അമ്പലപ്പുഴയിൽ വീ​ട്ടി​ൽ നി​ന്ന് സ്പി​രി​റ്റ് പി​ടി​കൂ​ടി​യ സം​ഭ​വം; സമീപത്തെ രണ്ടു ബാറുകൾ വഴി വ്യാജ മദ്യം വിറ്റഴിച്ചു? ബാറുകളിലെ മദ്യസാമ്പി ളുകൾ പരിശോധനയ്ക്ക്

അ​മ്പ​ല​പ്പു​ഴ: പു​റ​ക്കാ​ട് ക​രൂ​ര് വീ​ട്ടി​ൽ നി​ന്ന് സ്പി​രി​റ്റ് പി​ടി​കൂ​ടി​യ സം​ഭ​വ​ത്തി​ൽ ബാ​റു​ക​ളി​ൽ നി​ന്നു​ള്ള മ​ദ്യ​ സാ​മ്പി​ളു​ക​ൾ പോ​ലീ​സ് പ​രി​ശോ​ധ​ന​ക്ക​യ​ച്ചു.

​ അ​മ്പ​ല​പ്പു​ഴ, പ​റ​വൂ​ർ എ​ന്നീ ബാ​റു​ക​ളി​ൽ നി​ന്ന് ശേ​ഖ​രി​ച്ച സാ​മ്പി​ളു​ക​ളാ​ണ് പോ​ലീ​സ് പ​രി​ശോ​ധ​ന​യ്ക്ക​യ​ച്ച​ത്.​ ക​രൂ​രി​ൽ ന​ട​ന്ന റെ​യ്ഡി​ൽ വ്യാ​ജ വി​ദേ​ശ മ​ദ്യം നി​ർ​മി​ക്കാ​നാ​യു​ള്ള സ്പി​രി​റ്റും മ​ദ്യ​ങ്ങ​ളു​ടെ ലേ​ബ​ലു​ക​ളും മ​ദ്യം നി​റ​യ്ക്കാ​നു​ള്ള പ്ലാ​സ്റ്റി​ക് കു​പ്പി​ക​ളും ക​ണ്ടെ​ടു​ത്തി​രു​ന്നു.​

ക​ഴി​ഞ്ഞ ഒ​രു വ​ർ​ഷ​ത്തി​ല​ധി​ക​മാ​യി ഈ ​വീ​ട് കേ​ന്ദ്രീ​ക​രി​ച്ച് വ്യാ​ജ വി​ദേ​ശ മ​ദ്യ നി​ർ​മാ​ണ​വും വി​ൽ​പ്പ​ന​യും ന​ട​ന്നു വ​ന്നി​രു​ന്നു. ഇ​വി​ടെ നി​ർ​മി​ച്ച മ​ദ്യം അ​മ്പ​ല​പ്പു​ഴ, പ​റ​വൂ​ർ എ​ന്നി​വി​ട​ങ്ങ​ളി​ലെ ബാ​റു​ക​ളി​ല​ട​ക്കം വി​റ്റ​ഴി​ച്ച​താ​യാ​ണ് പോ​ലീ​സ് സം​ശ​യി​ക്കു​ന്ന​ത്.

ഡാ​ഡി വി​ൽ​സ​ൺ എ​ന്ന ബ്രാ​ൻഡാ​ണ് കൂ​ടു​ത​ലാ​യി വി​റ്റ​ഴി​ച്ചി​രി​ക്കു​ന്ന​ത്. വ്യാ​ജ​മ​ദ്യ​മാ​ണെ​ന്ന് അ​റി​ഞ്ഞുകൊ​ണ്ടു ത​ന്നെ ബാ​റു​ട​മ​ക​ൾ ഇ​വ വാ​ങ്ങി വി​റ്റ​ഴി​ച്ചി​ട്ടു​ണ്ടെ​ങ്കി​ൽ ബാ​റു​ട​മ​ക​ൾ ഉ​ൾ​പ്പെ​ടെ​യു​ള്ള​വ​രെ കേ​സി​ൽ ഉ​ൾ​പ്പെ​ടു​ത്തേ​ണ്ടി വ​രും .

എ​ന്നാ​ൽ പ്ര​മു​ഖ​രാ​യ ബാ​റു​ട​മ​ക​ൾ​ക്ക് ഭ​ര​ണ​രാ​ഷ്്ട്രീയ​ത്തി​ൽ വ​ലി​യ സ്വാ​ധീ​ന​മു​ള്ള​തി​നാ​ൽ പോ​ലീ​സ് ഇ​തി​ന് ത​യാ​റാ​കു​മോ​യെ​ന്ന് ക​ണ്ട​റി​യ​ണം.​പ്ര​തി​ക​ൾ​ക്ക് സ്പി​രി​റ്റ് ല​ഭി​ച്ച​തി​നെ​ക്കു​റി​ച്ചും അ​ന്വേ​ഷ​ണം ന​ട​ക്കു​ന്നു​ണ്ട്.

പ​രി​ശോ​ധ​നയ്​ക്ക​യ​ച്ച സാ​മ്പി​ളു​ക​ളു​ടെ ഫ​ലം വ​ന്നാ​ൽ മാ​ത്ര​മേ ഈ ​ബാ​റു​ക​ളി​ൽ വ്യാ​ജ മ​ദ്യ വി​ൽ​പ്പ​ന ന​ട​ന്നോ​യെ​ന്ന് അ​റി​യാ​ൻ ക​ഴി​യു.​ര​ണ്ട് ദി​വ​സം മു​ൻ​പ് ബാ​റു​ക​ളി​ൽ നി​ന്ന് സിസിടിവി ദൃ​ശ്യ​ങ്ങ​ളും പോ​ലീ​സ് ശേ​ഖ​രി​ച്ചി​രു​ന്നു.