കോട്ടയം: വിഴിഞ്ഞത്തെ ജനങ്ങളുടെ ആശങ്ക പരിഹരിച്ച് സമരം ഒത്തുതീര്‍പ്പാക്കാന്‍ ശ്രമിക്കുന്നതിന് പകരം വര്‍ഗീയ കലാപം സൃഷ്ടിച്ച് ജനങ്ങളെ തമ്മിലടിപ്പിച്ച് സമരം അടിച്ചമര്‍ത്താനാണ് എല്‍ഡിഎഫ് സര്‍ക്കാര്‍ ശ്രമിക്കുന്നതെന്ന് കോണ്‍ഗ്രസ് അച്ചടക്കസമിതി ചെയര്‍മാന്‍ തിരുവഞ്ചൂര്‍ രാധാകൃഷ്ണന്‍ എംഎല്‍എ.
യുഡിഎഫ് ജില്ലാ നേതൃയോഗം കോട്ടയം ഡിസിസി ഓഫീസില്‍ ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. യുഡിഎഫ് ജില്ലാ ചെയര്‍മാന്‍ സജി മഞ്ഞക്കടമ്പില്‍ അധ്യക്ഷത വഹിച്ചു.
ജില്ലാ കണ്‍വീനര്‍ ഫില്‍സണ്‍ മാത്യുസ്, ജില്ലാ സെക്രട്ടറി അസീസ് ബഡായില്‍, ഡിസിസി പ്രസിഡന്‍റ് നാട്ടകം സുരേഷ്, കുര്യന് ജോയി, സലിം പി. മാത്യു, റഫീക്ക് മണിമല, നീണ്ടൂര്‍ പ്രകാശ്, ടി.സി. അരുണ്‍, ടോമി വേദഗിരി, എന്‍ ഐ. മത്തായി, പി.എം. സലിം, ജോയി ചെട്ടിശേരി, എസ്. രാജീവ്, കുര്യന് പി. കുര്യന് അജിത്ത് മുതിരമല, അസീസ് കുമാരനല്ലൂര്‍ തുടങ്ങിയവര്‍ പ്രസംഗിച്ചു.
