കോ​ട്ട​യത്തും കൊ​ല്ലത്തും കാ​ട്ടു​പോ​ത്തി​ന്‍റെ ആ​ക്ര​മ​ണ​ത്തി​ൽ മൂ​ന്നു​പേ​ർ കൊ​ല്ല​പ്പെ​ട്ടു; എ​രു​മേ​ലി​യി​ൽ നാ​ട്ടു​കാ​ര്‍ റോ​ഡ് ഉ​പ​രോ​ധി​ക്കു​ന്നു

എ​രു​മേ​ലി, കൊ​ല്ലം: കോ​ട്ട​യം എ​രു​മേ​ലി​യി​ലും കൊ​ല്ലം അ​ഞ്ച​ലി​ലി​നു സ​മീ​പം ആ​യൂ​രി​ലും ജ​ന​വാ​സ​മേ​ഖ​ല​യി​ലി​റ​ങ്ങി​യ കാ​ട്ടു​പോ​ത്തു​ക​ളു​ടെ ആ​ക്ര​മ​ണ​ത്തി​ൽ മൂ​ന്നു പേ​ർ​ക്കു ദാ​രു​ണാ​ന്ത്യം.

എ​രു​മേ​ലി​യി​ൽ വീ​ട്ടു​വ​രാ​ന്ത​യി​ല്‍ പ​ത്രം വാ​യി​ച്ചു​കൊ​ണ്ടി​രി​ക്കു​ക​യാ​യി​രു​ന്ന എ​രു​മേ​ലി ക​ണ​മ​ല പു​റ​ത്തേ​ല്‍ ചാ​ക്കോ​ച്ച​ൻ (65), റ​ബ​ര്‍ ടാ​പ്പിം​ഗ് ചെ​യ്യു​ക​യാ​യി​രു​ന്ന പ്ലാ​വ​നാ​കു​ഴി​യി​ല്‍ തോ​മ​സ് (60) എ​ന്നി​വ​രും ആ​യൂ​രി​ൽ റ​ബ​ർ തോ​ട്ട​ത്തി​ൽ നി​ൽ​ക്കു​ക​യാ​യി​രു​ന്ന പെ​രി​ങ്ങ​ള്ളൂ​ർ കൊ​ടി​ഞ്ഞ​ൽ തെ​ക്കേ​വി​ള സാ​മു​വ​ൽ വ​ർ​ഗീ​സും (58) ആ​ണ് മ​രി​ച്ച​ത്. ഇ​ന്നു രാ​വി​ലെ​യാ​യി​രു​ന്നു കേ​ര​ള​ത്തി​ൽ കേ​ട്ടു​കേ​ൾ​വി​യി​ല്ലാ​ത്ത സം​ഭ​വ​ങ്ങ​ൾ.

എ​രു​മേ​ലി​യി​ൽ വ​ന​മേ​ഖ​ല​യി​ല്‍​നി​ന്ന് ഒ​രു കി​ലോ​മീ​റ്റ​ര്‍ മാ​റി​യാ​ണു മ​രി​ച്ച ചാ​ക്കോ​യു​ടെ​യും തോ​മ​സി​ന്‍റെ​യും വീ​ട്. രാ​വി​ലെ ഏ​ഴി​ന് ജ​ന​വാ​സ​മേ​ഖ​ല​യി​ൽ പ്ര​ത്യ​ക്ഷ​പ്പെ​ട്ട കാ​ട്ടു​പോ​ത്ത് പ്ര​കോ​പ​ന​മൊ​ന്നു​മി​ല്ലാ​തെ ആ​ക്ര​മി​ക്കു​ക​യാ​യി​രു​ന്നു.

പ​രി​ക്കേ​റ്റ ഇ​രു​വ​രെ​യും കോ​ട്ട​യം മെ​ഡി​ക്ക​ല്‍ കോ​ള​ജി​ല്‍ പ്ര​വേ​ശി​പ്പി​ച്ചെ​ങ്കി​ലും ജീ​വ​ൻ ര​ക്ഷി​ക്കാ​നാ​യി​ല്ല. സം​ഭ​വ​മ​റി​ഞ്ഞ് പോ​ലീ​സ്, വ​നം​വ​കു​പ്പ് ഉ​ദ്യോ​ഗ​സ്ഥ​ര്‍ സ്ഥ​ല​ത്തെി.

വ​നം​വ​കു​പ്പ് ഉ​ദ്യോ​ഗ​സ്ഥ​ര്‍ ര​ണ്ടു ടീ​മാ​യി തി​രി​ഞ്ഞു നാ​ട്ടു​കാ​രു​ടെ സ​ഹ​ക​ര​ണ​ത്തോ​ടെ കാ​ട്ടു​പോ​ത്തി​നെ ക​ണ്ടെ​ത്താ​നു​ള്ള ശ്ര​മം തു​ട​രു​ന്നു.
ആ​യൂ​രി​ൽ കൊ​ല്ല​പ്പെ​ട്ട സാ​മു​വ​ൽ വ​ർ​ഗീ​സ് ക​ഴി​ഞ്ഞ ദി​വ​സ​മാ​ണ് ദു​ബാ​യി​ൽ​നി​ന്നു നാ​ട്ടി​ലെ​ത്തി​യ​ത്.

ഇ​ന്നു രാ​വി​ലെ 7.50ഓ​ടെ വീ​ടി​നോ​ടു ചേ​ർ​ന്ന റ​ബ​ർ തോ​ട്ട​ത്തി​ൽ നി​ൽ​ക്കു​മ്പോ​ൾ വ​ർ​ഗീ​സി​നെ കാ​ട്ടു​പോ​ത്ത് പി​ന്നി​ൽ​നി​ന്ന് ആ​ക്ര​മി​ക്കു​ക​യാ​യി​രു​ന്നു. ഗു​രു​ത​ര​മാ​യി പ​രി​ക്കേ​റ്റ വ​ർ​ഗീ​സി​നെ സ്വ​കാ​ര്യ ആ​ശു​പ​ത്രി​യി​ൽ എ​ത്തി​ച്ചെ​ങ്കി​ലും ജീ​വ​ൻ ര​ക്ഷി​ക്കാ​നാ​യി​ല്ല.

വ​ന​മേ​ഖ​ല​യ​ല്ലാ​ത്ത ആ ​പ്ര​ദേ​ശ​ത്ത് കാ​ട്ടു​പോ​ത്ത് വ​ന്ന​ത് എ​ങ്ങ​നെ​യെ​ന്നു തി​ട്ട​മി​ല്ല. കാ​ട്ടു​പോ​ത്തി​നെ പി​ന്നീ​ട് കു​ഴി​യി​ൽ വീ​ണു ച​ത്ത​നി​ല​യി​ൽ ക​ണ്ടെ​ത്തി.

എ​രു​മേ​ലി​യി​ൽ കാ​ട്ടു​പോ​ത്തി​ന്‍റെ ആ​ക്ര​മ​ണ​ത്തി​ല്‍ പ്ര​തി​ഷേ​ധി​ച്ചു നാ​ട്ടു​കാ​ർ ത​ടി​ച്ചു​കൂ​ടി ക​ണ​മ​ല-​എ​രു​മേ​ലി റോ​ഡ് ഉ​പ​രോ​ധി​ക്കു​ക​യാ​ണ്. വ​ന​പാ​ല​ക​രും നാ​ട്ടു​കാ​രും ത​മ്മി​ൽ വാ​ക്കേ​റ്റ​മു​ണ്ടാ​യി.

കാ​ട്ടു​പോ​ത്തി​നെ പി​ടി​കൂ​ടു​മെ​ന്ന് വ​നം വ​കു​പ്പ് അ​റി​യി​ച്ചി​ട്ടു​ണ്ട്. കാ​ട്ടു​പോ​ത്തി​നെ വെ​ടി​വ​ച്ച് പി​ടി​കൂ​ട​ണ​മെ​ന്ന് ആ​ന്‍റോ ആ​ന്‍റ​ണി എം​പി ആ​വ​ശ്യ​പ്പെ​ട്ടു.

വ​ന്യ​മൃ​ഗ​ശ​ല്യ​ത്തി​നെ​തി​രേ നി​ര​വ​ധി​ത്ത​വ​ണ പ​രാ​തി ന​ല്‍​കി​യി​ട്ടും വ​ന​പാ​ല​ക​ര്‍ ന​ട​പ​ടി സ്വീ​ക​രി​ച്ചി​ല്ലെ​ന്നു നാ​ട്ടു​കാ​ര്‍ കു​റ്റ​പ്പെ​ടു​ത്തി. കാ​ട്ടു​പോ​ത്ത് ജ​ന​വാ​സ​മേ​ഖ​ല​യി​ല്‍ തു​ട​രു​ക​യാ​ണ്. മേ​ലൂ​ര്‍ വെ​ട്ടു​കാ​ട്ടി​ല്‍ കാ​ട്ടു​പോ​ത്തി​നെ ക​ണ്ടെ​ത്തി​യി​ട്ടു​ണ്ട്. പോ​ലീ​സ് സ്ഥ​ല​ത്ത് ക്യാ​മ്പ് ചെ​യ്യു​ന്നു.

ക​ഴി​ഞ്ഞ​ദി​വ​സം പ്ര​ദേ​ശ​ത്ത് പു​ലി​യു​ടെ സാ​ന്നി​ധ്യ​മു​ണ്ടാ​യ​താ​യി നാ​ട്ടു​കാ​ര്‍ പ​റ​ഞ്ഞു. ഇ​രു​മ്പൂ​ന്നി​ക്ക​ര ആ​ശാ​ന്‍​കോ​ള​നി​യി​ല്‍ തൈ​പ്ലാ​ക്ക​ല്‍ അ​നി​ല്‍​കു​മാ​റി​ന്‍റെ വീ​ട്ടി​ലെ കൂ​ട്ടി​ല്‍ കെ​ട്ടി​യി​രു​ന്ന ആ​ടി​നെ കൊ​ന്ന​നി​ല​യി​ല്‍ ക​ണ്ടെ​ത്തി. 10 മീ​റ്റ​ര്‍ ദു​ര​ത്തേ​ക്ക് ആ​ടി​നെ വ​ലി​ച്ചു​കൊ​ണ്ടു​പോ​യി. ബു​ധ​നാ​ഴ്ച രാ​ത്രി 10നാ​ണു സം​ഭ​വം. പു​ലി​യാ​ണ് ആ​ടി​നെ കൊ​ന്ന​തെ​ന്നു നാ​ട്ടു​കാ​ര്‍ പ​റ​യു​ന്നു.