ഇരിങ്ങാലക്കുട: വിവാഹദിനം നഗരസഭ 29-ാം വാർഡ് കൗണ്‍സിലറായ കെ.കെ ശ്രീജിത്തും വധു അശ്വതിയും രാജാജി മാത്യു തോമാസിന് വോട്ടഭ്യർത്ഥനയുമായി എത്തിയത് പൊതുജനങ്ങൾക്ക് കൗതുകമായി. കാട്ടൂർ എസ്എൻഡിപി ഹാളിൽ വച്ചായിരുന്നു ഇവരുടെ വിവാഹം.
വിവാഹശേഷം സത്കാരത്തിനായി ഇരിങ്ങാലക്കുട ടൗണ്‍ ഹാളിൽ എത്തുന്നതിന് മുന്പായിരുന്നു ഇവർ സ്ക്വാഡ് പ്രവർത്തനത്തിറങ്ങിയത്. ഇടതുപക്ഷ ജനാധിപത്യ മുന്നണി നേതാക്കളായ പി.മണി , ടി.എസ്.സജീവൻ മാസ്റ്റർ, കെ.ജി.മോഹനൻ മാസ്റ്റർ, വി.എ. അനീഷ് എന്നിവരും പ്രവർത്തകരും നവദന്പതികൾക്കൊപ്പമുണ്ടായിരുന്നു.
