ഐസ് ക്യൂബിന്റെയോ വെള്ളത്തിന്റേയോ ഗ്ലാസിന്റെയോ സഹായമില്ലാതെ മദ്യപിക്കുവാനുള്ള നൂതന കണ്ടുപിടുത്തവുമായി വിസ്കി നിർമാണ കമ്പനി. ഗ്ലെൻലിവെറ്റ് എന്ന വിസ്കി നിർമാണ കമ്പനിയാണ് ഗുളിക രൂപത്തിലുള്ള വിസ്കി നിർമിച്ച് വിപണി കൈയടക്കുന്നത്.
ഒരു ക്യാപ്സ്യൂളിൽ 23എംഎൽ വിസ്കിയാണ് നിറച്ചിരിക്കുന്നത്. മൂന്ന് നിറങ്ങളിൽ പുറത്തിറക്കിയിരിക്കുന്ന ഈ ക്യാപ്സൂൾ വായിൽ ഇട്ട് കടിക്കുവാൻ സാധിക്കുമെന്ന് കമ്പനി പറയുന്നു. കോക്ക്ടെയിലായാണ് ഈ കാപ്സ്യൂൾ ഒരുക്കിയിരിക്കുന്നത്.
ഈ കാപ്സ്യൂൾ സ്വന്തമാക്കുവാൻ ആളുകൾ കാത്ത് നിൽക്കുകയാണെന്നാണ് കമ്പനി വക്താക്കളുടെ വാദം. മാത്രമല്ല ഈ കമ്പനിയുടെ ഔദ്യോഗീക ട്വിറ്ററിൽ നിരവധിയാളുകളാണ് കണ്ണോടിക്കുന്നത്.
