ഒരു സ്ത്രീ കൈയിൽ വടിയുമായി കുളത്തിൽ നീന്തുന്ന വീഡിയോ സോഷ്യൽ മീഡിയയിൽ പ്രചരിക്കുകയാണ്. കുളത്തിനുള്ളിൽ ഒരു വലിയ ചീങ്കണ്ണിയും ഉണ്ടായിരുന്നു. ഇൻസ്റ്റഗ്രാമിലാണ് വീഡിയോ പോസ്റ്റ് ച‍െയ്തിരിക്കുന്നത്. ഇവർ ചീങ്കണ്ണിക്കൊപ്പമുള്ള വീഡിയോകളും ചിത്രങ്ങളും പലപ്പോഴും സോഷ്യൽ മീഡിയയിൽ പോസ്റ്റ് ചെയ്യാറുണ്ട്.
റിപ്പോർട്ടുകൾ പ്രകാരം ഗാബി എന്ന സ്ത്രീ ഒരു മൃഗ രക്ഷാപ്രവർത്തകയും ബെല്ലോവിംഗ് ഏക്കർ അലിഗേറ്റർ സാങ്ച്വറി എന്ന പേരിലുള്ള ഒരു വന്യജീവി സങ്കേതത്തിന്‍റെ ഉടമയുമാണ്. വൈറൽ വീഡിയോയിൽ കാട്ടിലെ ഒരു കുളത്തിലേക്ക് അവൾ ഇറങ്ങുന്നത് കാണാം. ഒരു വലിയ ചീങ്കണ്ണി ആ കുളത്തിൽ നീന്തുന്നുമുണ്ട്. ബെല്ല അക്രമകാരിയായ ചീങ്കണ്ണിയാണ്.
ഇക്കാരണത്താൽ ഭക്ഷണം നൽകുമ്പോൾ അവൾക്ക് ദേഷ്യം വരാതിരിക്കാനും, ബെല്ലയെ ശാന്തയാക്കാനും ഗാബിയും സംഘവും ശ്രമിക്കുന്നു. ഗാബി വെള്ളത്തിലിറങ്ങിയതിന് പിന്നാലെ ബെല്ല അവളുടെ അടുത്തേക്ക് വരുന്നുണ്ട്. തുടർന്ന് ഗാബി ചീങ്കണ്ണിക്ക് ഭക്ഷണം കൊടുക്കാനും തുടങ്ങുന്നു.
‘ബെല്ല അലിഗേറ്ററിനൊപ്പം പ്രവർത്തിക്കുന്നു! ബെല്ല ഉന്തും തള്ളുമൊക്കെയുണ്ട്, പക്ഷേ ഭക്ഷണത്തിന് ചുറ്റും അവളെ ശാന്തയാകാൻ ഞങ്ങൾ ശ്രമിച്ചുകൊണ്ടിരിക്കുകയാണ്. @gatorboys_chris വെള്ളത്തിൽ പരിശീലനത്തെക്കുറിച്ചും സുരക്ഷിതമായ അകലം പാലിക്കാനും നിയന്ത്രണം നിലനിർത്താനും വടി എങ്ങനെ ഉപയോഗിക്കാമെന്നും എന്നെ ഒരുപാട് പഠിപ്പിച്ചു. ഒരിക്കലും കാട്ടു ചീങ്കണ്ണികൾക്കൊപ്പം നീന്തുകയോ ഭക്ഷണം കൊടുക്കുകയോ ചെയ്യരുത്! ഇത് ഞങ്ങളുടെ സങ്കേതമായ @bellowingacres-ൽ ചിത്രീകരിച്ചതാണ്’ അവൾ വീഡിയോയ്ക്ക് അടിക്കുറിപ്പ് നൽകി,
പോസ്റ്റ് ചെയ്തതിന് തൊട്ടുപിന്നാലെ മൂന്ന് ലക്ഷത്തിലധികം വ്യൂസ് നേടി വീഡിയോ വൈറലായി. 9 ആയിരത്തിലധികം ഉപയോക്താക്കൾ ഇത് ലൈക്ക് ചെയ്തു. നിരവധി ഉപയോക്താക്കളും വീഡിയോയിൽ കമൻ്റ് ചെയ്തിട്ടുണ്ട്
