വട്ടിയൂർക്കാവിൽ വി​കെ പ്ര​ശാ​ന്ത് എൽഡിഎഫ് സ്ഥാനാർഥിയായേക്കും; പാർട്ടി ഏൽപ്പിക്കുന്ന ഏത് ഉത്തരവാദിത്വവും സ്വീ​ക​രി​ക്കു​മെ​ന്ന് വി.കെ പ്രശാന്ത്

എം.​ജെ ശ്രീ​ജി​ത്ത്

തി​രു​വ​ന​ന്ത​പു​രം: വ​ട്ടി​യൂ​ർ​ക്കാ​വ് നി​യോ​ജ​ക മ​ണ്ഡ​ല​ത്തി​ൽ തി​രു​വ​ന​ന്ത​പു​രം കോ​ർ​പ​റേ​ഷ​ൻ മേ​യ​ർ വി​കെ പ്ര​ശാ​ന്ത് എ​ൽ​ഡി​എ​ഫ് സ്ഥാ​നാ​ർ​ഥി​യാ​യേ​ക്കും. ഇ​ന്നു ചേ​ർ​ന്ന സി​പി​എം ജി​ല്ലാ സെ​ക്ര​ട്ട​റി​യേ​റ്റ് യോ​ഗം തി​രു​വ​ന​ന്ത​പു​രം കോ​ർ​പ​റേ​ഷ​ൻ മേ​യ​ർ വി​കെ പ്ര​ശാ​ന്തി​നെ ഒ​ന്നാ​മ​താ​യും തി​രു​വ​ന​ന്ത​പു​രം ജി​ല്ലാ പ​ഞ്ചാ​യ​ത്ത് പ്ര​സി​ഡ​ന്‍റ് വി​കെ മ​ധു​വി​നെ ര​ണ്ടാ​മ​താ​യും ഉ​ൾ​പ്പെ​ടു​ത്തി​കൊ​ണ്ടു​ള്ള സ്ഥാ​നാ​ർ​ഥി പ​ട്ടി​ക അം​ഗീ​ക​രി​ച്ചു.

മേ​യ​റാ​യി പ്ര​ശാ​ന്തും ജി​ല്ലാ പ​ഞ്ചാ​യ​ത്ത് പ്ര​സി​ഡ​ന്‍റാ​യി വി​കെ മ​ധു​വും മി​ക​ച്ച പ്ര​ക​ട​ന​മാ​ണ് കാ​ഴ്ച​വ​ച്ച​തെ​ന്ന വി​ല​യി​രു​ത്ത​ലാ​ണ് ജി​ല്ലാ സെ​ക്ര​ട്ട​റി​യേ​റ്റി​ലു​ണ്ടാ​യ​ത്. ഇ​ക്ക​ഴി​ഞ്ഞ പ്ര​ള​യ​കാ​ല​ത്ത് ഇ​രു​വ​രു​ടേ​യും നേ​തൃ​ത്വ​ത്തി​ൽ മി​ക​ച്ച പ്ര​വ​ർ​ത്ത​ന​മാ​ണ് ത​ല​സ്ഥാ​നം കേ​ന്ദ്രീ​ക​രി​ച്ചു ന​ട​ന്ന​ത്.

പ്ര​ശാ​ന്തി​നാ​ണ് വ​ട്ടി​യൂ​ർ​ക്കാ​വി​ൽ നി​ന്നു​ള്ള ഉ​പ​തെ​ര​ഞ്ഞെ​ടു​പ്പ് പ​ട്ടി​ക​യി​ൽ പ്ര​ഥ​മ പ​രി​ഗ​ണ​ന. മേ​യ​ർ എ​ന്ന നി​ല​യി​ൽ പ്ര​തി​പ​ക്ഷ​ത്തു​ള്ള​വ​രു​ടെ അ​ട​ക്കം ന​ല്ല ബ​ന്ധ​മാ​ണ് പ്ര​ശാ​ന്തി​നു​ള്ള​ത്. ഇ​തെ​ല്ലാം ജി​ല്ലാ സെ​ക്ര​ട്ട​റി​യേ​റ്റ് പ​രി​ഗ​ണി​ച്ചു. ജി​ല്ലാ ക​മ്മ​റ്റി​യു​ടെ ശി​പാ​ർ​ശ പ​ട്ടി​ക സം​സ്ഥാ​ന ക​മ്മ​റ്റി​യ്ക്ക് കൈ​മാ​റും. സം​സ്ഥാ​ന ക​മ്മ​റ്റി​യാ​ണ് സ്ഥാ​നാ​ർ​ഥി പ​ട്ടി​ക അം​ഗീ​ക​രി​ക്കേ​ണ്ട​ത്. ഇ​തി​നു മു​ന്പ് എ​ൽ​ഡി​എ​ഫി​ലും ച​ർ​ച്ച​യു​ണ്ടാ​കും.

അ​ഞ്ചു​മ​ണ്ഡ​ല​ങ്ങ​ളി​ലേ​യ്ക്ക് ന​ട​ക്കു​ന്ന നി​യ​മ​സ​ഭാ തെ​ര​ഞ്ഞെ​ടു​പ്പാ​യ​തി​നാ​ൽ ഒ​രു​മി​ച്ചാ​യി​രി​ക്കും സ്ഥാ​നാ​ർ​ഥി പ്ര​ഖ്യാ​പ​നം. നാ​ളെ സി​പി​എം സം​സ്ഥാ​ന സ​മി​തി​യും എ​ൽ​ഡി​എ​ഫും ചേ​രു​ന്നു​ണ്ട്. ഇ​ന്നു പാ​ല​യി​ൽ വി​ധി​യെ​ഴു​ത്ത് ന​ട​ക്കു​ക​യാ​ണ്. പാ​ല​യ്ക്കു പു​റ​മേ ഉ​പ​തെ​ര​ഞ്ഞെ​ടു​പ്പ് ന​ട​ക്കു​ന്ന കോ​ന്നി, അ​രൂ​ർ,മ​ഞ്ചേ​ശ്വ​രം,എ​റ​ണാ​കു​ളം വ​ട്ടി​യൂ​ർ​ക്കാ​വ് മ​ണ്ഡ​ല​ങ്ങ​ളി​ലെ സ്ഥാ​നാ​ർ​ഥി​ക​ളെ ഉ​ട​ൻ ത​ന്നെ പ്ര​ഖ്യാ​പി​ക്കും. ഈ ​മ​ണ്ഡ​ല​ങ്ങ​ളി​ലെ​ല്ലാം സി​പി​എ​മ്മാ​ണ് നി​ല​വി​ൽ മ​ത്സ​രി​ക്കു​ന്ന​ത്. അ​തി​നാ​ൽ എ​ൽ​ഡി​എ​ഫി​ൽ കാ​ര്യ​മാ​യ ച​ർ​ച്ച ഉ​ണ്ടാ​കി​ല്ല.

ഉ​പ​തെ​ര​ഞ്ഞെ​ടു​പ്പ് ന​ട​ക്കു​ന്ന മ​ണ്ഡ​ല​ങ്ങ​ളി​ലേ​യ്ക്കു​ള്ള സ്ഥാ​നാ​ർ​ഥി പ​ട്ടി​ക ഉ​ട​ൻ കൈ​മാ​റാ​ൻ ജി​ല്ലാ ക​മ്മ​റ്റി​ക​ളോ​ട് സം​സ്ഥാ​ന നേ​തൃ​ത്വം നേ​ര​ത്തെ ത​ന്നെ ആ​വ​ശ്യ​പ്പെ​ട്ടി​രു​ന്നു. ഇ​തി​ന്‍റെ അ​ടി​സ്ഥാ​ന​ത്തി​ൽ പ​ല മ​ണ്ഡ​ല​ങ്ങ​ളി​ലും സ്ഥാ​നാ​ർ​ഥി​ക​ളെ സം​ബ​ന്ധി​ച്ചു​ള്ള കാ​ര്യ​മാ​യ ച​ർ​ച്ച​ക​ളും ന​ട​ന്നു​വ​രി​ക​യാ​ണ്. അ​ടു​ത്ത​മാ​സം 21നാ​ണ് വോ​ട്ടെ​ടു​പ്പ് 24നാ​ണ് വോ​ട്ടെ​ണ്ണ​ൽ.

പാർട്ടി ഏൽപ്പിക്കുന്ന ഏത് ഉത്തരവാദിത്വവും സ്വീകരിക്കും: വി.കെ പ്രശാന്ത്

തി​രു​വ​ന​ന്ത​പു​രം പാ​ർ​ട്ടി ഏ​ൽ​പ്പി​ക്കു​ന്ന ഏ​തു ഉ​ത്ത​ര​വാ​ദി​ത്വ​വും സ​ന്തോ​ഷ​ത്തോ​ടെ സ്വീ​ക​രി​ക്കു​മെ​ന്ന് തി​രു​വ​ന​ന്ത​പു​രം മേ​യ​റും വ​ട്ടി​യൂ​ർ​ക്കാ​വി​ലെ മ​ണ്ഡ​ല​ത്തി​ലെ എ​ൽ​ഡി.എഫ് സ്ഥാ​നാ​ർ​ഥി​യാ​യി പ​രി​ഗ​ണി​ക്കു​ന്ന വി​കെ പ്ര​ശാ​ന്ത്. ഇ​ന്നു ചേ​ർ​ന്ന ജി​ല്ലാ സെ​ക്ര​ട്ട​റി​യേ​റ്റ് വി​കെ പ്ര​ശാ​ന്തി​നെ വ​ട്ടി​യൂ​ർ​ക്കാ​വി​ലെ സ്ഥാ​നാ​ർ​ഥി പ​ട്ടി​ക​യി​ൽ ഒ​ന്നാ​മ​താ​യി ഉ​ൾ​പ്പെ​ടു​ത്തി അം​ഗീ​ക​രി​ച്ചി​രു​ന്നു. ഇ​തേ​ക്കു​റി​ച്ചു​ള്ള പ്ര​തി​ക​ര​ണ​മാ​ണ് പ്ര​ശാ​ന്ത് രാ​ഷ്ട്ര​ദീ​പി​ക​യോ​ട് ന​ട​ത്തി​യ​ത്.

അ​ഞ്ചു​വ​ർ​ഷം മേ​യ​റാ​യി പൂ​ർ​ത്തി​യാ​ക്ക​ണ​മെ​ന്ന ആ​ഗ്ര​ഹം ഉ​ണ്ട്. ഇ​നി​യും ന​ഗ​ര​പി​താ​വെ​ന്ന നി​ല​യി​ൽ കു​റ​ച്ചു കാ​ര്യ​ങ്ങ​ൾ കൂ​ടി ചെ​യ്യ​ണ​മെ​ന്നു​മെ​ന്നു​ണ്ട്. പ​ല​പ​ദ്ധ​തി​ക​ളും പൂ​ർ​ത്തി​യാ​ക്കേ​ണ്ട​താ​യി​ട്ടു​ണ്ട്. പ​ല​തും അ​വ​സാ​ന ഘ​ട്ട​ത്തി​ലാ​ണ്. പാ​ർ​ട്ടി എ​ടു​ക്കു​ന്ന തീ​രു​മാ​നം എ​ന്താ​യാ​ലും അം​ഗീ​ക​രി​ക്കും. അ​തി​നൊ​ടൊ​പ്പം നി​ൽ​ക്കു​മെ​ന്ന് പ്ര​ശാ​ന്ത് പ​റ​ഞ്ഞു.