സോഷ്യൽ മീഡിയയിൽ ആളുകൾ അവരുടെ വീഡിയോകൾക്ക് വ്യൂസും ലൈക്കുകളും നേടുന്നതിന് അപകടകരമായ സ്റ്റണ്ടുകൾ ചെയ്യുന്നത് ഇപ്പോൾ പതിവാണ്.
ആയിരക്കണക്കിന് ലൈക്കുകൾക്കായി വീഡിയോകൾ നിർമിക്കുന്നതിനും സോഷ്യൽ മീഡിയയിൽ പോസ്റ്റ് ചെയ്യുന്നതിനും പ്രശസ്തരാകുന്നതിനും വേണ്ടി സ്വന്തം ജീവൻ അപകടത്തിലാക്കാൻ പോലും ഇവർ മടിക്കുന്നില്ല.
അപകടകരമായ സ്റ്റണ്ടുകൾ നടത്തി ഇൻസ്റ്റാഗ്രാം റീലുകളുണ്ടാക്കുന്നതിനിടയിൽ ആളുകൾക്ക് ജീവൻ നഷ്ടപ്പെട്ട നിരവധി സംഭവങ്ങൾ വെളിച്ചത്ത് വന്നിട്ടുണ്ട്. രാജ്യത്തെ റെയിൽവേ ട്രാക്കുകൾക്കും റെയിൽവേ സ്റ്റേഷനുകൾക്കും സമീപം ഇത്തരം നിരവധി സംഭവങ്ങൾ ഉണ്ടായിട്ടുമുണ്ട്.
ഇത്തരത്തിൽ സോഷ്യൽ മീഡിയ ഇൻഫ്ലുവൻസർ മുംബൈയിലെ റെയിൽവേ സ്‌റ്റേഷനിലും റെയിൽവേ ട്രാക്കുകൾക്ക് സമീപവും വീഡിയോകൾ നിർമ്മിച്ച് ഇൻസ്റ്റാഗ്രാമിൽ നിരവധി ലൈക്കുകളും കാഴ്ചകളും നേടിക്കൊണ്ടിരിക്കുകയാണ്.
ജീവൻ അപകടത്തിലാക്കുന്ന രീതിയിൽ മലാഡ് റെയിൽവേ സ്റ്റേഷനിൽ ഓടുന്ന ലോക്കൽ ട്രെയിനിനുള്ളിൽ നിന്ന പുരുഷനൊപ്പം നൃത്തം ചെയ്യുന്ന ഒരു സ്ത്രീയുടെ വീഡിയോയാണിത്.
റെയിൽവേ സ്റ്റേഷനിൽ യാത്രക്കാരൻ്റെ കൈപിടിച്ച് നൃത്തം ചെയ്യുന്ന യുവതി. ഓടിക്കൊണ്ടിരിക്കുന്ന ട്രെയിനിന് സമീപം അപകടകരമായ രീതിയിൽ നൃത്തച്ചുവടുകൾ വയ്ക്കുന്നു.
ഇൻസ്റ്റാഗ്രാം റീലിനായി വീഡിയോ ചെയ്യുന്നതിനിടെ പ്ലാറ്റ്‌ഫോമിനും അതിവേഗ ട്രെയിനിനും ഇടയിൽ യുവതി വീഴാമായിരുന്നു. അത്തരത്തിലുള്ള മറ്റൊരു വീഡിയോയിൽ, റെയിൽവേ ട്രാക്കിന് സമീപം കടന്നുപോകുന്ന ട്രെയിനിന് വളരെ അടുത്തായി സ്ത്രീ നിൽക്കുന്നതും കാണാം.
@MumbaiPolice @drmmumbaicr@CMOMaharashtra @DGPMaharashtra @rpfwr1 @WesternRly@RailwaySeva @RailMinIndia Police should take action on this. This is Malad Railway Station video. After watching this, more people will make such videos. Strict action should be taken against them. pic.twitter.com/DXLDC8WurZ
— मुंबई महाराष्ट्र NEWS ⚖️🚑🚓🚒 (@Mumbai_News_) February 20, 2024
