തിരുവനന്തപുരം: വീട്ടിൽ വൈൻ നിർമിച്ച യുവാവ് അറസ്റ്റിൽ. വേളി സ്വദേശിയായ യുവാവാണ് പിടിയിലായത്. വൈൻ ഉണ്ടാക്കാൻ ഉപയോഗിച്ച സാധനങ്ങളും എക്സൈസ് പിടിച്ചെടുത്തു. ഇയാൾക്കെതിരെ ജാമ്യമില്ലാ വകുപ്പ് ചുമത്തി കേസെടുത്തു. യുവാവിനെ റിമാൻഡ് ചെയ്തു.
വീടുകളിൽ വൈൻ ഉണ്ടാക്കുന്നത് അബ്കാരി നിയമപ്രകാരം കുറ്റകരമാണെന്ന മുന്നറിയിപ്പ് കഴിഞ്ഞ ദിവസം എക്സൈസ് നൽകിയിരുന്നു. ക്രിസ്മസ്, പുതുവല്‍സര ആഘോഷങ്ങള്‍ക്ക് മുന്നോടിയായാണ് കര്‍ശന മുന്നറിയിപ്പുമായി എക്സൈസ് രംഗത്തെത്തിയത്.
