വെയിൽസ്: യൂറോ കപ്പ് യോഗ്യതാ മത്സരത്തിൽ ലോകകപ്പ് ഫൈനലിസ്റ്റുകളായ ക്രൊയേഷ്യക്കു ഞെട്ടിക്കുന്ന തോൽവി. ഒന്നിനെതിരേ രണ്ടു ഗോളുകൾക്ക് ഹംഗറി നാലാം റാങ്കുകാരായ ക്രൊയേഷ്യയെ അട്ടിമറിച്ചു.
ഒരു ഗോളിനു ലീഡ് ചെയ്തശേഷമാണ് ക്രൊയേഷ്യ തോൽവി വഴങ്ങിയത്. 13-ാം മിനിറ്റിൽ ആന്ദെ റെബിച്ചാണ് ക്രൊയേഷ്യക്കു ലീഡ് നൽകിയത്. എന്നാൽ ആദ്യ പകുതിയിൽ ആദം സലായിയും രണ്ടാം പകുതിയിൽ മേറ്റ് പട്കായിയും നേടിയ ഗോളുകളുടെ ബലത്തിൽ ഹംഗറി അട്ടിമറി വിജയം നേടുകയായിരുന്നു.
ഇ ഗ്രൂപ്പിൽ ക്രൊയേഷ്യ, സ്ളോവാക്യ, ഹംഗറി, വെയിൽസ് ടീമുകൾക്കു മൂന്നു പോയിന്റ് വീതമാണുള്ളത്. ഇതിൽ വെയിൽസ് ഒരു മത്സരം കുറച്ചാണു കളിച്ചിട്ടുള്ളത്.
