പാലാ: വോളിബോളിന്‍റെ ഈറ്റില്ലമായ സെന്‍റ് തോമസ് കോളജിലെ കോര്‍ട്ടില്‍ മന്ത്രിയുടെയും എംഎല്‍എയുടെയും ടീമുകള്‍ ഏറ്റുമുട്ടിയപ്പോൾ മന്ത്രിയുടെ ടീമിനു വിജയം.
സെന്‍റ് തോമസ് കോളജില്‍ നടന്നുവരുന്ന 43-ാമത് ബിഷപ് വയലില്‍ ഓള്‍ കേരള ഇന്‍റർകൊളീജിയറ്റ് വോളിബോള്‍ ടൂര്‍ണമെന്‍റിനോടനുബന്ധിച്ച് നടന്ന പ്രദര്‍ശനമത്സരത്തിലാണ് മന്ത്രിയും കോളജിലെ പൂര്‍വവിദ്യാര്‍ഥിയുമായ റോഷി അഗസ്റ്റിന്‍ നേതൃത്വം കൊടുത്ത പൂര്‍വവിദ്യാര്‍ഥികളുടെ ടീമും പാലാ എംഎല്‍എ മാണി സി. കാപ്പന്‍ നേതൃത്വം കൊടുത്ത അന്ത്യാളം സിക്‌സസും തമ്മില്‍ ഏറ്റുമുട്ടിയത്.
അത്യന്തം വാശിയേറിയ മത്സരത്തില്‍ തിങ്ങിനിറഞ്ഞ ഗാലറികളെ സാക്ഷിയാക്കി 28 – 30 എന്ന നിലയിലാണ് മന്ത്രി നയിച്ച പൂര്‍വവിദ്യാര്‍ഥികളുടെ ടീം വിജയിച്ചത്.
