പൊ​തു, സ്വ​കാ​ര്യ സ്രോ​ത​സു​ക​ളി​ൽനി​ന്നുള്ള കുടിവെള്ള വിതരണം തടഞ്ഞാൽ കർശന നടപടിയെന്ന് കലക്ടർ

കൊ​ച്ചി: പൊ​തു, സ്വ​കാ​ര്യ സ്രോ​ത​സു​ക​ളി​ൽനി​ന്നു കു​ടി​വെ​ള്ളം ശേ​ഖ​രി​ച്ച് വി​ത​ര​ണം ചെ​യ്യു​ന്ന​ത് ത​ട​യു​ന്ന​വ​ർ​ക്കെ​തി​രേ ക​ർ​ശ​ന ന​ട​പ​ടി സ്വീ​ക​രി​ക്കു​മെ​ന്ന് ജി​ല്ലാ ക​ള​ക്ട​ർ മു​ഹ​മ്മ​ദ് സ​ഫീറു​ള്ള മു​ന്ന​റി​യി​പ്പ് ന​ൽ​കി. ജ​ല​ദൗ​ർ​ല​ഭ്യ​മു​ള്ള പ്ര​ദേ​ശ​ങ്ങ​ളി​ലേ​ക്ക് ടാ​ങ്ക​റു​ക​ളി​ലും ലോ​റി​ക​ളി​ലും കു​ടി​വെ​ള്ളം കൊ​ണ്ടു​പോ​കു​ന്ന​ത് ജി​ല്ലാ ഭ​ര​ണ​കൂ​ട​ത്തി​ന്‍റെ അ​നു​മ​തി​യി​ല്ലാ​തെ ത​ദ്ദേ​ശ സ്ഥാ​പ​ന​ങ്ങ​ളോ പോ​ലീ​സോ ത​ട​യ​രു​തെ​ന്ന് ജി​ല്ലാ ക​ള​ക്ട​ർ പ്ര​ത്യേ​ക ഉ​ത്ത​ര​വി​ൽ വ്യ​ക്ത​മാ​ക്കി.

ടാ​ങ്ക​റു​ക​ളി​ലും ലോ​റി​ക​ളി​ലു​മു​ള്ള കു​ടി​വെ​ള്ള നീ​ക്കം ത​ട​യു​ന്ന​ത് സം​ബ​ന്ധി​ച്ച് പ​രാ​തി​ക​ൾ ല​ഭി​ച്ച സാ​ഹ​ച​ര്യ​ത്തി​ലാ​ണ് ക​ള​ക്ട​ർ ഉ​ത്ത​ര​വി​റ​ക്കി​യ​ത്. കു​ടി​വെ​ള്ള വി​ത​ര​ണം സം​ബ​ന്ധി​ച്ച പ​രാ​തി​ക​ൾ അ​റി​യി​ക്കു​ന്ന​തിന് 1077 എ​ന്ന ടോ​ൾ ഫ്രീ ​ന​ന്പ​റും ക​ള​ക്ട​റേ​റ്റി​ൽ ഏ​ർ​പ്പെ​ടു​ത്തി​യി​ട്ടു​ണ്ട്. ശു​ദ്ധ​ജ​ലം പൊ​തു​സ​ന്പ​ത്താ​ണെ​ന്നും എ​ല്ലാ​വ​ർ​ക്കും ശു​ദ്ധ​ജ​ലം ല​ഭ്യ​മാ​ക്കേ​ണ്ട​ത് ജി​ല്ലാ ഭ​ര​ണ​കൂ​ട​ത്തി​ന്‍റെ ഉ​ത്ത​ര​വാ​ദി​ത്വ​മാ​ണെ​ന്നും ക​ള​ക്ട​ർ ഉ​ത്ത​ര​വി​ൽ ചൂ​ണ്ടി​ക്കാ​ട്ടി.

ജ​ല​സ്രോ​ത​സു​ക​ൾ സം​ര​ക്ഷി​ക്കു​ന്ന​തി​ന് ആ​വ​ശ്യ​മാ​യ മു​ൻ​ക​രു​ത​ലു​ക​ൾ എ​ടു​ത്തി​ട്ടു​ണ്ട്. ഈ ​സാ​ഹ​ച​ര്യ​ത്തി​ൽ കു​ടി​വെ​ള്ള​നീ​ക്കം ത​ട​യു​ന്ന​ത് അ​നു​വ​ദി​ക്കി​ല്ല. അ​തേ​സ​മ​യം നി​ല​വാ​ര​മി​ല്ലാ​ത്ത കു​ടി​വെ​ള്ളം വി​ത​ര​ണം ചെ​യ്യു​ന്ന​തു​മാ​യി ബ​ന്ധ​പ്പെ​ട്ട പ​രാ​തി​ക​ളി​ൽ ക​ർ​ശ​ന ന​ട​പ​ടി സ്വീ​ക​രി​ക്കും. ഇ​ത്ത​രം പ​രാ​തി​ക​ളി​ൽ സാ​ന്പി​ൾ പ​രി​ശോ​ധ​ന ന​ട​ത്തി തു​ട​ർ​ന​ട​പ​ടി സ്വീ​ക​രി​ക്കാ​ൻ ജി​ല്ലാ ഹെ​ൽ​ത്ത് ഓ​ഫീ​സ​റെ​യും ഫു​ഡ് സേ​ഫ്റ്റി വി​ഭാ​ഗം അ​സി​സ്റ്റ​ന്‍റ് ക​മ്മീ​ഷ​ണ​റെ​യും ക​ള​ക്ട​ർ ചു​മ​ത​ല​പ്പെ​ടു​ത്തി.

കി​ണ​റു​ക​ളി​ൽനി​ന്ന് ജ​ല​മൂ​റ്റു​ന്ന​ത് സം​ബ​ന്ധി​ച്ച പ​രാ​തി​ക​ളി​ൽ പ​രി​സ​ര​ത്തെ ജ​ല​വി​താ​ന​ത്തെ ബാ​ധി​ക്കാ​തെ എ​ത്ര ലി​റ്റ​ർ വെ​ള്ളം എ​ടു​ക്കാ​നാ​കും എ​ന്ന​തു സം​ബ​ന്ധി​ച്ച് പ​രി​ശോ​ധ​ന ന​ട​ത്തി ഭൂ​ജ​ല വ​കു​പ്പ് ജി​ല്ലാ ഓ​ഫീ​സ​ർ റി​പ്പോ​ർ​ട്ട് ന​ൽ​കും. ടാ​ങ്ക​റു​ക​ളി​ൽ മ​ലി​ന​ജ​ലം വി​ത​ര​ണം ചെ​യ്യു​ന്നി​ല്ലെ​ന്ന് ഉ​റ​പ്പു​വ​രു​ത്തേ​ണ്ട ചു​മ​ത​ല മേ​ഖ​ല ട്രാ​ൻ​സ്പോ​ർ​ട്ട് ഓ​ഫീ​സ​ർ​മാ​ർ​ക്കാ​ണ്.

കു​ടി​വെ​ള്ള വി​ത​ര​ണം ന​ട​ത്തു​ന്ന ടാ​ങ്ക​റു​ക​ളും ലോ​റി​ക​ളും പ​രി​ശോ​ധി​ക്കു​ന്ന​തി​ന് പ്ര​ത്യേ​ക സ്ക്വാ​ഡും ഇ​തേ ഉ​ത്ത​ര​വ് പ്ര​കാ​രം രൂ​പീ​ക​രി​ച്ചു. ജി​ല്ലാ ഹെ​ൽ​ത്ത് ഓ​ഫീ​സ​റാ​ണ് സ്ക്വാ​ഡി​ന്‍റെ നോ​ഡ​ൽ ഓ​ഫീ​സ​ർ. എ​റ​ണാ​കു​ളം/​മൂ​വാ​റ്റു​പു​ഴ മേ​ഖ​ല ട്രാ​ൻ​സ്പോ​ർ​ട്ട് ഓ​ഫീ​സ​റു​ടെ പ്ര​തി​നി​ധി, ഫു​ഡ് സേ​ഫ്റ്റി അ​സി​സ്റ്റ​ന്‍റ് ക​മ്മീ​ഷ​ണ​ർ, ഭൂ​ജ​ല വ​കു​പ്പ് ജി​ല്ലാ ഓ​ഫീ​സ​ർ, റ​വ​ന്യൂ വ​കു​പ്പി​ലെ ഡ​പ്യൂ​ട്ടി ത​ഹ​സി​ൽ​ദാ​ർ/​ജൂ​ണിയ​ർ സൂ​പ്ര​ണ്ട് എ​ന്നി​വ​രാ​ണ് സ​മി​തി​യി​ലെ അം​ഗ​ങ്ങ​ൾ.

1077 എ​ന്ന ടോ​ൾ​ഫ്രീ ന​ന്പ​റി​ൽ ല​ഭി​ക്കു​ന്ന പ​രാ​തി​ക​ളി​ൽ അ​ത​ത് ദി​വ​സം ത​ന്നെ ന​ട​പ​ടി സ്വീ​ക​രി​ക്കു​മെ​ന്നും ക​ള​ക്ട​ർ അ​റി​യി​ച്ചു.പോ​ലീ​സ്, പ​ഞ്ചാ​യ​ത്ത് വ​കു​പ്പ്, ന​ഗ​ര​കാ​ര്യ വ​കു​പ്പ്, കൊ​ച്ചി കോ​ർ​പ​റേ​ഷ​ൻ, ഫോ​ർ​ട്ടു​കൊ​ച്ചി സ​ബ് ക​ള​ക്ട​ർ, മൂ​വാ​റ്റു​പു​ഴ ആ​ർഡിഒ, ഭൂ​ജ​ല വ​കു​പ്പ്, ത​ഹ​സി​ൽ​ദാ​ർ​മാ​ർ, ആ​രോ​ഗ്യ​വ​കു​പ്പ്, മോ​ട്ടോ​ർ വാ​ഹ​ന വ​കു​പ്പ്, ഭ​ക്ഷ്യ​സു​ര​ക്ഷാ വ​കു​പ്പ് എ​ന്നി​വ​ർ​ക്ക് ഉ​ത്ത​ര​വി​ന്‍റെ പ​ക​ർ​പ്പ് ല​ഭ്യ​മാ​ക്കി​യ​താ​യും ക​ള​ക്ട​ർ അ​റി​യി​ച്ചു.