രണ്ട് മക്കളുമായി സ്കൂട്ടറിൽ പോയ യുവതിയെ റോഡിൽ തടഞ്ഞുനിർത്തി മധ്യവയസ്കൻ മുഖം ഇടിച്ചുപൊട്ടിച്ചു. പുനയിൽ പഷാന്‍-ബാനെര്‍ ലിങ്ക് റോഡില്‍ ഇന്നലെയാണ് ആക്രമണം ഉണ്ടായത്.
ഇൻസ്റ്റഗ്രാമിൽ പങ്കുവച്ച വീഡിയോയിൽ കുട്ടികളുമായി സ്കൂട്ടറിൽ പോകുമ്പോൾ കാറിൽ പിന്തുടർന്ന ആളാണ് ആക്രമിച്ചതെന്ന് യുവതി പറഞ്ഞു.
കാറിന് മുന്നില്‍പ്പെടാതിരിക്കാന്‍ സ്കൂട്ടര്‍ റോഡിന്‍റെ ഇടതുവശത്ത് ഒതുക്കിയെങ്കിലും ഓവര്‍ടേക്ക് ചെയ്ത് സ്കൂട്ടറിന് മുന്നില്‍ നിര്‍ത്തിശേഷം ഡ്രൈവര്‍ ഇറങ്ങിവന്ന് മുടിയില്‍ പിടിച്ചുവലിച്ച് മൂക്കില്‍ ആഞ്ഞിടിക്കുകയായിരുന്നു. വീഡിയോയില്‍ മുഖത്തുനിന്ന് ചോരയൊലിപ്പിച്ചുനില്‍ക്കുന്ന അവസ്ഥയിലാണ് യുവതി.
ഈ സമയത്ത് അക്രമിയുടെ ഭാര്യയും കാറില്‍ ഉണ്ടായിരുന്നു. പോലീസുകാരും അതുവഴി വന്ന മറ്റൊരു സ്ത്രീയും ചേര്‍ന്നാണ് ജെര്‍ലിനെ ആശുപത്രിയില്‍ എത്തിച്ചത്. ആക്രമണം നടത്തിയ സ്വപ്നില്‍ കെക്രെയെയും ഭാര്യയെയും ചതുര്‍ശൃംഗി പോലീസ് സ്റ്റേഷനിലെത്തിച്ച് കേസെടുത്തു.
വീഡിയോ കാണാൻ ഇവിടെ ക്ലിക്ക് ചെയ്യുക
