണ് വിവേക് ഒബ്‌റോയി ട്രോള്‍ പോസ്റ്റ് പങ്കുവച്ചത്. ട്രോള്‍ വളരെ ക്രിയാത്മകമായി ചെയ്തിരിക്കുന്നുവെന്നും താരം കൂട്ടിച്ചേര്‍ത്തു. ഇതാണ് വ്യാപക പ്രതിഷേധത്തിന് വഴി വച്ചത്.
Haha! 👍 creative! No politics here….just life 🙏😃
Credits : @pavansingh1985 pic.twitter.com/1rPbbXZU8T
— Vivek Anand Oberoi (@vivekoberoi) May 20, 2019
വിവേകിനെ വിമര്‍ശിച്ച് ആദ്യം രംഗത്തു വന്നത് ബോളിവുഡ് താരം സോനം കപൂര്‍ ആയിരുന്നു. തീര്‍ത്തും അരോചകമെന്നായിരുന്നു സോനം കപൂറിന്റെ പ്രതികരണം. ബാഡ്മിന്റണ്‍ താരം ജ്വാല ഗുട്ടയും വിവേക് ഒബ്‌റോയിയെ കടുത്ത ഭാഷയില്‍ വിമര്‍ശിച്ചു. ഇത്തരമൊരു ട്വീറ്റ് പങ്കുവയ്ക്കുന്നത് എന്തൊരു അസംബന്ധമാണെന്നും താരത്തിന്റെ അവസ്ഥയില്‍ നിരാശയുണ്ടെന്നും ജ്വാല ഗുട്ട ട്വിറ്ററില്‍ കുറിച്ചു. ട്ടും വിവേകമില്ലാത്ത ഒരാള്‍ക്ക് ആരാണ് വിവേക് എന്നു പേരിട്ടതെന്നും താരത്തെ വിമര്‍ശിച്ച് സമൂഹമാധ്യമങ്ങളില്‍ കമന്റുകള്‍ നിറഞ്ഞു.
വിവേകിനെ ഓര്‍ത്ത് ലജ്ജിക്കുന്നു എന്നര്‍ത്ഥം വരുന്ന ഹാഷ്ടാഗുകളും വിവേകിനെതിരെ സജീവമായി. നിങ്ങളുടെ സഹോദരിയുടെയോ ഭാര്യയുടെയോ പഴയ ചിത്രങ്ങളും പഴയ പ്രണയബന്ധങ്ങളും കോര്‍ത്തിണക്കി ഒരു ട്രോളുണ്ടാക്കിയാല്‍ എങ്ങനെ പ്രതികരിക്കുമെന്നും ആരാധകര്‍ ചോദിക്കുന്നു. പ്രണയം തകര്‍ന്നതിന്റെ നിരാശ വിവേക് പങ്കുവച്ചതാണെന്ന അഭിപ്രായം ഉന്നയിക്കുന്നവരുമുണ്ട്.
Reality! pic.twitter.com/rwjHWqn4FD
— Salman Nizami (@SalmanNizami_) May 20, 2019
